Ba joven sira

Hamriik metin ba buat neʼebé ó fiar!

Matadalan: Halo serbisu neʼe iha fatin neʼebé hakmatek. Nuʼudar ó lee eskritura sira, hanoin toʼok katak ó mós ema ida iha istória neʼebé ó lee, no katak ó bele haree buat neʼebé akontese no rona ema koʼalia. Sente buat neʼebé sira sente. Nuneʼe, halo istória neʼebé ó lee husi Bíblia sai hanesan akontese daudaun.

Ema iha istória neʼe: Jeremias, Ebed-melec, Liurai Zedequias

Istória kona-ba: Jeremias hasoru terus kuandu nia haklaken Maromak nia mensajen atu ema Judá rende an ba ema Kaldeia.

1 HANOIN DIDIʼAK KONA-BA BUAT NEʼEBÉ AKONTESE.—LEE JEREMIAS 38:1-5.

Tuir ó-nia hanoin, Jeremias sente oinsá kuandu nia koʼalia ba ema Judá?

․․․․․

Sentimentu saida mak Jeremias hatudu liuhusi ninia lian nuʼudar nia haklaken Maromak Jeová nia avizu?

․․․․․

BUKA-HATENE LIUTÁN.

Saida mak Jeremias fiar, neʼebé fó forsa ba nia atu haklaken ho aten-brani?

․․․․․

2 HANOIN DIDIʼAK KONA-BA BUAT NEʼEBÉ AKONTESE.—LEE JEREMIAS 38:6-13.

Hodi uza ó-nia hanoin, hakerek kona-ba bee posu neʼe, hanesan kleʼan oinsá, luan oinsá, no horon hanesan saida.

․․․․․

Jeremias hanoin kona-ba saida kuandu nia “komesa mout iha tahu”? (Lee fali versíkulu 6.)

․․․․․

BUKA-HATENE LIUTÁN.

Hodi uza livru ka buat seluk atu hetan informasaun, buka-hatene buat foun ruma kona-ba bee posu iha Bíblia nia tempu, neʼebé ó seidauk hatene.

․․․․․

 Saida mak Ebed-melec fiar, neʼebé book nia atu salva Jeremias? (Lee fali versíkulu 7-9.)

․․․․․

Zedequias rona uluk ba liurai-oan sira no depois nia rona fali ba Ebed-melec. Tansá mak Zedequias troka ninia hanoin lalais hanesan neʼe? (Lee fali versíkulu 5 no 10.) Ida-neʼe hatudu katak Zedequias ema oinsá? No hatudu saida kona-ba ninia fiar?

․․․․․

Iha istória ida-neʼe, sé mak hatudu fiar neʼebé metin, no sé mak la hatudu? Tansá ó hatán hanesan neʼe?

․․․․․

3 HALO TUIR BUAT NEʼEBÉ Ó APRENDE. HAKEREK BUAT NEʼEBÉ Ó APRENDE.

Saida mak ó aprende kona-ba aten-brani?

․․․․․

Tansá mak importante tebes atu iha fiar neʼebé metin?

․․․․․

Oinsá mak Maromak Jeová proteje ema neʼebé halo tuir nia ho aten-brani?

․․․․․

Kuandu ema hakarak obriga ó atu halo buat ruma neʼebé la loos, tansá mak iha fiar neʼebé metin bele ajuda ó atu halo buat neʼebé loos?

․․․․․

4 HUSI ISTÓRIA NEʼE, SAIDA MAK IMPORTANTE LIU BA Ó, NO TANBASÁ?

․․․․․

SE Ó LA IHA BÍBLIA, HUSU TESTEMUÑA BA JEOVÁ, KA LEE IHA INTERNET IHA www.watchtower.org (Iha lia-indonézia ka portugés.)