မိတ်ဆွေကောင်းများ ရှာတွေ့နိုင်ပုံ
လူငယ်စာရှုသူများအတွက်
မိတ်ဆွေကောင်းများ ရှာတွေ့နိုင်ပုံ
ညွှန်ကြားချက်များ- ဒီလေ့ကျင့်ခန်းကို ဆိတ်ငြိမ်တဲ့ ၀န်းကျင်မှာ ပြုလုပ်ပါ။ ကျမ်းချက်တွေကို ဖတ်ရှုရင်း အဖြစ်အပျက်မှာ သင်ပါ၀င်နေတယ်လို့ စိတ်ကူးကြည့်ပါ။ အဖြစ်အပျက်ကို စိတ်မှာ မြင်ယောင်ပါ။ အသံတွေကို ကြားယောင်ပါ။ ဇာတ်ကောင်တွေရဲ့ စိတ်လှုပ်ရှားမှုတွေကို ခံစားကြည့်ပါ။ အဖြစ်အပျက်ကို အသက်၀င်စေပါ။
အဓိကဇာတ်ကောင်များ- ယောနသန်၊ ဒါဝိဒ်နှင့် ရှောလု
အကျဉ်းချုပ်- ဂေါလျတ်ကို ဒါဝိဒ် သတ်ပြီးနောက် ယောနသန်သည် ဒါဝိဒ်၏မိတ်ဆွေကောင်း ဖြစ်လာခဲ့သည်။
၁ အဖြစ်အပျက်ကို ဆန်းစစ်ပါ။— ၁ ဓမ္မရာဇ၀င် ၁၇:၅၇-၁၈:၁၁; ၁၉:၁; ၂၀:၁-၁၇၊ ၄၁၊ ၄၂ ကိုဖတ်ပါ။
ရှောလုရဲ့ပုံပန်းသဏ္ဌာန်ကို သင့်စိတ်ထဲ မြင်ယောင်တဲ့အတိုင်း ဖော်ပြပါ။ (သဲလွန်စ– ၁ ဓမ္မရာဇ၀င် ၁၀:၂၀-၂၃ တွင် ကြည့်ပါ။)
․․․․․
ယောနသန်နဲ့တွေ့ချိန်မှာ ဒါဝိဒ်က ဆယ်ကျော်သက်အရွယ်ပဲ ရှိသေးတယ်။ သူ့ရဲ့ ပုံပန်းသဏ္ဌာန် ဘယ်လိုဖြစ်နေမယ်လို့ သင်ထင်သလဲ။ (သဲလွန်စ– ၁ ဓမ္မရာဇဝင် ၁၆:၁၂၊ ၁၃ တွင် ကြည့်ပါ။)
․․․․․
၁ ဓမ္မရာဇဝင် အခန်းကြီး ၂၀ ရဲ့အဆုံးပိုင်းမှာ ဒါဝိဒ်နဲ့ယောနသန်တို့ရဲ့ အပြန်အလှန်ပြောဆိုမှုကနေ သင် ဘယ်လိုခံစားရသလဲ။
․․․․․
၂ ထပ်လေ့လာကြည့်ပါဦး။
“ယောနသန်စိတ်နှလုံးသည် ဒါဝိဒ်စိတ်နှလုံးနှင့်စွဲကပ်လျက်ရှိ” တယ်လို့ မှတ်တမ်းကဆိုတယ်။ (၁ ဓမ္မရာဇဝင် ၁၈:၁) အဲဒီကျမ်းချက်ကိုပဲ ဘာသာပြန်ကျမ်းတစ်ကျမ်း (Contemporary English Version) က ဒီလိုဖော်ပြတယ်– “ဒါဝိဒ်နှင့်ယောနသန်တို့သည် မိတ်ဆွေကောင်းများ ဖြစ်လာကြ၏။” ဒါဝိဒ်ရဲ့ အဘယ်အရည်အသွေးတွေကို ယောနသန်နှစ်သက်ခဲ့တာလဲ။ (သဲလွန်စ– ၁ ဓမ္မရာဇဝင် ၁၇:၄၅၊ ၄၆ တွင် ကြည့်ပါ။)
․․․․․
ဒါဝိဒ်နဲ့ယောနသန်က အသက် သုံးဆယ်နီးပါး ကွာကြတယ်။ အသက်ကွာပေမဲ့ သူတို့ ဘာကြောင့် မိတ်ဆွေကောင်းတွေ ဖြစ်ရတာလဲ။
․․․․․
စိတ်ဝင်စားစရာကောင်းတဲ့ ဒီမှတ်တမ်းအရ မိတ်ဆွေကောင်းတစ်ယောက်ရဲ့ စရိုက်တချို့က ဘာတွေလဲ။ (သဲလွန်စ– သု. ၁၇:၁၇; ၁၈:၂၄ တွင် ကြည့်ပါ။)
․․․․․
ယောနသန်က အဖေအရင်းထက် ဒါဝိဒ်ကို ဘာကြောင့် တည်ကြည်ရတာလဲ။
․․․․․
၃ သင်ယူသိရှိခဲ့တာတွေကို လက်တွေ့ကျင့်သုံးပါ။ ဒီအချက်တွေနဲ့ပတ်သက်ပြီး သိရှိခဲ့တာတွေကို ချရေးကြည့်ပါ . . .
မိတ်ဆွေဖွဲ့မှု။
․․․․․
တည်ကြည်မှု။
․․․․․
မိမိထက်အသက်ပိုကြီးသူများနှင့် မိတ်ဆွေဖွဲ့မှု။
․․․․․
မိတ်ဆွေကောင်းတွေကို သင် ဘယ်လို မိတ်ဖွဲ့နိုင်သလဲ။
․․․․․
၄ ဒီမှတ်တမ်းမှာ အဘယ်အချက်တွေက သင့်စိတ်ကို အရမ်းထိမိစေသလဲ၊ ဘာကြောင့်လဲ။
․․․․․
သင်၌ ကိုယ်ပိုင်ကျမ်းစာမရှိလျှင် ယေဟောဝါသက်သေများထံ တောင်းခံပါ သို့မဟုတ် www.pr418.com ဝက်ဘ်ဆိုက်တွင် ကျမ်းစာအခြေပြု စာပေများကို ဖတ်ရှုနိုင်ပါသည်