Bakeng sa Bafsa

Kamoo o ka Hwetšago Bagwera ba Botegago

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. E-kwa mantšu. Ikwe kamoo baanegwa-thwadi ba ikwago ka gona. Dira gore taba e phele.

Baanegwa-thwadi: Jonathane, Dafida, le Saulo

Kakaretšo: Ka morago ga gore Dafida a bolaye Goliata, Jonathane e ba mogwera wa Dafida wa paale.

1 SEKA-SEKA TIRAGALO YE.—BALA 1 SAMUELE 17:57–18:11; 19:1; 20:1-17, 41, 42.

Hlalosa kamoo o naganago gore ponagalo ya Saulo e ka gona. (Go go thuša go hwetša karabo: Bona 1 Samuele 10:20-23.)

․․․․․

Ge a be a kopana le Jonathane, Dafida o be a sa le mahlalagading. O nagana gore a ka ba a be a le bjang? (Go go thuša go hwetša karabo: Bona 1 Samuele 16:12, 13.)

․․․․․

O nagana gore Dafida le Jonathane ba be ba ikwa bjang ge ba be ba kgaogana mafelelong a 1 Samuele kgaolo 20?

․․․․․

2 NYAKIŠIŠA.

Pego e utolla gore “pelo ya Jonathane ya xomarêlana le ya Dafida”—goba bjalo ka ge Contemporary English Version e hlalosa, “Dafida le Jonathane ya ba bagwera ba paale.” (1 Samuele 18:1) Ke dika dife tšeo Dafida a bego a na le tšona tšeo di ka bago di ile tša dira gore Jonathane a mmatamele kgaufsi? (Go go thuša go hwetša karabo: Bona 1 Samuel 17:45, 46.)

․․․․․

Dafida le Jonathane ba ka ba ba be ba fetana ka nywaga e 30. Ke dika dife tšeo o naganago gore di ba thušitše gore e be bagwera “ba paale,” go sa šetšwe go se lekane ka nywaga?

 ․․․․․

Dika tša segwera sa kgonthe ke dife, ka ge di bonala pegong ye? (Go go thuša go hwetša karabo: Bona Diema 17:17; 18:24.)

․․․․․

Ke ka baka la’ng Jonathane a ile a botegela Dafida go e na le go botegela tatagwe?

․․․․․

3 DIRIŠA SEO O ITHUTILEGO SONA. NGWALA SEO O ITHUTILEGO SONA KA . . . 

Segwera.

․․․․․

Potego.

․․․․․

Go gwerana le batho ba bagolo.

․․․․․

O ka gogela batho bao e ka bago bagwera bjang?

․․․․․

4 KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․

GE E BA O SE NA BEIBELE, E KGOPELE GO DIHLATSE TŠA JEHOFA, GOBA O BALE DIKGATIŠO TŠE DINGWE TŠE THEILWEGO BEIBELENG GO www.watchtower.org