Gi den yonguwan

Fa wi kan feni trutru mati

Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki fa a e pasa trutru na yu fesi.

Den moro prenspari sma: Yonatan, David, nanga Saul

A tori: Baka te David kiri Goliat, dan Yonatan e tron a moro bun mati fu David.

1 PRUBERI FU SI SAN E PASA.—LEISI 1 SAMUEL 17:57–18:11; 19:1; 20:1-17, 41, 42.

Skrifi fa yu denki taki Saul ben de. (Luku 1 Samuel 10:20-23.)

․․․․․

Soleki fa a sori, dan David ben de wan tini ete di a miti Yonatan. Fa yu denki taki David ben de? (Luku 1 Samuel 16:12, 13.)

․․․․․

Fa yu denki taki David nanga Yonatan ben e firi di den ben prati fu makandra, soleki fa a skrifi na a kaba fu 1 Samuel kapitel 20?

․․․․․

2 ONDROSUKU A TORI MORO FINI.

A tori e taki dati „Yonatan kon lobi David nanga en heri ati”, noso „David nanga Yonatan tron bunbun mati”, soleki fa wan tra vertaling e taki (1 Samuel 18:1; Contemporary English Version). Sortu fasi David ben abi, di ben kan meki taki Yonatan lobi en? (Luku 1 Samuel 17:45, 46.)

․․․․․

David ben de sowan 30 yari moro yongu leki Yonatan. San yu denki taki yepi den fu tron „bunbun mati”, aladi den no ben de speri fu makandra?

 ․․․․․

San na wan tu fasi di wan trutru mati abi, soleki fa e kon na krin na ini a tori disi di e naki wi ati? (Luku Odo 17:17; 18:24.)

․․․․․

Fu san ede Yonatan ben e horibaka gi David moro leki gi en eigi papa?

․․․․․

3 DU SAN YU LERI. SKRIFI DEN SANI DI YU LERI FU . . .

A fasi fa wan matifasi musu de.

․․․․․

A fasi fa sma e horibaka gi makandra.

․․․․․

A matifasi di wi kan abi nanga sma di owru moro wi.

․․․․․

Sortu fasi yu musu abi fu man kisi trutru mati?

․․․․․

4 SORTU SANI NA INI A TORI DISI YU BEN FENI MOI, ÈN FU SAN EDE?

․․․․․

EFU YU NO ABI WAN BIJBEL, DAN YU KAN AKSI YEHOVAH KOTOIGI FU KISI WAN