Chi ʉtaa wiɗiiruu: ¿Sakayua mau aseyua?
CHI ɄTAA WIƊIIRUU. Ẽbẽrarã aribiaurãba ãrĩãdu kʉ̃risiabadau nau ʉ̃rʉbena. Nau kartaɗe beɗeabudaa 7 wiɗi ɓee ʉtaa wiɗiiruuɗebena, mauɗe panau ɓuu Dachi Akõre Beɗeaba nau ʉ̃rʉbena. Naarã articulorã ome panuu baita ɓua: chi ara maka ʉtaa wiɗiɗakaurãmaa, ũkuru ʉtaa wiɗiɗai baita kĩrajʉʉ jarai, mauɗe chi jãabera ʉtaa wiɗi duanuumaa, aude biʼia jaraɗai baita kawabiaɗayu.
JOMA ẽbẽrarã ãchi culturaɗe mauɗe religionɗe ʉtaa wiɗi panuu. Barikiau lukarmaa —iglesiarã, sinagoga, mezquita, pagoda maebʉrã santuario abadaurãmaa— maabea ãchia rosario, camándula, tablilla mauɗe cilindro abadau ome ʉtaa wiɗibadaa.
Nama iujãaɗe joma barau tãeɗe ẽbẽrarãdu ãrĩã ʉtaa wiɗii nurea. Ara jãka animararã kĩra, dachirãba chiko kodayu, bania, mauɗe ʉ̃yabaɗai nesita nurea. Mauɗe dachirã, naseɗapeɗa, wariɗapeɗa mauɗe biubadaa (Eclesiastés 3:19). Maamina, ¿sakayua ẽbẽrarãdu ʉtaa wiɗi nurea?
Dachia nesita panuuɗeeba. Ʉtaa wiɗiburu kĩrabara pana dachiɗeeba mauɗe chi Dachi Akõre baita kuɓuu kĩra ɓuu; jãra kĩrabara chi aude jayoaswẽe ɓuu mauɗe biuwẽe ɓuu kĩra ɓua. Bibliaba jara ɓuu mau dachia aude nesita panuu (Eclesiastés 3:11). Jesusba naka asia: “Chi kuitaa duanuu ãchia nesita panuu kawaɗai Dachi Akõre ʉ̃rʉbena kĩrajʉʉ nurea” (Mateo 5:3).
Chi Dachi Akõre jʉ̃kaa duanaɗa kʉ̃ria panuuɗeeburu ẽbẽrarã ãrĩãdu ãchi temploɗaa wãuribadaa ãrĩã wiɗiɗe wãɗayua mauɗéburu ãchia ne joma baraa ua duanua deeɗaa mama aria maumaa wiɗiɗai baita mauɗeeba tiempo ãrĩãdu. Chi nuree ẽbẽrarãba mauɗeeba waabenarã ẽbẽrarãmaa aiɗaɗai baita wiɗibadaa. Ẽbẽrarã ara ãchi ãstuburu bereka panuu chi ãchia nesita panuu deayua. Maamina ẽbẽrarã biubaribadau mauɗe biʼia kawaɗawẽa saka ɓua nau iujãaɗe. Aɓaburu nii chi kuitaa ɓuu mauɗe waaburu nibaɗe wãsiiɗe biuwẽa, mauɗe poder ãrĩã bara nii, ichiaburu dachimaa deɗeka ɓuu dachirãba nesita panuu. Maamina, ¿sakayua nesita panaa ʉtaa wiɗiɗayu?
Nauɗe kʉ̃risiaba, ¿bichia aɓabenaba aiɗayu mauɗe beɗea biarã ariɗe jaradeayu nesita ɓue maabea unuwẽa ɓue? Dachirã problema baraa duanuu maebʉrã deɗabena biubariburuuɗe, mauɗe dachia kawa kʉ̃risiaɗayu kosarã aseɗai naeɗe mauɗe pekao choroma asebudauɗe, ¿bichi konsejo biarã nesita ɓuuɗe mauɗe waaburu beɗea biʼia ãrĩãdu jarapeɗaaɗaɗe bichi baita ara maka wãʼãe ɓuu senti ɓuka?
Chi Biblia arikʉɗe nauɗebena biʼia jara ɓuu jãuba jara ɓuu ʉtaa wiɗiiruuba ãrĩã aiɗa ɓuu dachia jãka kʉ̃risiabudauɗe. Maubapeɗa Bibliaɗe jara ɓuu mukĩrarã wẽrarã baara ãrĩãdu jipa kiruree asepeɗaaɗaba ʉtaa wiɗipeɗaaɗabaɗa ãchi kĩrachuburiaɗayua, konsejo bia deaɗayua mauɗe perdón wiɗiɗayua, mauɗe panauɗayua ãchia wiɗi ɓee kakua (Salmo 23:3; 71:21; Daniel 9:4, 5, 19; Habacuc 1:3).
Jomaurãba naka ʉtaa wiɗisiɗau araɓau kuitaa panasia. Ãchi beɗea ũriɗayua ãchia kuitaa panasia kaimaa wiɗiɗaiba.