MAIJAN religionda charishpa o shuj costumbrecunata charishpapash tucuicunallatami oraciondaca ruran. Iglesiacunapi, sinagoga nishcacunapi, mezquitas, pagodas o santuario nishca templocunapipashmi oraciondaca ruran. Shinallata oracionda rurarangapaca huaquin cosascunatapashmi utilizan. Por ejemplo, rosario nishcacunata, devocionarios nishca librocunatami utilizan. Imagengunata utilizashpa, alfombracunahuan, tablillas, cilindro nishcacunahuambashmi mañan. Sololla cashpa o tandanajushca cashpapash tucuicunallatami oraciondaca ruran.

Gentecunapash, animalgucunapash micunata, yacuguta, respirashpa causanatapashmi minishtipanchi. Shinallata paicunashnallatami shuj punllaca huañuna tucunchi (Eclesiastés 3:19). Shinapash gentecunallami oraciondaca rurapanchi. ¿Imamanda shina nipanchi?

Gentecunapaca oracionda ruranaca jahua cielopi causajuj Taita Dioshuan parlajuj cuendami can. Bibliapica oracionda rurana munaitaca Taita Diosllatami ñucanchi shungupica churashca ninmi (Eclesiastés 3:11). Chaimandami Jesusca “Diosmanda yachajungapaj [...] munajcunaca, ninandami cushijun” nirca (Mateo 5:3).

Taita Diosmanda yachajungapaj munaimandami gentecunaca templocunata o ashtaca cosascunata rurashca. Shinallata oracionda rurangapapash ashtaca tiempotami utilizashca. Shinapash huaquin gentecunaca ama sololla sintiringapami shuj gentecunapa ayudata mascashca. Shina ruranajushpapash gentecunaca sololla sintirishpami catishca. Gentecunaca na para siempre causai ushashunllu. Shinallata na tucuita yachai ushanchichu. Pero tucui ushaita charij, ali yachaj Diosllami ñucanchi minishtishcataca carai ushan. Shinapash gentecunaca ¿imamandapachata oraciondaca ruran?

Tucuicunallatami imapash llaquicunata o problemacunata charishpaca pipash ayudachun o concejachun minishtipashcanchi. Shinapash pipash na ayudai ushashcachu. O talvez shuj juyashca familia huañujpi, shuj shinlli decicionda japina cashpa o imapash juchata rurashca cashpaca shujcuna consolajujpipash o perdonanimi nijujpipash ¿nachu huaquinbica llaquilla, nali sintirishpa catishcanchi?

Bibliapica ñucanchicuna cushilla, ali sintirichunga oracionda ruranami ayudanga ninmi. Bibliapimi tauca Diosta sirvij jarigucunapa, huarmigucunapa oraciongunata escribishpa saquishca. Paicunaca Taita Dios paicunata consolachun, ayudachun, perdonachunmi mañarca (Salmo 23:3; 71:21; Daniel 9:4, 5, 19; Habacuc 1:3).

Cunanbi gentecunaca piman oracionda rurana cashcataca na ali yachanllu. Shinapash Bibliapi parlashca jarigucuna, huarmigucunaca paicunapa oraciongunata uyachunga pita mañana cashcataca alimi yacharca.