ΣΑΡΟ κο ντουνιάς, σαρέ κο πολιτισμοί ντα κο θρησκείες, ο τζενέ κερένα προσευχή. Κερένα προσευχή κορκορέ ή μπουτ τζενέ μαζί. Κερένα προσευχή κο κχανγκιριά, κο ναοί, κο συναγωγές, κο τζαμιά, κο ιερά. Επίσης μπορεί τι χρησιμοποιήνενα μπουτ διαφορετικά πράγματα για τι κερέν προσευχή, σαρ ισί ο χαλάκια προσευχής, κομποσκοίνια, εικόνες, προσευχητάρια ή προσευχές σο γραφίνενα σε ταμπελίτσες ντα ιμπλαβένα-λεν.

Η προσευχή κερέλα ι τζενέν τι αβέν διαφορετικοί κατά ζώα. Ισί μπαγιά ότι μοιάζασα με το ζώα μπουτέ πραγματέντε. Σαρ ο ζώα, αμέν-ντα χρειαζίντιβασα χαμπέ, μπαρμπάλ ντα πανί. Επίσης σαρ ο ζώα αντικάς αμέν-ντα μπιάντιβασα, τζουβντιάσα ντα μεράσα. (Εκκλησιαστής 3:19) Αλλά σάντε ο τζενέ κερένα προσευχή. Σόσκε;

Μπέκιμ η πο απλή απάντηση ισί επειδή τθεράσα-λες ανάγκη ανταβά. Ντα επίσης ο πο μπουτ τζενέ κα συμφωνίνεν ότι αντράλ κατά προσευχή κεράσα λάφι οντουλέντζαρ σο να ντικχίντιβενα. Με κάτι σο αμένγκε ισί άγιος, ιερός ντα αιώνιος. Η Γραφή σικαβέλα ότι ισινάμ κερντέ τροπόσαρ σο τθεράσα-λες ανάγκη ανταβά. (Εκκλησιαστής 3:11) Ο Ιησούς Χριστός βακερντάς κάποτε: «Ευτυχισμέ ισί οντουλά σο αγαβένα καζόμ μπαρί ανάγκη τθερένα ι Ντεβλές».—Ματθαίος 5:3.

Σαρέ τθεράσα “ανάγκη ι Ντεβλές”. Άκ’ σόσκε ισί αζόμ μπουτ θρησκείες ντα αζόμ μπουτ τθανά σο τζάνα ο τζενέ ντα κερένα προσευχές σαατίντζαρ για τι ντεν λατρεία! Όμως μερικά τζενέ πακιάνα ότι να τθερένα ανάγκη ι Ντεβλές ντα στηρίντιβενα είτε πουμαρέ νεαυτόστε είτε γιαβερέ τζενέντε. Όμως νανέ μπαγιά ότι η βοήθεια σο ντένα ο τζενέ να ερεσέλα; Αμέν ο τζενέ ισινάμ μπίζουρανε, τζουβντιάσα χάνικ μπρεσά ντα ισί μπουτ πράγματα σο να αγαβάσα. Σάντε κάποιος σο τθερέλα πο μπαρί σοφία, ζορ ντα τζουβντιόλα πο μπουτ αμένταρ μπορίνελα τι ντελ-αμέν σο-ντα τθεράσα ανάγκη. Ντα καλά ισί ακριβώς ανταλά ανάγκες σο κερένα-αμέν τι προσευχίντιβας;

Σκεφτίνεν: Μανγκλέν ποτές τι αρακχέν βοήθεια, σοφία ή απαντήσεις κο ερωτήσεις σο καέκ ναστί απαντίνελα; Μανγκλέν ποτές τι αρακχέν βοήθεια για τι λοκχιόλ τουμαρό γκι, για παράδειγμας κάνα χασαρντέν εκχέ τζενές σο μανγκένας μπουτ ή βοήθεια για τι λεν εκ σημαντική απόφαση, ή συγχώρηση κάνα νιωθίνενας μπουτ μπέτι εκχέ πραγμάσκε σο κερντένας;

Σαρ βακερέλα η Γραφή, σαρέ ανταλά πράγματα ισί λόγοι για τι κεράς προσευχή. Η Γραφή μπορίνελα τι βοηθίνελ-αμέν τι τζανάς, σαρ τι κεράς προσευχή ντα καλέ πραγματένγκε τι κεράς προσευχή. Η Γραφή τθερέλα αντρέ ο προσευχές μπουτέ πιστέ μουρσένγκε ντα τζουβλίνγκε. Οντουλά πιστά τζενέ κερντέ προσευχή για παρηγοριά, βοήθεια, συγχώρηση ντα για απαντήσεις κο πο δύσκολες ερωτήσεις.—Ψαλμός 23:3· 71:21· Δανιήλ 9:4, 5, 19· Αββακούμ 1:3.

Σαρέ οντουλά προσευχές μοιάζενας εκχέ πραγμάστε. Οντουλά μουρσά ντα τζουβλιά τζανένας ο πο σημαντικός πράγμας ι προσευχιένγκε, σο ο πο μπουτ τζενέ αντιβές μπιστρένα. Τζανένας κάστε έπρεπε τι κερέν προσευχή.