И МАНУША мангэнпэ па вся и люма, андэ кажно культура и религия. Вонэ када терэн екжэнэ или стидэнпэ андэ ӷруппа. Вонэ мангэнпэ андэ қандиря, храморя, синагоги, мечети, ай кадяжэ паша святыни. Кай тэ мангэнпэ, вонэ используют найбарэ париндора, чотки, барабаноря, молитвенникоря, масхаря, ай кадяжэ молитвы пэ дощечки, савэ потом амблавэн по особо ҭан.

Анда всаворэ жундэ тварении мангэнпэ кати и мануша. Канешно, машкар жывотни и мануша исин бут со общё. Кадя жэ, сар и жывотни, и мануша трэбуй тэ хан, тэ пэн и тэ ԥурдэн. Вонэ тожэ арқадёнпэ, жувэн и мэрэн (Экклезиаст 3:19). Но тэ мангэнпэ моӷут кати и мануша. Васо?

Если тэ ԥэнас еқэ алавэса, када амэнди фартэ трэбуй. Но, сар дэсавэ гиндон, само ӷлавно, кай через и молитва кай и мануша можэт тэ авэл связь кодэлэса, со исин по нэбо, со важ лэндэ свынто и вечно. Андэ Библия ԥэнэнпэ, кай амэ создани кадя, кай амэн тэ цырдэл тэ уӷанас пала лэстэ (Экклезиаст 3:11). Еқвар о Иисус Христос ԥэндя: «Бахталэ, ко полэн, кай лэнди трэбуй о Дэл» (Матфея 5:3).

Кай лэ манушэнди трэбуй о Дэл, драго сыкавэл кода, кай исин барэ қандиря, мечети, синагоги и разни свынти предметоря. Ай скати время и мануша проандярэн андэ молитва? Канешно, дэсавэ мануша екжэнэ стон пэско зор, кай тэ полэн лэ Дэвлэс или мангэн аврэндар помощь. Но хэба на здэлпэ тумэнди, кай и мануша нэ моӷут тэ дэн кодэя помощь, сави трэбуй? Амэнди часто на хутилэл зор, амэ нэ можэм тэ диқас, со авэла англэ, ай инке амари жызня фартэ ӥто прожал. Кати кодэва, ко пэ бутэстэ май мудро, май зорало и ко жувэл май долӷо амэндар, можэт тэ дэл кода, со амэнди трэбуй. Тоди васо амэ камас тэ полас лэ Дэвлэс и тэ мангаспэ?

Давайте погиндосараса акэ пала со. Сас тумэндэ кацаво, кай тумэнди фартэ трэбуй сас помощь, совето и атветоря пэ вопросоря, савэ, сар здэлпэ, най па лэ манушэндири годи? Камэнас тумэ варикала, кай тумэн тэ подритярэн андэ фартэ ԥари время, кала на ашэля кодэлэс, ко тумэнди куч? Или кай тэ поможын тэ прилэн ришэния андэ ԥари ситуацыя? Или кай тумэн тэ простин важ тумари дош и кадэлэстар тэ авэл май вушэро по ди?

Анда Библия дицол, кай через вся када о мануш можэт тэ лэл тэ мангэлпэ. Анда кадэя книӷа пистромэ чачимос пала молитва и кадяжэ андэр латэ запистромэ, пала со мангэнаспэ бут лэ Дэвлэстирэ мануша. Кала вонэ мангэнаспэ, вонэ камэнас тэ виарақэн помощь, зор, совето, прощения и атветоря пэ со май ԥарэ вопросоря (Псалом 23:3; 71:21; Даниил 9:4, 5, 19; Аввакум 1:3).

Хоть кадэла молитвы сас разни, лэндэ всаек исин варисо общё. Всаворэ, ко мангэнаспэ, ӷанэнас пала кода, со сас фартэ важно, кай лэндирэ молитвы тэ авэн ашундэ, и пэр со адес и мануша на камэн тэ шон сама. Кодэла мануша ӷанэнас, кастэ трэбуй сас тэ взвинпэ андэ молитва.