¿Atichwanchu kusisqa kawsayta?

“Wakcha runaqa apum kapuqllanwan kusisqa kaspan, apu runañataqmi wakcha imawanpas mana contentakuspan.” (Benjamin Franklin, yachaysapa runa)

ACHKA runakunam yacharunku, tukuy imayoq kayqa kusikuyta mana apamusqanta. Chayna kaptinpas, achka runakunam mana contentakunkuchu mana ancha kapuqniyoq kasqankurayku, munasqankuta mana haypasqankurayku otaq vecinonkuna hina mana kasqankurayku. Qampas yaqapaschá hikutachikurqanki kay qatiqninpi kaqkunawan:

• Rantinapaq willakuykuna, kayqa sapa kutim niwanchik kusisqa kanapaq imapas faltawasqanchikta.

• Llamkaypi otaq escuelapi llallinakuykuna, kayqa hikutawanchikmi llapankumanta aswan allin kananchikpaq.

• Hukkunapa mana agradecekuq kasqanku.

• Runakunapa otaq amistadninchikkunapa kapuqninkumanta alabakusqanku.

• Vidamanta tapukusqankupa kutichiyninta mana tarisqanku.

Kaykuna hikutawaptinchik, ¿atichwanchu kapuqllanchikwan kusisqa kawsayta? Apostol Pabloqa yacharqam imayna kusisqa kawsanamanta. Wakinpiqa llapa imayoqmi karqa, wakinpiñataqmi mana imayoq. Achka runakunam paymanta admirakurqaku, wakinñataqmi despreciarqaku. Chayna kaptinpas nirqam: ‘Ñoqaqa [yacharurqanim] imapas kapuqllaywan contentakuyta’, nispa (Filipenses 4:11, 12).

Hinaptinqa, yachachwanmi imayna kusisqa kaytaqa. Diospa Palabran Bibliam yachachiwanchik kusisqa kawsanapaq pichqa yanapakuykunata. ¿Munawaqchu chaykunamanta yachayta?