Agradecekuqmi kana
Kinsakaq
Agradecekuqmi kana
BIBLIAN NIN: “Tukuy imaña hayk’aña kaqtinpas [...] graciasta qollaychispuni”, nispa (1 Tesalonicenses 5:18).
¿IMA SASACHAKUYMI KAN? Reqsisqanchis runakunan hatunchakuq mana agradecekuq kanku, samaykuwasunmantaqmi kanpas (2 Timoteo 3:1, 2). Hinaspapas imaymana ruwanayoq kasqanchisraykun qonqasunman imakunayoqpas kasqanchista otaq mana agradecekusunmanchu ñoqanchisrayku allinkuna ruwasqankumanta.
¿IMAN YANAPAWASUNMAN? Yuyaymananan imaymana chaskisqanchispi. Yaqapaschá mayninpi sasachakuykunawan ñit’isqa hina rikukusun, hinaspa mana atipayta atinanchispaq yuyaykusun. Davidpas chhaynapin tarikurqan, ichaqa ¿iman payta yanaparqan? Mañakuspan Diosta nirqan: “Ñawpa p’unchaykunatan yuyarini, tukuy ruwasqaykikunatan yuyaymanani, makiykiq ruwasqankunatan qhawarini”, nispa (Salmo 143:3-5). Imaynapiña tarikuspapas payqa agradecido runan karqan, chaymi yanaparqan kusisqa kananpaq.
Chhaynaqa hukkuna allinkuna ruwapuwasqanchispin yuyaymanananchis hinaspa agradecekunanchis. Jesuspas chaytan ruwarqan. Huk kutinmi amigan María chaniyoq q’apaq hawinawan Jesuspa umanman chakinmanwan hich’aykurqan, chaymi hukkuna nirqanku: “¿Imapaqmi kay hawinata usuchin? * [...] Chanin qolqeman vendekuspa wakchakunaman qokunman karqan” nispa. Jesusmi ichaqa nirqan: “Ama payta hark’aychischu, ¿imapaqmi llakichinkichis? Ñoqapaqqa allin ruwaytan ruwan”, nispa (Marcos 14:3-8; Juan 12:3). Jesusqa ruwasqanmantan Mariata agradecekurqan manataqmi mana ruwasqantachu qhawarirqan.
Ichaqa askha runakunan familianku otaq amigonku wañupusqan qhepamanña yuyarinku allinkuna ruwasqanta. Chayraykun agradecekuqpuni kana. Chaypaqqa yaqapaschá umallaykipi otaq huk papelpi listata ruwawaq pikunaman imakunamanta agradekunayki kasqanta.
Hinaspapas mañakusqanchispin Diosta agradecekunanchis ‘tukuy allin kaqkuna’ qowasqanchismanta (Santiago 1:17). Sapa kutilla chayta ruwasun chayqa agradecekuq runamanmi tukupusun, hinaspapas kusisqan kasun kaqninchiskunallawan (Filipenses 4:6, 7).
[Uranpi willakuy]
^ párr. 6 Jesuspa tiemponpiqa hinatapunin q’apaq hawinawan invitasqa runaq umanman hich’aykuqku. Chay hawinawan Jesuspa chakinman hich’aykuspaqa, huch’uyyaykukuq kasqantan María rikuchisharqan.
[6 paginapi foto]
¿Agradecekun chischu hukkuna ñoqanchispaq ruwasqankumanta?