Ubbatoo Galatiyaagaa Gida
QOFA 3
Ubbatoo Galatiyaagaa Gida
GEESHSHA MAXAAFAY TAMAARISSIYOY AYBEE? “Ubbaban galatite.”—1 Tas. 5:18.
XUBE GIDIYAABI AYBEE? Otorettiyaanne galatenna asay nu yuushuwan kumido gishshau, eta qulliyoogaa doommana danddayoos. (2 Xim. 3:1, 2) Hegaa bollikka, woni oosoy daridoogaa bolli haraa gujjanau unˈˈettiyaabadan nuuyyo siyettana danddayees. Metoy nuna tuccana danddayees; woy nu koshshaa kunttanau bichaariyoogan, nuuyyo deˈiyaabaa woykko harati nuuyyo oottiyoobaa nashshanau wode xayana danddayoos.
AY OOTTANA DANDDAYAY? Neeyyo deˈiya loˈˈobaa wodiyaa immada wotta denttada qoppa. Metoy tuccidobadan neeyyo siyettana danddayiyoogee sirissenna. SHin Kawuwaa Daawita leemisuwaa qoppa. Issi issitoo hitidabadaaninne a wozanay yibbaatidabadan au siyettiis. Gidikkokka, “Neeni oottido oosuwaa ubbaa zaara zaarada qoppaisinne ne kushee oottidobaa akeekais” yaagidi Xoossaa woossiis. (Maz. 143:3-5) Metoy gakkishinkka, Daawiti galatiyaagaanne ufayttiyaagaa gididi deˈiis.
Harati nena maaddanau oottidobaa qoppada, eti oottidobau galata. Hegaa xeelliyaagan Yesuusi loˈˈo leemiso. Leemisuwau, Mayraama keehi alˈˈo shittuwaa a huuphiyaanne tohuwaa tiyido wode, issoti issoti “Ha shittuwaa coo mooriyoogee aibissee?” yaagidi oychidosona. * He shittuwaa bayzzin miishshay hiyyeesatussi imettana koshshees giidi he asati qoppidosona. Yesuusi, “Ha maccaasiyo ainne gooppite; o aissi waisseetii?” yaagiis. Gujjidikka, “A ba danddayidoogaa oottaasu” yaagiis. (Mar. 14:3-8; Yoh. 12:3) Yesuusi Mayraama oottabeennaban xeelaa wottiyoogaappe a oottidobau galatiis.
Issoti issoti bantta so asi woy bantta laggee banttappe hayquwan woy haraban shaahetti simmin he ura nashshoosona woykko etau deˈiya hara loˈˈobay hali simmin hegaa nashshoosona. Neeyyo haˈˈi deˈiya loˈˈobaa qoppiyoogan hegaa mala azzanttiyaabaappe haakkana danddayaasa. Neeni Xoossaa galatanaadan oottiyaabata aybissi qoppikkii, woy xaafa oyqqikkii?
‘Loˈˈo imo ubbay’ yiyoy Xoossaappe gidiyo gishshau, nuuni a woosan galatana koshshees. (Yaaq. 1:17) Ubbatoo hegaadan oottiyoogee nuuni galatiyaageeta gidanaadaaninne deˈiyaaban ufayttanaadan maaddana danddayees.—Pili. 4:6, 7.
[Tohossa qofata]
^ MENT. 6 Koyro xeetu layttan, issi imattaa huuphiyaa zaytiyaa tiyiyoogee imattaa mokkiyoogaa bessiyaaba; qassi zaytiyaa gediyaa tiyiyoogee ba huuphiyaa kaushshiyoogaa bessiyaaba.
[Sinttaa 6n deʼiya misiliyaa]
Harati neeyyo oottiyoobau galatay?
Hageeta Beˈadii?
BEEGOTTITE!
Nashshiyoogaa Bessiyo Ogiyaa
Azinaynne machiyaa issoy issuwaa loˈˈo eeshshaa akeekanawu baaxetiyo wode, eta dabbotay minnees. Neeni nashshanaadan aybi maaddana danddayii?