For Young Pipol

Leprosy Man Hem Kamap Gud!

Hao for duim: Duim disfala project long ples wea kwaet. Taem iu readim olketa scripture, tingim olsem iu long there. Lukim olketa samting wea happen. Herem olketa wea story and minim feeling bilong olketa.

Pipol long disfala story: Naaman, Elisha, and Israelite gele wea no garem nem

Main point: Naaman wea hem bigman long army bilong Syria wea garem bigfala sik hem kamap gud bihaen wanfala Israelite gele talem hem for go lukim Elisha.

1 TING RAONEM SAMTING WEA HAPPEN.​—READIM 2 KINGS 5:​1-​19.

Iu tingse hao nao datfala smol Israelite gele feel, nomata olketa tekem hem from famili bilong hem wea worshipim God?

․․․․․

Iu tingse Naaman datfala strong man wea garem datfala big sik hem feel hao?

․․․․․

Iu tingse story long verse 11 go kasem 13 wea Naaman and olketa wakaman bilong hem talem mekem olketa feel hao?

․․․․․

Waswe, iu luksavve wei wea Naaman changem tingting bilong hem, olsem verse 15 storyim?

․․․․․

2 DUIM RESEARCH.

Maet olketa wanem samting nao mekem Naaman for praod? (Readim moa verse 1.)

․․․․․

Iusim olketa research material wea iu garem for lanem samfala samting moa abaotem disfala sik leprosy long taem bifor.* (Example, hao serious nao datfala sik? Waswe, hem savve spred? Hao nao for treatim?)

․․․․․

Iu tingse hao nao datfala Israelite gele feel taem Naaman kamap gud from datfala sik?

․․․․․

Maet long wanem wei nao samting wea Elisha talem testim Naaman? (Lukim verse 10.)

․․․․․

3 FOLLOWIM SAMTING WEA IU LANEM. RAETEM WANEM IU LANEM ABAOTEM . . .

Olketa danger saed long wei for praod.

․․․․․

Wei for no fraet for storyim wanem iu bilivim.

․․․․․

Paoa bilong Jehovah for healim man wea sik.

․․․․․

4 WANEM NAO MAIN SAMTING WEA IU LANEM FROM DISFALA STORY, AND WHY NAO OLSEM?

․․․․․

SAPOS IU NO GAREM BIBLE, ASKEM OLKETA JEHOVAH’S WITNESS FOR WANFALA BIBLE, OR READIM LONG INTERNET LONG www.watchtower.org

[Footnote]

Datfala sik leprosy long taem bifor hem minim tu disfala sik wea distaem hem Hansen’s disease.