Laj yichʼ poxtael ta skʼelobil juʼelal
Sventa kerem-tsebetik
Laj yichʼ poxtael ta skʼelobil juʼelal
Kʼuyelan xuʼ xa pas: Saʼo bu lek tsʼijil noʼox sventa mu kʼusi xchʼay avoʼonton ta skʼelel li tekstoetike. Akʼbo yipal skʼelel kʼusi tspasik li buchʼutik te chichʼ albel skʼoplale, aʼyo li yechʼomal yeike xchiʼuk li kʼusitik chaʼiike, xchiʼuk kuxuluk xa yileluk ta anopben.
Buchʼutik chichʼ albel skʼoplal: Naamán, Eliseo xchiʼuk jun j-israelal tseb.
Kʼusi kʼot ta pasel: Naamán, ti jaʼ jun bankilal soltaro yuʼun ajvalil ta Siriae, laj yichʼ poxtabel stsatsal chamel koliyal jun j-israelal tseb ti laj yalbe skʼoplal li j-alkʼop Eliseoe.
1 CHANBO SKʼOPLAL LI LOʼILE (KʼELO 2 REYES 5:1-19).
¿Kʼu van yelan laj yaʼi sba xa naʼ li uni j-israelal tseb ta skoj ti mu teuk xchiʼuk li stot smeʼ ti chtunik ta stojolal Jeovae?
․․․․․
Ta skoj ti tsots tajek yabtel staoj li Naamane, ¿kʼu van yelan chaʼi sba xa naʼ ti staoj jtos chamel ti kʼunkʼun chlajesat-oe?
․․․․․
¿Kʼu yelan chloʼilaj xchiʼuk yajtuneltak chavil li Naamán kʼalal ta jkʼeltik li versikulo 11 kʼalal ta 13?
․․․․․
¿Kʼu yelan stalelal lik yakʼ ta ilel Naamán li ta versikulo 15?
․․․․․
2 SABO TO JUTUK SMELOLAL.
¿Kʼu yuʼun toj toyba toʼox li Naamane? (Chaʼkʼelo li versikulo 1.)
․․․․․
Chanbo skʼoplal li kʼaʼemal chamel oy toʼox ta skʼakʼal li Vivliae. * (Sabo skʼoplal mi jaʼ jtos tsatsal chamel xchiʼuk mi xuʼ xkuch yan krixchano, o mi stakʼ poxtael.)
․․․․․
¿Kʼusi van la snop xa naʼ li uni j-israelal tseb kʼalal laj yaʼi ti kol xaʼox li Naamane?
․․․․․
Kʼalal albat kʼusi skʼan spas li Naamane, ¿kʼusi stalelal laj yichʼ akʼel ta preva? (Kʼelo li versikulo 10.)
․․․․․
3 TABO SBALIL LI MANTALE. TSAKO TA VUN LI KʼUSI LA ACHAN TA SVENTA...
... ti kʼu yuʼun xibal sba kʼusitik chkʼot ta pasel yuʼun li toybaile.
․․․․․
... ti kʼu yuʼun skʼan mu xa xiʼ yalbel skʼoplal li kʼusitik achʼunoje.
․․․․․
... li sjuʼel Jeova yoʼ xpoxta li jchameletike.
․․․․․
4 ¿KʼUSI TI LEK KʼUPIL LA AVAʼI LI TA LOʼIL LIʼE? ¿KʼU YUʼUN?
․․․․․
¿MI MUʼYUK AVIVLIA? KʼANBO LI YAJREXTIKOTAK JEOVAE O KʼELO TA www.watchtower.org/s
[Tsʼib ta yok vun]
^ par. 18 Li kʼusi ojtikinbil toʼox kʼuchaʼal kʼaʼemal chamel li ta skʼakʼalil Vivliae, te smakojbe skʼoplal yan kʼusitik jech kʼuchaʼal li Hansen chamel ojtikinbil avie.