Sekre 2

Reziste sa dezir pour konpar ou avek lezot

KI LABIB I DIR? “Sakenn i devre egzamin son prop aksyon, alor si i annan keksoz pour fer li fyer, i ava fyer pour son prop aksyon san ki i bezwen konpar li avek sa ki pour lezot.”—Galat 6:4.

KI SA DEFI? Nou annan sa tandans pour konpar nou avek lezot, parfwa avek bann ki annan pli ptigin ki nou e souvan avek bann ki swa pli for, annan plis larzan, ouswa pli talante ki nou. Me dan nenport ki ka, konpar nou lekor avek lezot i annan en move lefe. Nou panse ki valer en dimoun i depan lo sa ki i annan oubyen sa ki i kapab fer, me sa fason panse i mal. Nou osi kapab devlop zalouzi ek en leta lespri konpetisyon.—Eklezyast 4:4.

KI OU KAPAB FER? Esey vwar ou lekor parey Bondye i vwar ou. Les son fason panse enfliyans lafason ki ou vwar ou lekor. “En senp zonm i vwar sa ki aparet devan son lizye; me Zeova * li, i vwar sa ki dan leker.” (1 Samyel 16:7) Zeova pa konpar ou avek en lot dimoun. I plito egzamin sa ki dan ou leker, ou bann panse, santiman ek motivasyon. (Ebre 4:12, 13) Zeova i konn ou limit e i anvi ki ou osi ou rekonnet sa. Si ou konpar ou lekor avek lezot, pou fini kont ou pou vin swa arogan oubyen ou pa pou zanmen satisfe. Alors, pran an konsiderasyon ou limit e aksepte ki ou pa pou toultan reisi dan tou sa ki ou esey fer.—Proverb 11:2.

Ki ou merit fer spesifikman pour ou annan valer dan lizye Bondye? I ti enspir profet Mika pour ekrir: “I’n dir ou, O zonm, sa ki bon. Ki Zeova pe demann ou an retour apard ki demontre lazistis, kontan labonte, e mars dan en fason modes avek ou Bondye?” (Mika 6:8) Si ou swiv sa konsey, Bondye pou pran swen avek ou. (1 Pyer 5:6, 7) Ki pli bon rezon ankor nou annan pour nou aprann kontant nou avek sa ki nou annan?

[Not anba lo paz]

[Portre lo paz 5]

Sa ki pli enportan pour Zeova se sa ki dan nou leker