Siunnersuut 2

Allanut naleqqiukkusunnerit akioruk

BIIBILIMI QANOQ ALLASSIMAVA? “Kialuunniit nammineq suliani misilissavaa, sulianilu namminiinnaq usorsisimaarutigissavai allanut naleqqiunnagit.” — Galatiamiut 6:4.

SOOQ AJORNAKUSOORPA? Inunnut allanut naleqqiuteqqajaasarpugut — ilaannikkut pissakinnerusunut, amerlanertigulli uagutsinnit nukittunerusunut, pisuunerusunut piginnaaneqarnerusunulluunniit. Tamarmik ajortumik sunniuteqartarput. Kukkulluta isumaqartarpugut inuup pigisai naammassisaqarsinnaaneraluunniit tunngavigalugit inuk taanna nalilerneqartartoq. Aammattaaq inunnut allanut naleqqiuttarutta sinngatuunngorsinnaavugut unammillerumatuunngorlutalu. — Oqaluussisartup oqaasii 4:4.

QANOQ ILIORSINNAAVIT? Guutip ilinnik isiginnittaasiatut imminut isiginnittaaseqarniarsarigit. Taassuma ilinnik isiginnittaaseqarnera illit imminut nalilittut isiginnittaaseqarnernut sunniuteqartiguk. “[Inuit] isiminnut saqqumisuinnaat isigisarpaat, [Jehovalli] inuup uummataa isigisarpaa.” (1 Samueli 16:7) Jehovap allanut naleqqiullutit inuttut nalilerneq ajorpaatit, uummammiuvilli, eqqarsaativit, misigissutsivit siunertavillu maluginiarnerisigut nalilertarpaatit. (Hebræerit 4:12, 13) Jehovap * pisinnaasavit killeqarnerat nalunngilaa kissaatigaalu tamanna illit nammineq eqqumaffigissagit. Allanut naleqqiullutit imminut nalileruit makitasuunngorsinnaavutit naammagittaalliortuaannartunngorlutilluunniit. Taamaattumik suut tamaasa pikkoriffigisinnaanagit makitajuillutit akueriuk. — Ussatit 11:2, 1900.

Guutip isaani naleqarumallutit qanorpiaq iliorsinnaavit? Taassuma pruffiiti Mika isumassarsisillugu ima allattippaa: “Illit inuk, ilisimatinneqareerputit suna ajunngitsuusoq, [Jehovap] suut ilinnit piumasarigai: Iluartumik iliussasutit, ilumoortumik asannissasutit.” (Mika 6:8) Siunnersuut tamanna maleruarukku Guutip isumassussavaatit. (1 Petrusi 5:6, 7) Tamanna nalerisimaarnissamut pissutissavoq annerpaaq, ilaa?

[Quppernerup ataani ilanngussaq]

[Qupp. 5-mi assiliartaq]

Jehovap uummammiutit naapertorlugit nalilertarpaatit