Longoka Muna Nkand’a Nzambi

Ekuma Ofwete Longokela oma ma Nzambi?

Elongi diadi dina ye yuvu ikutokanesanga ye disonga vana olenda tangila e mvutu za yuvu yayi muna Nkand’aku a Nzambi. Mbangi za Yave bena ye kiese kia kusasila e mvutu zazi.

1. Ekuma ofwete longokela oma ma Nzambi?

Nzambi una ye nsangu zambote za diambu disundidi o mfunu kuna kwa wantu. Okutuzayisanga e nsangu zazi muna Nkand’a Nzambi. Nkand’a Nzambi una nze nkanda utukidi kw’Ese dieto dianzodi kun’ezulu.—Tanga Yeremiya 29:11.

2. Nki i nsangu zambote?

O wantu luyalu lwambote bavwidi o mfunu. Ka vena luyalu lwa muntu ko lulendanga vevola o wantu muna umpumbulu, mayela yo lufwa. Kansi, vena ye nsangu zambote. Nzambi ovana luyalu lwambote kwa wantu olu lukubavevola muna mambu mawonso metwasanga e mpasi.—Tanga Daniele 2:44.

3. Ekuma dinin’o mfunu mu longoka oma ma Nzambi?

Ke kolo ko, Nzambi ofwasa wantu awonso betwasanga e mpasi ova nza. Ekolo ke diavangamene ko, Nzambi olonganga mazunda ma wantu ansongi mu zaya e mpila zingu kisundidi o wete kitukanga muna zola. O wantu bena longoka muna Nkand’a Nzambi una balenda zizidila e mpasi za zingu, mpila balenda kadila ye kiese kia kieleka ye una balenda yangidikila Nzambi.—Tanga Sefaniya 2:3.

4. Nani i Nsonekesi a Nkand’a Nzambi?

Nkand’a Nzambi uvwidi 66 ma nkanda miakete. Tezo kia 40 ma wantu basoneka wo. E nkanda tanu miantete kwa Mose mia sonekwa se vioka 3.500 za mvu. O nkand’a nsuka kwa Yoane wa ntumwa wasonekwa se vioka 1.900 dia mvu. Kansi, asoneki ngindu za Nzambi basoneka ke za yau kibeni ko. I kuma vo Nzambi, i Nsonekesi a Nkand’a Nzambi.—Tanga 2 Timoteo 3:16; 2 Petelo 1:20, 21.

Tuzeye wo vo Nkand’a Nzambi kwa Nzambi watuka kadi usakulanga mambu mebwa kuna sentu ye sikididi kiawonso. Ke vena muntu ko olenda vanga diambu diadi. (Yesaya 46:9, 10) Nkand’a Nzambi ukutuzayisanga mpe e fu ya Nzambi. Uvwidi nkuma wa soba e zingu kia wantu. E ziku kiaki kikwikidisanga mazunda ye mazunda ma wantu vo Nkand’a Nzambi i Diambu dia Nzambi.—Tanga Yosua 23:14; 1 Tesalonika 2:13.

5. Aweyi olenda bakula o Nkand’a Nzambi?

Yesu wazayakana nze nlongi a Diambu dia Nzambi. Kana una vo ulolo wa wantu kalonganga bazaya o Nkand’a Nzambi, lusadisu bavwanga o mfunu muna wo bakula. Muna kubasadisa, Yesu wasadilanga sono yayingi ya Nkand’a Nzambi yo sasila yo. Elongi dina ye ntu a diambu vo “Longoka Muna Nkand’a Nzambi,” disadidi e ndekwa za Yesu za longela muna kusadisa wa bakula Nkand’a Nzambi.—Tanga Luka 24:27, 45.

Mambu makete kaka malenda kusivikisa, nze longoka ekani dia Nzambi mu kuma kia zingu. Kansi ke wantu awonso ko beyangalela dio vo walongoka o Nkand’a Nzambi. Kuyambula ko vo diadi diayoyesa. Muna zaya kaka Nzambi olenda vwila moyo a mvu ya mvu kuna sentu.—Tanga Matai 5:10-12; Yoane 17:3.

Muna zaya diaka maka mambu, tala e kapu kia 2 kia nkanda wau wavaikiswa kwa Mbangi za Yave.

O Nkand’a Nzambi Adieyi Kieleka Kelonganga?