Ta te Parau a te Atua e haapii maira

No te aha e haapii ai no nia i te Atua?

Te faahiti ra teie tumu parau i te mau uiraa ta oe paha i uiui na. E faaite atoa ihea e taio ai i te mau pahonoraa i roto i ta oe Bibilia. E oaoa te mau Ite no Iehova i te aparau no nia i teie mau pahonoraa e oe.

1. No te aha e haapii ai no nia i te Atua?

E parau apî maitai o te tahi mea maitai aˈe ta te Atua no te huitaata. O ta ˈna ïa e faaite maira i roto i te Bibilia. E au te Bibilia i te hoê rata no ǒ mai i to tatou Metua î i te here i te raˈi.—A taio i te Ieremia 29:11.

2. Eaha te parau apî maitai?

E hinaaro te huitaata i te faatereraa maitai. Aita e tia faatere i faaore aˈenei i te haavîraa uˈana, te parau-tia ore, te maˈi, aore ra te pohe. Teie râ te parau apî maitai: e ho mai te Atua i te hoê faatereraa maitai o te faatiamâ mai i te mau tumu atoa o te mauiui.—A taio i te Daniela 2:44.

3. No te aha mea faufaa roa ˈi ia haapii no nia i te Atua?

Ua fatata te Atua i te tamâ i te fenua i te taata ino. A tiai noa ˈi, te haapii nei oia tau mirioni taata haehaa ia fanaˈo i te hoê oraraa maitai aˈe o te here te niu. I roto i te Parau a te Atua, te haapii nei te taata e nafea ia faaruru i te mau fifi o te oraraa, ia oaoa mau, e ia faaoaoa i te Atua.—A taio i te Zephania 2:3.

  4. O vai te Fatu o te Bibilia?

E 66 buka rii to te Bibilia. Ua papaihia e 40 taata. Na buka matamua e pae, na Mose ïa i papai fatata a 3 500 matahiti aˈenei. E te buka hopea, na te aposetolo Ioane ïa a 1 900 matahiti aˈenei. Ua tuu râ ratou i to te Atua manaˈo eiaha to ratou. O te Atua ïa te Fatu o te Bibilia.—A taio i te Timoteo 2, 3:16; Petero 2, 1:21.

Ua ite tatou e no ǒ mai te Bibilia i te Atua ra no te mea te tohu maitai ra te reira i te ananahi. Eita e haere i te taata. (Isaia 46:9, 10) Te faaite atoa ra te Bibilia i to te Atua mau huru maitatai. E puai rahi to te reira ia maitai aˈe mai te oraraa o te taata. E haapapuraa ïa e o te Parau a te Atua te Bibilia.—A taio i te Iosua 23:14; Tesalonia 1, 2:13.

5. E nafea oe e maramarama ˈi i te Bibilia?

Ua tui to Iesu roo ei orometua haapii i te Parau a te Atua. Noa ˈtu e ua ite te rahiraa o te taata ta ˈna i paraparau i te Bibilia, ua titauhia ia tauturu ia ratou ia maramarama ˈtu. Ua faahiti ïa Iesu i te tahi irava Bibilia e ua faataa ˈtu i “te parau i papaihia.” E faaohipa atoa teie tumu parau, “Ta te Parau a te Atua e haapii maira,” i tera ravea no te tauturu ia oe.—A taio i te Luka 24:27, 45.

Aita rea mea anaanatae aˈe i te haapiiraa, maoti te Atua, eaha te fa o te oraraa. Eita paha vetahi e au ia taio oe i te Bibilia. Eiaha e haaparuparu. E ora oe e a muri noa ˈtu ia ite oe o vai te Atua.—A taio i te Mataio 5:10-12; Ioane 17:3.

No te faahohonu atu â, a hiˈo i te pene 2 o teie buka Eaha ta te Bibilia e haapii mau ra? piahia e te mau Ite no Iehova.