Fän Iten Ekkewe Kükkün me Säräfö

Aücheani Mettoch mi Pin!

Kapasen Emmwen: Föri ei lesen lon eü leeni mi kinamwe. Atun ka älleani ekkeei wokisin, anchangei pwe itä ka nom lon ena atun. Kachitoni minne a fiffis, rongorong leüwen ekkewe aramas, me meefi meefier. Ekieki pwe usun itä a wesewesen fis ewe pworaus.

Sipwe Pworaus Usun: Aisek, Repeka, Jekop, me Iso

Menlapen Pworaus: Iso a amömölo wisan we, wisen mwänichi ngeni nipween we Jekop.

1 ETITTINA MINNE A FIS.—ÄLLEANI KENESES 25:20-34.

Met sokkun napanap Iso me Jekop ra pwäralo, pwal mwo nge atun rese mwo uputiw?

․․․․․

Om ekiek ifa usun napanapen inisin Iso me Jekop le alüwölür?

․․․․․

Om ekiek, ifa meefien Jekop me Iso atun ra fosfengen lon wokisin 30 tori 33?

․․․․․

KÄEÖFICHI.

Nöünöü nöüch kewe puken älillisin Paipel me kütta ika ifa wisen mwänichi kewe. Pwata wisan kana ra lamot? Met weween an amömölo wisan we wisen mwänichi fän iten och möngö?

․․․․․

2 ETITTINA MINNE A FIS.—ÄLLEANI KENESES 27:1-10, 30-38.

Ngingiin Iso atun a silei pwe pwiin we a angei ewe wisen mwänichi a pwäratä met usun meefian?

 ․․․․․

KÄEÖFICHI.

Mi mwääl än Repeka me Jekop föratä ar we kokkot pwe Jekop epwe angei ewe feiöch? Äweweei mwo. (Minen Älillis: Nengeni Keneses 25:23, 33.)

․․․․․

3 APWÖNÜETÄ MINNE KA FEN KÄEÖ. MAKKETIW MET KA FEN KÄEÖ USUN . . .

Ekkewe sopwongaw mi nomottam emön epwe küna pokiten an föri met epwe mwittir apwapwaai i.

․․․․․

PWAL EKKOCH LESEN.

Ikkefa ekkewe wis mi pin ka fen wiseni?

․․․․․

Ifa usun kopwe tongeni pwäratä om aücheani mettoch mi pin?

․․․․․

4 MET KA FOKKUN AÜCHEANI ME LON EI PWORAUS, IWE PWATA?

․․․․․

Ika esor noum Paipel, tingorei Chon Pwäratä Jiowa eü kapi, are älleani woon internet lon www.watchtower.org