Para Kadagiti Agtutubo

Apresiarem Dagiti Sagrado a Bambanag!

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Aramidem a nabiag iti isipmo ti eksena.

Dagiti kangrunaan a karakter: Isaac, Rebecca, Jacob, ken Esau

Sumario: Inlako ni Esau ti kalinteganna kas inauna iti kasinginna a ni Jacob.

1 USIGEM TI EKSENA.​—BASAEM TI GENESIS 25:20-34.

Ania a kababalin ti impakita da Jacob ken Esau uray idi sikogda pay laeng?

․․․․․

Kasanom nga iladawan ti langa da Jacob ken Esau kas agtutubo a lallaki?

․․․․․

Ania ti panagkunam a rikna da Jacob ken Esau iti panagsaritada iti bersikulo 30 agingga iti 33?

․․․․․

SUKIMATEM A NAIMBAG.

Babaen kadagiti magun-odam a reperensia, ammuem no ania ti kalintegan ti inauna nga anak. Apay a napateg dagitoy a kalintegan? Ania ti kaipapanan ti panangilako kadagitoy a kalintegan tapno laeng magun-od ti sangamalukong a gisado?

․․․․․

2 USIGEM TI EKSENA.​—BASAEM TI GENESIS 27:1-10, 30-38.

Ania ti panagkunam a rikna ni Esau kas ipasimudaag ti timekna idi nabigbigna nga inawat ti kabsatna ti bendision nga agpaay iti inauna?

 ․․․․․

SUKIMATEM A NAIMBAG.

Saan kadi nga umiso ti panangimaniobra nga inaramid da Rebecca ken Jacob tapno maawat ni Jacob ti bendision? Apay, wenno apay a saan? (Pangripiripan: Kitaem ti Genesis 25:23, 33.)

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Napaut nga epekto ti sidadarasudos a panangpennek iti tarigagay.

․․․․․

DADDUMA PAY NGA APLIKASION.

Ania a sagrado a bambanag ti naitalek kenka?

․․․․․

Ania dagiti espesipiko a pamay-an a maipakitam nga ipatpategmo dagiti sagrado a bambanag?

․․․․․

4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

No awan ti Bibliam, agkiddawka kadagiti Saksi ni Jehova, wenno basaem iti www.watchtower.org