Ɔsaka awui w’ekila la nɛmɔ!
Dikambo dia ɛlɔngɔlɔngɔ la esekaseka
Ɔsaka awui w’ekila la nɛmɔ!
Alako: Adia ɔkɔndɔ wa lo Bible ɔnɛ lo dihole dia ki. Etena kadiayɛ avɛsa, yaɔsa dia ndo wɛ mbele l’atei w’anto watɛkɛtawɔ dikambo diawɔ lɔkɔ. Ɔsa dia wɛ ekɔ lo mɛna kɛnɛ kêta. Ɔsa dia wɛ ekɔ lo mboka kɛnɛ katɛkɛtama. Yaoka woho wayaoka anto watɛkɛtama l’etenyi kakɔ. Ɔsa ɔkɔndɔ ɔnɛ dia wekɔ mɛtɛ.
Anto wele l’ɔkɔndɔ: Isaka, Rɛbɛka, Jakɔbɔ ndo Esau
Ɔkɔndɔ lo tshena pe: Esau ambosondja lotshungɔ lande l’ɔna enondo le Jakɔbɔ ya diasa diande.
1 NSƐDINGOLA ƆKƆNDƆ.— ADIA ETATELU 25:20-34.
Naa waonga amɔtshi wakakɛnɛmɔla Jakɔbɔ nde la Esau lam’akiwɔ weke l’otema wa nyangɛwɔ?
․․․․․
Ngande wafɔnyayɛ waki ɛnamelo ka lo demba kaki Jakɔbɔ nde la Esau lam’akiwɔ weke ɛlɔngɔlɔngɔ?
․․․․․
Ngande wayaokayɛ etena kadiayɛ sawo dia lam’asa Jakɔbɔ nde la Esau diele lo divɛsa 30 polo 33?
․․․․․
NSALA EYANGELO EFULA.
Kamba la dihomɔ di’eyangelo diele la yɛ, ko wɛ ayoshola dui dimɔtshi diendana la lotshungɔ l’ɔna enondo. Lande na kaki lotshungɔ l’ɔna enondo ohomba? Kitshimudi yakɔna yaki la yoho yakandasondja lotshungɔ lande la osawo wa belaa?
․․․․․
2 NSƐDINGOLA ƆKƆNDƆ.—ADIA ETATELU 27:1-10, 30-38.
Oko le yɛ, wondjo wa dui waki Esau mbokiyaka dia nde akayaoke woho akɔna etena kakandayeyaka dia ɔnango ambɔsa ɔtshɔkɔ w’ɔna enondo?
․․․․․
NSALA EYANGELO EFULA.
Onde aki kɔlɔ dia Rɛbɛka nde la Jakɔbɔ kolonganya akambo dia Jakɔbɔ nongola ɔtshɔkɔ? Naka aki kɔlɔ, lande na? Naka komonga kɔlɔ, lande na? (Dia nkondja ekimanyielo: Enda Etatelu 25:23, 33.)
․․․․․
3 KAMBA LA KƐNƐ KAMBOYEKA. NFUNDA KƐNƐ KAMBOYEKA LO KƐNƐ KENDANA LA . . .
Etombelo wayongaka l’ɔkɔngɔ naka onto nyanga dia ndjangɛnyangɛnya paka ko wonya walangande.
․․․․․
WETSHELO EKINA.
Naa diangɔ di’ekila dimɔtshi diakawakosha ɔkɛndɛ?
․․․․․
Naa toho tɔmɔtshi ta shikaa takokayɛ mɛnya dia wɛ mbɔsaka diangɔ di’ekila la nɛmɔ?
․․․․․
4 DUI DIAKƆNA DIA L’ƆKƆNDƆ ƆNƐ DIOLEKI OHOMBA LE YƐ, NDO LANDE NA?
․․․․․
Naka wɛ kema la Bible, mbola Ɛmɛnyi wa Jehowa dia vɔ kosha kɛmɔtshi, kana eka awui wendana la Bible l’ɛtɛrnɛtɛ lo www.watchtower.org