¿Wakichtʼatäxtat Jesusan jiwäwip amtañatakixa?

JIWAÑAP jakʼankxäna uka qhipa arumanxa, Jesusax jiwäwip amtañatakix “Santa Cena” uttʼayäna (1 Corintios 11:20). Tukuyxasaxa, akham sasaw arkirinakaparux säna: “Akxa nayat amtasisin lura[sipkakim]” sasa (Lucas 22:19). Khitinakatï jichhürunakan uka arunakaparjam phuqañ munapxi ukanakatakixa, Criston jiwäwip amtañax wali wakiskiripuniwa.

Ukampis ¿kuna fechansa Jesusan jiwäwipax amtasiñapa? ¿Uk amtañatak wakichtʼatäñatakix kun lurañas wakisispa? Uka jisktʼanakat amuykiptʼañax wali wakiskiripuniw jiwasatakixa.

Sapa maraw amtasi

Jichhürunakanxa, kunatï wakiskirïki ukxa sapa maraw amtapxi. Amuytʼañataki, Estados Unidos markan septiembre 11, 2001 maran World Trade Center (Torres gemelas) sat chiqa tʼunjapkäna uk sapa maraw pachpa fechan amtapxi. Ukampis khitinakatï familianakapsa amigonakapas ukan aptʼasiwayapki jupanakax sapürus amtasisipkchixa, uka fechan amtañaw wali askixa.

Ukhamarakwa nayrax amtapxirïna (Ester 9:21, 27). Israelitanakaruxa, Jehová Diosax Pascua amtapxañapatakiw mä kamachi churäna, uka fiestasti kunjamsa Diosax markapar Egiptot qhispiyäna uk amtañatakïnwa. Ukat kunürus Egiptot qhispiyatäpxäna uküruw uka fiestxa sapa mara amtapxäna (Éxodo 12:24-27).

Jesusax arkirinakapamp Santa Cena lurapkäna ukhax Pascua amtasipkäna, ukasti jiwäwip amtañatakïnwa (Lucas 22:7-20). Niyakixay Santa Cenax Pascua lanti luraschïnxa, ukhamasti Jesusan jiwäwipax maran may kutiw amtasiñapa. Ukampis ¿kuna fechansa?

Kuna fechas Jesusan jiwäwip amtasiñapa

Jesusan jiwäwipax kuna fechansa amtasiñapa uk yatiñatakix pä tuqit amuytʼañäni. Nayrïrix akäspawa: Bibliax qillqaskäna uka tiemponxa, urunakax janiw jiwasanjam chika aruman qalltkänti, jan ukasti jaypʼu chiqatwa qalltäna, ukatsti qhipüruwa tukuyxarakïna, pachpa jaypʼu chiqaru, mä arunxa, Inti jalantat Inti jalantkamaw jakhusïna (Levítico 23:32).

 Payïristi akarakïspawa: phaxsinakas janiw jiwasanjamäkarakïnti. Jan ukatsti phaxsin sutinakapas mayjänwa, adar ukat nisán ukham sutinakanïnwa (Ester 3:7). Judionakax phaxsinakxa machaq phaxsit (wawa phaxsi) machaq phaxsikamaw jakhupxäna. Pascuaxa, nisán 14 urunwa amtasïna, uka phaxsimpiw calendariopanx qallti (Levítico 23:5; Números 28:16). Uka urunwa romanonakax Jesusar mä lawar chʼakkatasin jiwayapxäna, 33 jichhapacha marana. Qalltan Pascua amtapxäna ukhat uka marakamaxa 1.545 maranakaw pasxäna. Ukhamasti nisán 14 urux wali wakiskiripuniw cristianonakatakixa.

Niyakixay calendariosax judionakan calendariopat mayjächixa, ¿nisán 14 urux calendariosarjamax kuna fechas waktʼi uk kunjamsa yatsna? Nisán 1 uruxa, kunapachatï machaq phaxsix Jerusalenan jaypʼxarupuni uñjaski uküruw qallti. Uka urut tunka pusini urunak jaktʼasaw kuna fechans calendariosarjamax waktʼi uk yatsna. Uka urux urtʼax utjapuniwa. Ukhamax Biblian yatichäwiparjama jaktʼsna ukhaxa, nisán 14 urux aka marax abril phaxsit 17 urunaka saraqataruw calendariosarjamax Inti jalantxar qallti.

Jehová Diosan Qhanañchirinakapax Jesusan jiwäwip amtañatakix niyaw wakichasisipki. Taqi khitinakatï jupanakamp chik amtañ munapkta ukanakax jawstʼatäpxtawa. Kuna horarünisa ukat kawkhankanisa uk yatiñatakixa, markamankir Jehová Diosan Qhanañchirinakaparuw jisktʼasma. Ak amtapunim: janiw urun apaskaniti, jan ukasti Inti jalantxarüniwa. ¿Kunatsa Inti jalantxaru amtasi? Kunattix Bibliarjamaxa arumxar manqʼa tukuyaruw Jesusax uttʼayäna (1 Corintios 11:25). Aka maraxa, abril 17, domingo arumaw uka Santa Cena amtaskañäni, uttʼayasitapat aksaruxa 1.978 maranakaw pasawayxi. Ukhamarusa uküruw nisán 14 urux waktʼi, kuna urutï Jesusarux jiwayapkäna uka uru. ¿Jesusan jiwäwip amtañatakix janixay wakiskir yaqha urux utjkaspatixa?

¿Jumax wakichtʼatäxtati?

¿Jesusan jiwäwip amtañatak wakichtʼatäñamatakix kuns lurasma? Kuntï Jesusax jiwas layku lurawayi uka tuqinakatwa lupʼisma. Kunatsa Jesusan jiwäwipax jiwasatakix wali aski ukat kamsañs muni uk amuytʼañxa, ¿Kunsa Bibliax chiqpachapuni yatichi? sat librow waljanirux yanaptʼawayi (Mateo 20:28). *

Jiwañap jakʼankäna ukhax kunanaksa Jesusax luratayna ukat kunjamansa jikxatasïna ukanak amtañaw chuyma ukat amuyu wakichtʼasiñatakix yanaptʼistani. Akxar jutki uka jananakanwa mä recuadro uñjäta. Ukax kimsar jaljatawa: chikachikanxa kunanakas pasäna ukaw qillqtʼataski, chʼiqa ladonxa fechanakaw uñsti, jiwasan calendariosarjama ukat judionakan calendarioparjama. Kupi ladonsti, kawki chiqansa Biblianx uka tuqit parli ukarakiw qillqtʼatäski. Ukat El hombre más grande de todos los tiempos sat librot kawkïr yatichäwinakapas liytʼasispa ukax utjarakiwa. *

Jesusan jiwäwip amtañataki uru janïr purinkipanxa, kawkïr yatichäwinakas uka urunakar waktʼi ukarjam liytʼañamatakiw chʼamañchtʼanipxsma. Ukhamatwa wali wakiskir uru amtañatakix wakichtʼatäyäta.

[Qhanañchäwinaka]

[22 janan qhanañchäwipa]

Jesusan jiwäwip amtañataki abril 17, 2011, domingo uru

 [23, 24 jananakan tablapa/fotonakapa]

(Sumpach amuytʼañatakix qillqatn mistki uk uñxatañamawa)

QHIPA SEMANA

2011: abril 12, martes

▪ Sábado (samarañ uru)

□ Juan 11:55–12:1

□ gt 101 § 2-4 *

NISÁN 9 (jaypʼxaruw qallti)

Qhanañchäwi: Judionakan calendarioparjamaxa, mä uruxa Inti jalanatat Inti jalantxaruw jakhusïna

▪ Leproso sat Simonan utapanwa manqʼapxi

▪ Mariax jila alani aceitempiw Jesusan pʼiqipar warxati

▪ Judionakaw Jesusaru ukat Lazaror uñjir jutapxi

□ Mateo 26:6-13

□ Marcos14:3-9

□ Juan 12:2-11

□ gt 101, pars. 5-9

2011: abril 13, miércoles

▪ Jerusalenaruw Jesusax manti

▪ Templonwa yatichi

□ Mateo 21:1-11, 14-17

□ Marcos 11:1-11

□ Lucas 19:29-44

□ Juan 12:12-19

□ gt 102

NISÁN 10 (jaypʼxaruw qallti)

▪ Betania markanwa arumax qhiparäna

2011: abril 14, jueves

▪ Alwatwa Jerusalenar makatäna

▪ Alakipanakaruw templot alissüna

▪ Jehová Diosaw alaxpachat parli

□ Mateo 21:12, 13, 18, 19

□ Marcos 11:12-19

□ Lucas 19:45-48

□ Juan 12:20-50

□ gt 103, 104

NISÁN 11 (jaypʼxaruw qallti)

2011: abril 15, viernes

▪ Uñachtʼäwinakampiw Jesusax templon yatichäna

▪ Fariseonakaruw juchañchi

▪ Mä pobre ijma warmin churatapat parli

▪ Jerusalenan tunjäwipwa yatiyi

▪ Apnaqäwipankxasax kunas pasani ukwa qhanañchi

□ Mateo 21:19–25:46

□ Marcos 11:20–13:37

□ Lucas 20:1–21:38

□ gt 105-112 § 1

NISÁN 12 (jaypʼxaruw qallti)

2011: abril 16, sábado

▪ Jurnalaw arkirinakapampix Betaniankäna

▪ Judasax kunjamsa Jesusar katuntayaspa ukwa thaqaskäna

□ Mateo 26:1-5, 14-16

□ Marcos 14:1, 2, 10, 11

□ Lucas 22:1-6

□ gt 112 § 2-4

 NISÁN 13 (jaypʼxaruw qallti)

2011: abril 17, domingo

▪ Pedrompi Juanampix Pascua amtañatakiw waktʼayapxi

▪ Jesusampi mayni tunka apostolonakapampix jaypʼuruw puripxi

□ Mateo 26:17-19

□ Marcos 14:12-16

□ Lucas 22:7-13

□ gt 112 § 5-113 § 1

NISÁN 14 (jaypʼxaruw qallti)

▪ Jesusax Pascua amti

▪ Apostolonakaparuw kayu jariqi

▪ Judasaruw khitanuku

▪ Jiwäwip amtañatakiw uttʼayi

□ Mateo 26:20-35

□ Marcos 14:17-31

□ Lucas 22:14-38

□ Juan 13:1–17:26

□ gt 113 § 2, 116 yatichäwi tukuykama

chika aruma

2011: abril 18, lunes

▪ Jesusax aljantatawa ukat Getsemaní chiqan preso katuntapxi

▪ Apostolonakapaw jaytanukxapxi

▪ Jilïr sacerdotenakampi jilïr chuymaninakampiw juchañchapxi

▪ Pedrox jan uñtʼiriw tuku

□ Mateo 26:36-75

□ Marcos 14:32-72

□ Lucas 22:39-62

□ Juan 18:1-27

□ gt 117-120 yatichäw tukuykama

▪ Wasitatwa jilïr chuyman jaqinakan nayraqatapanki

▪ Pilaton ukaruw apapxi, Herodesan ukaru, wasitat Pilaton ukaru

▪ Jiwayañatakiw juchañchapxi ukat lawaruw chʼakkatapxi

▪ Kimsa jaypʼu horasaruw jiwxi

▪ Lawatwa cuerpop apaqapxi ukat imäwiruw apapxi

□ Mateo 27:1-61

□ Marcos 15:1-47

□ Lucas 22:63–23:56

□ Juan 18:28-19:42

□ gt 121-127 § 7

NISÁN 15 (jaypʼxaruw qallti)

▪ Sábado (samarañ uru)

2011: abril 19, martes

▪ Pilatow Jesusan sepulcrop soldadonakamp uñajatäñapatak khiti

□ Mateo 27:62-66

□ gt 127 § 8, 9

NISÁN 16 (jaypʼxaruw qallti)

□ Marcos 16:1

2011: abril 20, miércoles

▪ Jesusax jaktxiwa

▪ Jesusax arkirinakaparuw uñsti

□ Mateo 28:1-15

□ Marcos 16:2-8

□ Lucas 24:1-49

□ Juan 20:1-25

□ gt 127 § 10-129 § 10

[Qhanañchäwi]