Bushe Namuipekanya Ukusefya Ubushiku Ubwacindama Sana mu Mwaka?
Bushe Namuipekanya Ukusefya Ubushiku Ubwacindama Sana mu Mwaka?
ILYO kwashele fye inshita iinono ukuti Yesu afwe, alangile abasambi ifya kusefya imfwa yakwe. Uku kusefya kwaishileishibikwa ukuti “umulaalilo wa kwa Shikulu.” (1 Abena Korinti 11:20) Pa kulanga ukuti uku kusefya kwalicindeme, Yesu abapeele ifunde lya kuti: “Mulecita ici ku kunjibukisha.” (Luka 22:19) Bushe mulafwaisha ukulaumfwila Yesu? Nga mulafwaya, ninshi mwakulamona ubushiku bwa kwibukisha imfwa yakwe ukuti e bushiku bwacindama sana mu mwaka.
Nomba ni lilali ilyo mulingile ukulaibukisha imfwa ya kwa Yesu? Kabili kuti mwacita shani pa kuti mwishibe bwino bwino ifyo uku kusefya kwacindama? Ifi e fipusho ifyo Umwina Kristu onse afwile ukutontonkanyapo sana.
Miku Inga Mulingile Ukusefya mu Mwaka?
Ifintu ifyacindama tufibukisha fye umuku umo mu mwaka. Ku ca kumwenako, nangu cingati aba mu musumba wa New York lyonse balatontonkanya pa fyacitike pa 11 September, 2001, ilyo ifipondo fyasanshile ifikuulwa fya World Trade Center, ubu bushiku nga bwafika cila mwaka, e lyo balupwa bebukisha sana abantu babo abafwile.
Nangu ni kale sana, ifintu ifyacindama balefibukisha fye umuku umo mu mwaka. (Estere 9:21, 27) Yehova aebele abena Israele ukulasefya ubushiku abalubwile mu Egupti cila mwaka. Baibolo ita uku kusefya ukuti Ica Kucilila, kabili abena Israele balesefya Ica Kucilila umuku fye umo mu mwaka pali bulya bwine bushiku babalubwile.—Ukufuma 12:24-27; 13:10.
Yesu atendeke Umulaalilo wa kwa Shikulu, uwalelanga ifyo abatumwa bali no kulaibukisha imfwa yakwe, ilyo apwile fye ukusefya Ica Kucilila. (Luka 22:7-20) Balesefya Ica Kucilila cila mwaka. E ico, kuti twatila uku kusefya ukupya, ukwapyene pa Ca Kucilila, na ko kwali no kulabako umuku umo mu mwaka. Nomba kwali no kulabako pa bushiku nshi?
Ni Lilali Kwali no Kulabako?
Pa kwasuka ici cipusho, tulingile ukwishiba ifintu fibili. Ica kubalilapo ca kuti ku baHebere ubushiku ubupya bwaletampa icungulo, cilya akasuba kawa, kabili bwalepwa pa bushiku bukonkelepo akasuba nga kawa. Kanshi ubushiku ubupya bwaletendeka icungulo kabili bwalepwa icungulo cakonkapo.—Ubwina Lebi 23:32.
Ica bubili ca kuti kalenda abaHebere balekonka te yo tukonka ino nshita. Mu Baibolo tamwaba imyeshi pamo nga March na April, mwaba imyeshi pamo nga Adari na Nisani. (Estere 3:7) AbaYuda baletendeka ukupenda imyeshi umweshi nga wamoneka. Balesefya Ica Kucilila pa bushiku bwalenga 14 mu mweshi wa Nisani, uwalebalilapo muli kalenda ya baYuda. (Ubwina Lebi 23:5; Impendwa 28:16) Pali ubu bwine bushiku, pa Nisani 14, e po abena Roma bapoopele Shikulwifwe Yesu Kristu pa cimuti. Afwile ilyo papitile imyaka 1,545 ukutula apo basefeshe Ica Kucilila ica kubalilapo. Ala ubu bushiku ubwa Nisani 14 bwalicindama nga nshi!
Nomba bushiku nshi pali kalenda yesu ubwalingana no bushiku bwa Nisani 14? Ukupenda inshiku kulatwafwa ukwishiba ubu bushiku. Nisani 1 itampa ilyo umweshi wamoneka cilya akasuba kawa mu Yerusalemu (ku kutampa kwa shinde ku fyalo fyaba ku kapinda ka ku kuso aka calo). Nga twapenda inshiku 14 ukufuma pa bushiku umweshi umoneka, tufika pa Nisani 14. Pali ubu bushiku, ilingi line umweshi uba uwabulungana. Nga twakonka ifi balependa inshiku mu Baibolo, ninshi uno mwaka Nisani 14 ikatendeka cilya akasuba kawa pa Mulungu pa 17 April 2011. *
E ico, uno mwaka Inte sha kwa Yehova balepekanya ukulongana pamo na bonse abengatemwa ukwibukisha imfwa ya kwa Yesu. Balemulaalika ukuti na imwe mukasangweko. Mukwai ipusheni ba Nte abekala ku mwenu pa kuti bakamwebe inshita no ko bakalonganina. Bakalasefya imfwa ya kwa Yesu icungulo cilya akasuba kawa, te lucelo nelyo akasuba. Mulandu nshi? Pantu ukulingana ne fyo Baibolo yalanda, uku kusefya “mulaalilo” wa kwa Shikulu. (1 Abena Korinti 11:25) Icungulo pa Mulungu, pa 17 April, 2011, e po tukasefya Umulaalilo wa kwa Shikulu uo Yesu atendeke imyaka 1,978 iyapita. Apa pene, e pakatendekela no bushiku bwa Nisani 14, ubo Yesu afwilepo. Ubu bwine e bushiku ubo tulingile ukwibukishishapo imfwa ya kwa Yesu!
Ifyo Twingaipekanya
Finshi mufwile ukucita pa kuti mukaipekanye ukusangwa kuli uku kusefya ukubako fye umuku umo mu mwaka? Cimo ico mufwile ukucita kulatontonkanya sana pa fyo Yesu atucitila. Icitabo citila Bushe Cinshi Baibolo Isambilisha? * calyafwa abantu abengi nga nshi ukwishiba ifyo imfwa ya kwa Yesu yacindama.—Mateo 20:28.
Inshila imbi iyo twingapekanishishamo imitima yesu kulabelenga Amalembo ayalanda pa fyacitike ilyo kwashele inshiku ishinono ukuti Yesu afwe. Pa mabula yakonkapo, mwalasangapo charti. Ku kulyo kwa charti kuli Amalembo ayalelondolola ifyacitike ilyo kwashele inshiku ishinono ukuti Yesu afwe, e lyo ne fipande ifya mu citabo ca Umuntu Wakulisha Uwabalile Abako Uwa Mweo * ifilelondolola bwino ifyacitike.
Ku kuso kwa charti kuli inshiku sha muli uno mwaka ishilingene ne nshiku isho ifintu fyacitikilepo. Bushe te kuti mubelengeko Amalembo yamo ayali pa bushiku bumo na bumo ayalelanda pa fyacitike ilyo Yesu talasefya Umulaalilo wa kwa Shikulu? Ukucite fi, kukamwafwa ukuipekanya ukusefya ubu bushiku ubwacindama sana mu mwaka.
[Amafutunoti]
^ para. 11 Ubu bushiku te kuti bulingane no bushiku abaYuda basefeshapo Ica Kucilila muno nshiku. Mulandu nshi? AbaYuda abengi muno nshiku basefya Ica Kucilila pa Nisani 15, pantu batila ifunde lyaba pa Ukufuma 12:6 lilanda pali ubu bushiku. (Belengeni Ulupungu lwa kwa Kalinda ulwa February 15, 1990, ibula 14.) Lelo Yesu asefeshe Ica Kucilila pa Nisani 14 ukulingana ne fyo Amafunde ya kwa Mose yalanda. Nga mulefwaya ukwishibilapo na fimbi pa fya kusanga ubu bushiku, belengeni The Watchtower iya June 15, 1977, amabula 383-384.
^ para. 14 Abalemba ici citabo ni Nte sha kwa Yehova. Belengeni amabula 47-56, 206-208.
^ para. 15 Abalemba ici citabo ni Nte sha kwa Yehova.
[Amashiwi pe bula 22]
Mukebukisheko imfwa ya kwa Yesu pa Mulungu, pa 17 April, 2011
[Charti ne Fikope bula 23, 24]
(Nga mulefwaya ukumona bwino ifi, moneni muli magazini)
UMULUNGU WA KULEKELESHAKO
2011 Cibili April 12 ▪ Isabata Mateo
2012 ․․․․․ Marko
2013 ․․․․․ Luka
□ gt 101, pars. 2-4 *
NISANI 9 (yatampa cilya akasuba kawa)
Ku baHebere, ubushiku ▪ Alya ica kulya □ Mateo 26:6-13
ubupya bwaletampa pamo na Simone
icungulo, cilya akasuba uwalwele ifibashi
kawa, kabili bwalepwa ▪ Maria amusuba □ Marko 14:3-9
icungulo pa bushiku amafuta ya nardi
ubukonkelepo ▪ AbaYuda baisa
mu kumona Yesu
na Lasaro □ gt 101, amapara. 5-9
2011 Citatu April 13 ▪ Yesu aingila mu □ Mateo 21:1-11, 14-17
2012 ․․․․․ Yerusalemu pa
mpunda
2013 ․․․․․ ▪ Alesambilisha mwi □ Marko 11:1-11
tempele □ Luka 19:29-44
□ gt 102
NISANI 10 (yatampa cilya akasuba kawa)
▪ Asendama mu
Betani
2011 Cine April 14 ▪ Aya ku Yerusalemu □ Mateo 21:12, 13,
2012 ․․․․․ lucelocelo 18, 19
2013 ․․․․․ ▪ Asangulula itempele □ Marko 11:12-19
▪ Ishiwi lya kwa □ Luka 19:45-48
Yehova lyaumfwika □ Yohane 12:20-50
ukufuma ku muulu □ gt 103, 104
NISANI 11 (yatampa cilya akasuba kawa)
2011 Cisano April 15 ▪ Alesambilisha pe □ Mateo 21:19–25:46
2012 ․․․․․ tempele ukubomfya
2013 ․․․․․ ifilangililo
▪ Asuusha abaFarise □ Marko 11:20–13:37
▪ Amona uko mukamfwilwa □ Luka 20:1–21:38
alesangula indalama
▪ Asobela ifyo
Yerusalemu ikonaulwa Yohane
▪ Abapeela □ gt 105 ukufika pe bula 112, para. 1
icishibilo ca kubapo
kwakwe
NISANI 12 (yatampa cilya akasuba kawa)
2011 Cibelushi April 16 ▪ Ali na basambi □ Mateo 26:1-5, 14-16
2012 ․․․․․ bakwe mu Betani
2013 ․․․․․ ▪ Yuda ateyanya □ Marko 14:1, 2, 10, 11
ukumufutuka
□ gt 112, pars. 2-4
NISANI 13 (yatampa cilya akasuba kawa)
2011 Pa Mulungu April 17 ▪ Petro na Yohane □ Mateo 26:17-19
2012 bapekanya ukwa
2013 kusefesha
Ica Kucilila
▪ Yesu na batumwa □ Marko 14:12-16
bambi 10 bayako □ Luka 22:7-13
icungulo □ gt 112, para. 5 ukufika pe 113,
para. 1
NISANI 14 (yatampa cilya akasuba kawa)
▪ Asefya Ica □ Mateo 26:20-35
Kucilila
▪ Asamba amakasa □ Marko 14:17-31
ya batumwa
▪ Atamfya Yuda □ Luka 22:14-38
▪ Atendeka Icibukisho □ Yohane 13:1–17:26
ca mfwa yakwe □ gt 113, para. 2 ukufika pa mpela ye bula 116
pa kati ka bushiku
2011 Cimo April 18 ▪ Bamufutuka no □ Mateo 26:36-75
2012 kumwikata mwi
2013 bala lya
Getsemane
▪ Abatumwa bafulumuka □ Marko 14:32-72
▪ Bamulubulwisha □ Luka 22:39-62
ku cilye ca
Sanhedrini
▪ Petro akaana Yesu □ Yohane 18:1-27
□ gt 117 ukufika pa mpela ye bula 120
▪ Bamulubulwisha mu □ Mateo 27:1-61
Sanhedrini na
kabili
▪ Bamutwala kuli □ Marko 15:1-47
Pilato, lyena kuli
Herode, e lyo kuli
Pilato na kabili
▪ Bamupingwila □ Luka 22:63–23:56
ukufwa kabili
bamupoopela pa
cimuti
▪ Afwa icungulo □ Yohane 18:28-40
nalimo ku ma
15:00 hrs
▪ Basenda umubili □ gt 121 ukufika pe bula 127, para. 7
no ku-ushika
NISANI 15 (yatampa cilya akasuba kawa)
▪ Isabata
2011 Cibili April 19 ▪ Pilato asuminisha □ Mateo 27:62-66
2012 aba kulinda Marko
2013 inshiishi ya kwa Yesu Luka
Yohane
□ gt 127, amapara. 8-9
NISANI 16 (yatampa cilya akasuba kawa)
2011 Citatu April 20 ▪ Abuushiwa □ Mateo 28:1-15
2012 ▪ Amoneka ku □ Marko 16:1-8
2013 basambi □ Luka 24:1-49
□ gt 127, para.10
ukufika pe bula 129, para. 10
[Futunoti]
^ para. 30 Amanambala yalelanga amanambala ya fipande fya mu citabo citila Umuntu Wakulisha Uwabalile Abako Uwa Mweo (gt). Charti iyakwata Amalembo ayengi ayalanda pa milimo ya kwa Yesu iya kulekeleshako yaba mu citabo citila “Amalembo Yonse Yapuutwamo Kuli Lesa, Kabili ya Kunonsha,” ibula 290. Abalemba ifi fitabo ni Nte sha kwa Yehova.
