Ndépa rejepreparáma pe ára iñimportantevévape g̃uarã?

PE PYHARE Jesús omano mboyve ijatyvaʼekue hemimboʼekuéra ndive ha ojapo pe séna paha. Haʼe omoñepyrũ upéva ikatu hag̃uáicha ojegueromanduʼa pe ára omano hague (1 Corintios 11:20). Osenamba rire hikuái heʼi hemimboʼekuérape: ‘Pesegíkena pejapo kóva penemanduʼa hag̃ua cherehe’ (Lucas 22:19, NM). Koʼág̃a avei opavave oikoséva haʼe omanda haguéicha ogueromanduʼa Cristo omano hague ára ha omombaʼeterei upéva.

Péro arakaʼetépa jagueromanduʼavaʼerã? Mbaʼépa ikatu jajapo jajeprepara hag̃ua? Iporãitereíta jajepyʼamongetáramo koʼã mbaʼére.

Ojegueromanduʼavaʼerã káda áño

Ñane tiémpope ojegueromanduʼa káda áño umi mbaʼe iñimportánteva. Pór ehémplo, káda áño ojegueromanduʼa pe oikovaʼekue 1 de agosto 2004-pe supermerkádo Ycuá Boláñospe. Umi mbaʼe oikovaʼekue upérõ ndojeíri umi omanovaʼekue amígo ha ihentekuéra akãgui, upe fécha iñimportánte chupekuéra g̃uarã.

Ymave upéicha vaʼekue avei (Ester 9:21, 27). Pór ehémplo Jehová omandavaʼekue umi isrraelítape omboarete hag̃ua pe Páskua, upéicha imanduʼa hikuái oñemosãso hague Egipto poguýgui. Upéva haʼekuéra ojapo káda áño hiʼaraitépe (Éxodo 12:24-27).

Jesús ha hemimboʼekuéra ogueromanduʼa rire pe Páskua haʼe omoñepyrũvaʼekue pe séna paha ikatu hag̃uáicha ojegueromanduʼa omano hague ára (Lucas 22:7-20). Pe séna ojejapo Páskua rangue, upévare jaʼekuaa ojejapovaʼerãha avei káda áño. Péro, arakaʼetépa?

Arakaʼetépa hoʼa upe ára

Jaikuaa hag̃ua arakaʼetépa ojegueromanduʼavaʼerã Cristo omano hague, tekotevẽ jaikuaa raẽ mokõi mbaʼe. Primero, hudiokuéra kalendáriope pe ára noñepyrũi pyhare lás doce, síno kaʼaru kuarahy oike guive ha oho hese kuarahy oike jey peve (Levítico 23:32).

Segundo, umi més hudío ndojoguái ñanembaʼévape, pór ehémplo oĩ hérava adar  ha nisán. Avei pe més ojepapa jasy raʼy guive ambue jasy raʼy peve (Ester 3:7). Pe Páskua ojejapovaʼekue 14 de nisán, primer més oĩva kalendário hudíope (Levítico 23:5; Números 28:16). Pe primera Páskuagui 1.545 áño haguépe umi Romaygua ojuka Jesúspe, 14 de nisán año 33-pe. Upe ára iñimportanteterei kristianokuérape g̃uarã.

Ñane kalendário ningo idiferénte umi hudío mbaʼégui. Mbaʼéichapa upéicharõ ikatu jaikuaa arakaʼetépa hoʼa 14 de nisán? Emisfério nórte gotyo primavéra oñepyrũ 21 de marzo, upe jave pe ára ipuku 12 óra pyhare ha 12 óra arakue (equinoccio). Uno de nisán oñepyrũ ojekuaávo Jerusalénpe jasy raʼy hiʼag̃uivéva pe 21 de márzore. Upe guive jaipapáramo 14 día jaikuaáta arakaʼépa jagueromanduʼavaʼerã Cristo omano hague. Upe pyhare pyʼỹinte jahechakuaa henyhẽha pe jasy. Jaipapáramo la Biblia heʼiháicha jahecháta 14 de nisán ko áñope hoʼataha 17 de abril kuarahy oike rire. *

Testígo de Jehová oñembosakoʼíma ogueromanduʼa hag̃ua ko áñope Jesús omano hague ára ha opavave ikatu omoirũ chupekuéra. Reikuaa hag̃ua mbaʼe óra ha moõpa ojejapóta reporandukuaa umi testígope oikóva nde távape. Nemanduʼákena ojejapotaha kuarahy oike rire, Jesús ha hemimboʼekuéra ojapo haguéicha (1 Corintios 11:25). Ág̃a domingo 17 de abril de 2011 pyharépe ojegueromanduʼáta pe séna paha, 1.978 áñoma ojejapo ypy hague. Avei upe pyhare oñepyrũta 14 de nisán, Jesús omano hague ára. Ndaiporimoʼãi ningo ótro día iporãvéva jagueromanduʼa hag̃ua upe oikovaʼekue!

Ndépa reñembosakoʼimahína?

Mbaʼépa ikatu rejapo reñembosakoʼi hag̃ua? Ikatúma rejepyʼamongeta umi mbaʼe Jesús ojapovaʼekuére ñanderehehápe. Pe lívro Mbaʼépa añetehápe omboʼe la Biblia? hetaitereípema oipytyvõ ontende porã ha omombaʼeve hag̃ua pe sakrifísio Jesús ojapovaʼekue yvyporakuéra rehehápe (Mateo 20:28). *

Ikatúma avei repensa mbaʼe mbaʼépa Jesús ojapovaʼekue omano mboyvemi. Umi páhina oúvape retopáta peteĩ lísta oĩháme umi mbaʼe Jesús ojapovaʼekue. Iskiérda gotyo oĩ umi fécha, mbytépe mbaʼépa oikovaʼekue, ha derécha gotyo mbaʼe téystoguipa oñeguenohẽ. Avei rejuhúta mbaʼe kapítulopepa ikatu relee pe lívro El hombre más grande de todos los tiempos. *

Og̃uahẽmbotávo pe ára iñimportantevéva ko áñope, iporãitevaʼerã releéramo káda día umi mbaʼe Jesús ohasavaʼekue. Upéicha reñembosakoʼi porãta regueromanduʼa hag̃ua Jesús omano hague ára.

[Nóta]

[Komentário oĩva páhina 14-pe]

Domingo 17 de abril de 2011 ojegueromanduʼáta Jesús omano hague ára

 [Taʼanga ha informasión oĩva páhina 15-pe]

(Emaña pe kuatiañeʼẽre rehecha hag̃ua osẽ hagueichaite ko párte)

SEMÁNA JESÚS OMANO MBOYVE

2011: martes 12 de abril

▪ Sábado (ára oñemboykéva Ñandejárape g̃uarã)

□ Juan 11:55–12:1

□ gt-S 101 párr. 2-4 *

9 DE NISÁN (oñepyrũ kaʼaruete)

Nóta: Kalendário hudíope umi ára oñepyrũ kuarahy oike rire ha opa kuarahy oike peve

▪ Osena Simón pe lepróso rógape

▪ María omoĩ Jesús akãre peteĩ perfúme hepyetereíva

▪ Heta hudío ou ohecha Jesús ha Lázarope

□ Mateo 26:6-13

□ Marcos 14:3-9

□ Juan 12:2-11

□ gt-S 101 párr. 5-9

2011: miércoles 13 de abril

▪ Jesús oike Jerusalénpe

▪ Oporomboʼe témplope

□ Mateo 21:1-11, 14-17

□ Marcos 11:1-11

□ Lucas 19:29-44

□ Juan 12:12-19

□ gt-S 102

10 DE NISÁN (oñepyrũ kaʼaruete)

▪ Upe pyhare opyta Betániape

2011: jueves 14 de abril

▪ Pyharevete oho Jerusalén gotyo

▪ Omosẽ témplogui umi ombaʼevendévape

▪ Jehová oñeʼẽ yvága guive

□ Mateo 21:12, 13, 18, 19

□ Marcos 11:12-19

□ Lucas 19:45-48

□ Juan 12:20-50

□ gt-S 103 ha 104

11 DE NISÁN (oñepyrũ kaʼaruete)

2011: viernes 15 de abril

▪ Jesús omboʼe témplope ha oiporu ehémplo

▪ Omongavaju umi fariséope

▪ Oñeʼẽ pe viúda omeʼẽvaʼekuére ikontrivusión

▪ Heʼi Jerusalén oñehunditaha

▪ Omombeʼu mbaʼépa oikóta ogoverna vove

□ Mateo 21:19–25:46

□ Marcos 11:20–13:37

□ Lucas 20:1–21:38

□ gt-S 105–112 párr. 1

12 DE NISÁN (oñepyrũ kaʼaruete)

2011: sábado 16 de abril

▪ Opyta hemimboʼekuéra ndive Betániape

▪ Judas ohecha mbaʼéichapa otraisionáta chupe

□ Mateo 26:1-5, 14-16

□ Marcos 14:1, 2, 10, 11

□ Lucas 22:1-6

□ gt-S 112 párr. 2-4

 13 DE NISÁN (oñepyrũ kaʼaruete)

2011: domingo 17 de abril

▪ Pedro ha Juan oprepara Paskuarã

▪ Jesús ha umi diez hemimboʼe og̃uahẽ upépe kaʼaruete

□ Mateo 26:17-19

□ Marcos 14:12-16

□ Lucas 22:7-13

□ gt-S 112 párr. 5–113 párr. 1

14 DE NISÁN (oñepyrũ kaʼaruete)

▪ Jesús ojapo pe Páskua

▪ Ombojepyhéi hemimboʼekuérape

▪ Heʼi Júdaspe oho hag̃ua

▪ Omoñepyrũ pe séna ogueromanduʼátava omanoha ára

□ Mateo 26:20-35

□ Marcos 14:17-31

□ Lucas 22:14-38

□ Juan 13:1–17:26

□ gt-S 113 párr. 2–116

pyharepyte

2011: lunes 18 de abril

▪ Oñetraisiona ha ojejagarra chupe hardín de Getsemanípe

▪ Hemimboʼekuéra oheja rei chupe

▪ Sanedrín ohusga chupe

▪ Pedro onega chupe

□ Mateo 26:36-75

□ Marcos 14:32-72

□ Lucas 22:39-62

□ Juan 18:1-27

□ gt-S 117–120

▪ Ojegueraha jey Sanedrín renondépe

▪ Ojegueraha Pilátope, upéi Heródespe ha Pilátope jey

▪ Oñentregáma chupe ojejuka hag̃ua ha ojekutu peteĩ yvyráre

▪ Omano kaʼaru lás tres rupi

▪ Oñemboguejy chupe pe yvyrágui ha oñeñotỹ

□ Mateo 27:1-61

□ Marcos 15:1-47

□ Lucas 22:63–23:56

□ Juan 18:28–19:42

□ gt-S 121–127 párr. 7

15 DE NISÁN (oñepyrũ kaʼaruete)

▪ Sábado (ára oñemboykéva Ñandejárape g̃uarã)

2011: martes 19 de abril

▪ Pilato omoĩka guárdia Jesús oñeñotỹ haguépe

□ Mateo 27:62-66

□ gt-S 127 párr. 8, 9

16 DE NISÁN (oñepyrũ kaʼaruete)

□ Marcos 16:1

2011: miércoles 20 de abril

▪ Jesús oikove jey

▪ Jesús ojechauka hemimboʼekuérape

□ Mateo 28:1-15

□ Marcos 16:​2-8

□ Lucas 24:1-49

□ Juan 20:1-25

□ gt-S 127 párr. 10–129 párr. 10

[Nóta]