Nakasaganaka Kadin Para iti Kapatgan nga Aldaw iti Tawen?

SUMAGMAMANO nga oras sakbay ti ipapatay ni Jesus, inyussuatna iti naisangsangayan a pamay-an ti pananglaglagip iti ipapatayna. Daytoy a pananglaglagip ket pagaammo itan kas “ti pangrabii ti Apo.” (1 Corinto 11:20) Iti panangipakita ni Jesus iti kinapateg dayta nga okasion, imbilinna: “Itultuloyyo nga aramiden daytoy kas panglaglagip kaniak.” (Lucas 22:19) Tarigagayam kadi ti agtulnog ken Jesus? No kasta, matmatam ngarud ti anibersario ti ipapatayna kas kapatgan nga aldaw iti tawen.

Ngem kaano a talaga ti rumbeng a pananglaglagipmo iti dayta nga okasion? Kasanom a masigurado a naan-anay a nakasaganaka a mangtarus iti kaipapanan daytoy a nagpateg nga okasion? Dagita a saludsod ti rumbeng nga usigen a naimbag ti tunggal Kristiano.

Kasano Kasansan?

Kaaduanna a tinawen ti pananglaglagiptayo kadagiti napateg nga okasion. Kas pagarigan, nupay ti nakaal-alingget a pannakarba ti World Trade Center idi Setiembre 11, 2001 ket saan a malipatan dagidiay adda iti New York City a natayan iti patpatgen iti biag, nagpaiduma ti kaipapanan dayta kadakuada tunggal madanon dayta a petsa.

Kasta met, idi panawen ti Biblia, tinawen ti pananglaglagip kadagiti napateg a pasamak. (Ester 9:21, 27) Binilin ni Jehova dagiti Israelita a tinawen a rambakanda ti namilagruan a pannakawayawayada kas ad-adipen idiay Egipto. Tukoyen ti Biblia dayta a rambak kas Paskua, ket maminsan iti makatawen a rinambakan dagiti Israelita dayta a pasamak iti mismo a petsa a pannakaispalda.​—Exodo 12:24-27; 13:10.

Kalkalpas a rinambakan ni Jesus ti Paskua a kaduana dagiti apostolna idi inyussuatna ti naisangsangayan a pannangan nga agserbi kas pagsurotan iti pananglaglagip iti ipapatayna. (Lucas 22:7-20) Tinawen idi a narambakan ti Paskua. Gapuna, rumbeng a maminsan met iti kada tawen a rambakantayo daytoy a pananglaglagip a kasukat ti Paskua. Ngem iti ania a petsa?

Kaano?

Tapno masungbatan dayta a saludsod, nasken a maawatantayo ti dua a banag. Umuna, idi tiempo ti Biblia, ti aldaw ket mangrugi iti ilelennek ti init agingga iti sumaruno nga ilelennek ti init, wenno mangrugi iti rabii agingga iti sumaganad a rabii.​—Levitico 23:32.

Maikadua, ti kalendariotayo ita ket naiduma iti kalendario idi tiempo ti Biblia. Ti bulantayo a  Marso ken Abril ket awagan ti Biblia kas Adar ken Nisan. (Ester 3:7) Kadagiti Judio, ti bulan (month) ket mangrugi iti baro a bulan (new moon) agingga iti sumaganad a baro a bulan (new moon). Rinambakanda ti Paskua iti maika-14 nga aldaw ti Nisan, ti umuna a bulan ti kalendarioda. (Levitico 23:5; Numeros 28:16) Iti dayta met laeng nga aldaw, Nisan 14, nga inlansa dagiti Romano ni Apotayo a Jesu-Kristo. Natay ni Jesus 1,545 a tawen kalpasan ti pannakarambak ti damo a Paskua. Anian a naisangsangayan a petsa ti Nisan 14!

Ngem ania a petsa ti katupag ti Nisan 14 iti kalendariotayo? Maammuantayo dayta babaen ti simple a kalkulasion. Mangrugi ti Nisan 1 no ti baro a bulan a kaasitgan iti spring equinox (ti pangrugian ti primavera iti Northern Hemisphere) ket agparang kalpasan ti ilelennek ti init iti Jerusalem. No agbilangtayo iti 14 nga aldaw manipud iti dayta a petsa, madanontayo ti Nisan 14. Kaaduanna a kabus ti bulan iti dayta a petsa. No surotentayo dayta a kalkulasion ti Biblia, ti Nisan 14 iti daytoy a tawen ket mangrugi iti ilelennek ti init inton Domingo, Abril 17, 2011. a

Ita a tawen, agsagsaganan dagiti Saksi ni Jehova nga agtataripnong a kaduada ti amin nga agtarigagay a manglaglagip iti ipapatay ni Jesus. Siraragsak nga awisendaka a makitaripnong kadakuada. Damagem kadagiti Saksi ni Jehova iti lugarmo no ania nga oras ken lugar ti pakaangayan dayta a taripnong. Angayenda dayta a pananglaglagip kalpasan ti ilelennek ti init, saan nga iti agsapa wenno iti malem. Apay? Gapu ta kunaen ti Biblia a maangay dayta kas ‘pangrabii.’ (1 Corinto 11:25) Ti rabii ti Domingo, Abril 17, 2011, isu ti anibersario ti rabii idi inyussuat ni Jesus daytoy a naisangsangayan a pananglaglagip 1,978 a tawenen ti napalabas. Iti dayta met laeng nga aldaw a mangrugi ti Nisan 14, ti aldaw nga ipapatay ni Jesus. Ania pay koma ti nasaysayaat nga aldaw a pananglaglagip iti ipapatayna?

No Kasano ti Agsagana

Ania ti mabalinmo nga aramiden ita tapno makapagsaganaka para iti dayta a maminsan kada tawen nga okasion? Ti maysa a pamay-an ket ti panangutobmo iti naaramidan ni Jesus kadatayo. Ti libro nga Ania a Talaga ti Isursuro ti Biblia? b ket minilionen ti natulonganna a mangtarus iti kaipapanan ti ipapatay ni Jesus.​—Mateo 20:28.

Ti sabali pay a pamay-an a maisaganatayo ti pusotayo para iti dayta a naisangsangayan nga okasion ket ti panangbasa iti salaysay maipapan kadagiti pasamak a nangitunda iti maudi nga aldaw ti biag ni Jesus ditoy daga. Kadagiti sumaganad a panid, adda makitam a maysa a tsart. Iti makannawan a benneg, nailista dagiti teksto dagiti agkakanaig a salaysay iti Biblia a mangdeskribir kadagiti pasamak sakbay ti ipapatay ni Jesus. Nairaman met iti daytoy a listaan dagiti kapitulo ti libro a Ti Katan-okan a Tao a Nagbiag Pay Laeng c a mangilawlawag kadagita a pasamak.

Iti makannigid a benneg, nadakamat ti petsa dagita a pasamak ken ti katupag dagita a petsa iti daytoy a tawen. Apay a dimo iwayaan a basaen ti uray sumagmamano laeng kadagiti teksto ti Kasuratan iti tunggal aldaw agingga iti Pangrabii ti Apo? Dayta ti tumulong kenka nga agsagana para iti kapatgan nga aldaw iti tawen.

[Footnotes]

[Blurb iti panid 22]

Pananglaglagip iti ipapatay ni Jesus Domingo, Abril 17, 2011

 [Tsart/Dagiti Ladawan iti panid 23, 24]

(Para iti aktual a pannakaurnosna, kitaem ti publikasion)

TI MAUDI A LAWAS

2011 Martes, Abril 12

▪ Sabbath

□ Juan 11:55–12:1

□ gt 101, par. 2-4 d

NISAN 9 (mangrugi iti ilelennek ti init)

Idi tiempo ti Biblia, ti aldaw ket mangrugi iti rabii, kalpasan ti ilelennek ti init, sa agngudo iti sumaganad nga ilelennek ti init

▪ Nakipangan ken Simon nga agkukutel

▪ Sinapsapuan ni Maria iti nardo

▪ Bimmisita dagiti Judio kada Jesus ken Lazaro

□ Mateo 26:6-13

□ Marcos 14:3-9

□ Juan 12:2-11

□ gt 101, par. 5-9

2011 Mierkoles, Abril 13

▪ Sibaballigi a simrek iti Jerusalem

▪ Nangisursuro iti templo

□ Mateo 21:1-11, 14-17

□ Marcos 11:1-11

□ Lucas 19:29-44

□ Juan 12:12-19

□ gt 102

NISAN 10 (mangrugi iti ilelennek ti init)

▪ Pinalabasna ti rabii idiay Betania

2011 Huebes, Abril 14

▪ Nasapa a nagturong idiay Jerusalem

▪ Dinalusanna ti templo

▪ Nagsao ni Jehova manipud langit

□ Mateo 21:12, 13, 18, 19

□ Marcos 11:12-19

□ Lucas 19:45-48

□ Juan 12:20-50

□ gt 103, 104

NISAN 11 (mangrugi iti ilelennek ti init)

2011 Biernes, Abril 15

▪ Nangisursuro iti templo babaen kadagiti ilustrasion

▪ Kinondenarna dagiti Fariseo

▪ Nadlawna ti kontribusion ti balo

▪ Impakpakaunana ti pannakarbek ti Jerusalem

▪ Nangipaay kadagiti pagilasinan ti kaaddana iti masanguanan

□ Mateo 21:19–25:46

□ Marcos 11:20–13:37

□ Lucas 20:1–21:38

□ gt 105 agingga iti 112, par. 1

NISAN 12 (mangrugi iti ilelennek ti init)

2011 Sabado, Abril 16

▪ Natalna nga aldaw idiay Betania a kaduana dagiti adalanna

▪ Intulag ni Judas ti panangliputna

□ Mateo 26:1-5, 14-16

□ Marcos 14:1, 2, 10, 11

□ Lucas 22:1-6

□ gt 112, par. 2-4

 NISAN 13 (mangrugi iti ilelennek ti init)

2011 Domingo, Abril 17

▪ Nagsagana da Pedro ken Juan para iti Paskua

▪ Simmaruno ni Jesus ken ti sangapulo nga apostol idi mumalmalemen

□ Mateo 26:17-19

□ Marcos 14:12-16

□ Lucas 22:7-13

□ gt 112, par. 5 to 113, par. 1

□ gt 112, par. 5 agingga iti 113, par. 1

NISAN 14 (mangrugi iti ilelennek ti init)

▪ Rinambakanda ti Paskua

▪ Binugguanna ti saksaka dagiti apostolna

▪ Pinapanawna ni Judas

▪ Inyussuatna ti Pananglaglagip iti ipapatayna

□ Mateo 26:20-35

□ Marcos 14:17-31

□ Lucas 22:14-38

□ Juan 13:1–17:26

□ gt 113, par. 2 agingga iti ngudo ti 116

tengnga ti rabii

2011 Lunes, Abril 18

▪ Naliputan ken naaresto iti minuyongan ti Getsemani

▪ Nagtatalaw dagiti apostol

▪ Naisaklang iti Sanhedrin

▪ Ni Pedro inlibakna ni Jesus

□ Mateo 26:36-75

□ Marcos 14:32-72

□ Lucas 22:39-62

□ Juan 18:1-27

□ gt 117 agingga iti ngudo ti 120

▪ Naisaklang manen iti Sanhedrin

▪ Naidatag ken Pilato, ken Herodes, sa naisubli ken Pilato

▪ Nasentensiaan iti ipapatay sa nailansa

▪ Natay iti agarup alas tres ti malem

▪ Naikkat sa naitabon ti bangkayna

□ Mateo 27:1-61

□ Marcos 15:1-47

□ Lucas 22:63–23:56

□ Juan 18:28-19:42

□ gt 121 agingga iti 127, par. 7

NISAN 15 (mangrugi iti ilelennek ti init)

▪ Sabbath

2011 Martes Abril 19

▪ Inanamongan ni Pilato a maguardiaan ti tanem ni Jesus

□ Mateo 27:62-66

□ gt 127, par. 8-9

NISAN 16 (mangrugi iti ilelennek ti init)

□ Mark 16:1

2011 Mierkoles, Abril 20

▪ Napagungar

▪ Nagparang kadagiti adalan

□ Mateo 28:1-15

□ Marcos 16:2-8

□ Lucas 24:1-49

□ Juan 20:1-25

□ gt 127, par. 10 agingga iti 129, par. 10

[Footnote]