Na o Itokišeleditše Letšatši le Bohlokwa Kudu Ngwageng?

DIIRI tše mmalwa pele Jesu a ka hwa, o ile a hloma mokgwa o kgethegilego wa go gopola lehu la gagwe. Mokgwa wo o ile wa tsebja e le “selalelo sa Morena.” (1 Bakorinthe 11:20) A bontšha bohlokwa bja tiragalo ye, Jesu o laetše gore: “Dulang le dira se e le go nkgopola.” (Luka 22:19) Na o kganyoga go ikokobeletša Jesu? Ge e ba go le bjalo, gona o tla lebelela segopotšo sa lehu la Jesu e le letšatši le bohlokwa kudu ngwageng.

Eupša tiragalo ye e swanetše go gopolwa neng? Le gona, o ka kgonthišetša bjang gore o itokišitše ka mo go feletšego go kwešiša bohlokwa bja tiragalo ye e bohlokwa? Tše ke dipotšišo tšeo Mokriste yo mongwe le yo mongwe a swanetšego go di ela hloko.

Gakae?

Gantši re gopola ditiragalo tše bohlokwa ngwaga o mongwe le o mongwe. Ka mohlala, gaešita le ge ditiragalo tše kwešago bohloko tša September 11, 2001, di dula di gopolwa ke batho ba New York City bao ba lahlegetšwego ke baratiwa ba bona nakong ya ge World Trade Center e hlaselwa, ge letšatšikgwedi leo le fihla, ba le tšea e le le bohlokwa.

Ka mo go swanago, mehleng ya Beibele go be go gopolwa ditiragalo tše bohlokwa ngwaga o mongwe le o mongwe. (Esitere 9:21, 27) Jehofa o be a laetše Baisiraele gore ngwaga o mongwe le o mongwe ba keteke go lokollwa ga bona ka mohlolo bokgobeng Egipita. Beibele e bolela ka monyanya woo e le Paseka gomme Baisiraele ba be ba gopola tiragalo yeo gatee ka ngwaga ka letšatši leo ba phološitšwego ka lona.—Ekisodo 12:24-27;13:10.

Jesu o be a sa tšwa go fetša go keteka Paseka le baapostola ba gagwe ge a be a hloma selalelo se se kgethegilego seo se bego se tla dirišetšwa go gopola lehu la gagwe. (Luka 22:7-20) Paseka e be e ketekwa ngwaga o mongwe le o mongwe. Ka gona, re ka phetha ka gore tiragalo ye e mpsha yeo e tšerego legato la Paseka le yona e swanetše go ketekwa gatee ka ngwaga. Eupša ka letšatši lefe?

Neng?

Go araba potšišo yeo, re swanetše go kwešiša dilo tše pedi. Sa pele, mehleng ya Beibele letšatši le be le thoma mantšiboa ge letšatši le sobela gomme le fela letšatšing le le latelago ge letšatši le sobela. Ka gona, letšatši le be le thoma mantšiboa le fela mantšiboa.—Lefitiko 23:32.

Sa bobedi, Beibele ga e diriše almanaka yeo re e dirišago lehono. Go e na le gore e diriše dikgwedi  tše di nago le maina a bjalo ka March le April, Beibele e bolela ka dikgwedi tše bjalo ka Adara le Nisani. (Esitere 3:7) Bajuda ba be ba bala dikgwedi go tloga ka ngwedi o mofsa go fihla ka ngwedi o mofsa. Ba be ba keteka Paseka ka letšatši la bo-14 la kgwedi ya pele almanakeng ya bona, Nisani. (Lefitiko 23:5; Numeri 28:16) Letšatši leo, Nisani 14, ke lona leo Baroma ba ilego ba kokotela Morena wa rena Jesu Kriste koteng. O ile a hwa nywaga e 1 545 ka morago ga ge monyanya wa Paseka o hlomilwe. Ruri letšatši la Nisani 14 ke le le kgethegilego!

Eupša ke letšatši lefe leo le sepedišanago le Nisani 14 almanakeng ya rena ya lehono? Go bala ka tsela e bonolo go re thuša go fihla letšatšing le le nepagetšego. Nisani 1 e thoma ge ngwedi o mofsa wa kgauswiuswi le tekananako ya seruthwane (mathomo a seruthwane Karolong ya Lefase ya ka Leboa) o thoma go bonala kua Jerusalema. Ge re bala matšatši a 14 go tloga tiragalong yeo, re fihla go Nisani 14. Letšatšikgwedi le gantši ke la ngwedi o tletšego. Go dirišwa mokgwa wo wa Beibele, Nisani 14 ya lenyaga e thoma ge letšatši le sobela ka Sontaga, April 17, 2011. *

Ke ka baka leo Dihlatse tša Jehofa lenyaga di itokišeletšago go bokana gotee le bao ba ratago go gopola lehu la Jesu. Di go laletša ka borutho gore o be le tšona. Hle ikgokaganye le Dihlatse tša Jehofa tša lefelong la geno gore di go botše nako le lefelo leo go tla bokanwago go lona. Di tla be di gopola tiragalo ye, e sego mesong goba thapama, eupša mantšiboa ka morago ga ge letšatši le sobetše. Ka baka la’ng? Ka gobane go ya ka Beibele, tiragalo ye e swanetše go ba “selalelo.” (1 Bakorinthe 11:25) Mantšiboa a Sontaga, April 17, 2011, ke segopotšo sa mantšiboa ao Jesu a hlomilego tiragalo ye yeo e kgethegilego nywageng e 1 978 e fetilego. Le gona ke mathomo a letšatši leo Jesu a hwilego ka lona, e lego la Nisani 14. Ruri ga go na letšatši le lengwe le lekaone leo le ka dirišwago go gopola lehu la gagwe!

Kamoo o ka Itokišago ka Gona

O ka dira’ng gona bjale go itokišeletša tiragalo ye ya gatee ka ngwaga? Tsela e nngwe ke ka go naganišiša ka seo Jesu a re diretšego sona. Puku ya Ke Eng Seo ge e le Gabotse Beibele e se Rutago? * e thušitše ba dimilione go godiša tebogo ya bona mabapi le seo lehu la Jesu le se bolelago.—Mateo 20:28.

Tsela e nngwe ya go lokiša dipelo tša rena bakeng sa tiragalo ye e bohlokwa ke ka go bala ditiragalo tšeo di lebišitšego letšatšing la mafelelo la bophelo bja Jesu mo lefaseng. O tla hwetša tšhate matlakaleng a latelago. Lehlakoreng la ka go le letona la tšhate go na le lelokelelo la ditiragalo tša Beibele tše di swanago tšeo di diregilego pele ga lehu la Jesu. Le gona lelokelelo le le akaretša dikgaolo tše tšwago ka pukung ya Motho yo a Phagamego Kudu yo a Kilego a Phela * tše di hlalosago ditiragalo tšeo.

Lehlakoreng la ka go le letshadi la tšhate go bapišwa matšatšikgwedi a ditiragalo tšeo le matšatši a sepedišanago le ona lenyaga. Ke ka baka la’ng o sa iphe nako ya go bala bonyenyane tše dingwe tša ditemana tša Mangwalo tša ditiragalo tša letšatši le lengwe le le lengwe leo le lebišitšego Mantšiboeng a Selalelo sa Morena? Go tla go thuša go itokišeletša letšatši le bohlokwa kudu ngwageng.

[Mengwalo ya tlase]

[Ntlhakgolo go letlakala 22]

Gopola lehu la Jesu Sontaga, April 17, 2011

 [Chart/​Pictures on pages 23, 24]

(Bakeng sa mongwalo o beakantšwego ka mokgwa wa kgatišo, bona kgatišo ka boyona)

BEKE YA MAFELELO

2011 Labobedi April 12 ▪ Sabatha Mateo

2012 ․․․․․ Mareka

2013 ․․․․․ Luka

□ Johane 11:55–12:1

□ gt 101, dir. 2-4 *

NISANI 9 (e thoma ge letšatši le sobela)

Mehleng ya Beibele letšatši ▪ O ja le Simone □ Mateo 26:6-13

le lefsa le be le thoma mantšiboa, wa molephera

ka morago ga ge letšatši le ▪ Maria o mo tlotša □ Mareka 14:3-9

sobetše gomme le fela letšatšing ka nareda

le le latelago geela ▪ Bajuda ba etela Luka

Jesu le □ Johane 12:2-11

Latsaro □ gt 101, dir. 5-9

2011 Laboraro April 13 ▪ O tsena □ Mateo 21:1-11, 14-17

2012 ․․․․․ Jerusalema bjalo ka mofenyi

2013 ․․․․․ ▪ O ruta ka tempeleng □ Mareka 11:1-11

□ Luka 19:29-44

□ Johane 12:12-19

□ gt 102

NISANI 10 (e thoma ge letšatši le sobela)

▪ O fetša bošego a le

Bethania

2011 Labone April 14 ▪ O ya Jerusalema □ Mateo 21:12, 13,

2012 ․․․․․ pele ga nako 18, 19

2013 ․․․․․ ▪ O hlwekiša tempele □ Mareka 11:12-19

▪ Jehova o bolela a le □ Luka 19:45-48

legodimong □ Johane 12:20-50

□ gt 103, 104

NISANI 11 (e thoma ge letšatši le sobela)

2011 Labohlano April 15 ▪ O ruta ka □ Mateo 21:19–25:46

2012 ․․․․․ tempeleng, a diriša

2013 ․․․․․ diswantšho

▪ O kgala □ Mareka 11:20–13:37

Bafarisei

▪ O lemoga moneelo □ Luka 20:1–21:38

wa mohlologadi

▪ O bolela e sa le pele Johane

ka go wa ga Jerusalema

▪ O nea pontšho ya go ba □ gt 105 go ya go 112, ser. 1

gona ga gagwe ga nakong e tlago

NISANI 12 (e thoma ge letšatši le sobela)

2011 Mokibelo April 16 ▪ O fetša letšatši □ Mateo 26:1-5, 14-16

2012 ․․․․․ le barutiwa ba gagwe

2013 ․․․․․ Bethania

▪ Judase o rulaganya □ Mareka 14:1, 2, 10, 11

go mo eka

□ Luka 22:1-6

Johane

□ gt 112, dir. 2-4

 NISAN 13 (e thoma ge letšatši le sobela)

2011 Sontaga April 17 ▪ Petro le Johane □ Mateo 26:17-19

2012 ․․․․․ ba lokišetša

2013 ․․․․․ Paseka

▪ Jesu le baapostola ba □ Mareka 14:12-16

bangwe ba lesome □ Luka 22:7-13

ba a ba latela Johane

nakong ya thapama □ gt 112, ser. 5 to 113,

ser. 1

NISANI 14 (e thoma ge letšatši le sobela)

▪ O keteka □ Mateo 26:20-35

Paseka

▪ O hlapiša □ Mareka 14:17-31

barutiwa dinao

▪ O raka Judase □ Luka 22:14-38

▪ O hloma Segopotšo □ Johane 13:1–17:26

sa lehu la gagwe □ gt 113, ser. 2 go fihla

mafelelong a 116

bošegogare ▪ O a ekwa le go □ Mateo 26:36-75

2011 Mošupologo April 18 golegwa ka

2012 ․․․․․ serapeng sa Getsemane

2013 ․․․․․ ▪ Baapostola ba a tšhaba □ Mareka 14:32-72

▪ O sekišwa ke □ Luka 22:39-62

Sanhedrine

▪ Petro o latola □ Johane 18:1-27

Jesu □ gt 117 go fihla

mafelelong a 120

▪ O ema pele ga □ Mateo 27:1-61

Sanhedrine gape

▪ O išwa go Pilato, □ Mareka 15:1-47

ke moka go Heroda, gomme

o išwa go Pilato gape

▪ O ahlolelwa lehu □ Luka 22:63–23:56

gomme o kokotelwa koteng

▪ O hwa mo e ka □ Johane 18:28–19:42

bago ka iri ya boraro

thapama

▪ Setopo sa gagwe se a tšewa □ gt 121 go ya go 127, ser. 7

gomme sa bolokwa

NISANI 15 (e thoma ge letšatši le sobela)

▪ Sabatha

2011 Labobedi April 19 ▪ Pilato o dumela □ Mateo 27:62-66

2012 ․․․․․ gore baleti ba Mareka

2013 ․․․․․ lete lebitla la Jesu Luka

Johane

□ gt 127, dir. 8-9

NISANI 16 (e thoma ge letšatši le sobela)

Mareka 16:1

2011 Laboraro April 20 ▪ O a tsošwa □ Mateo 28:1-15

2012 ․․․․․ ▪ O tšwelela go □ Mareka 16:2-8

2013 ․․․․․ O tšwelela □ Luka 24:1-49

□ Johane 20:1-25

□ gt 127, ser. 10

go ya go 129, ser. 10

[Mongwalo wa ka tlase]