Suyasqa pʼunchaypaq ¿wakichisqañachu kanki?

JESUSQA wañunan pʼunchaymanta ñawpaq chʼisi, discipulosninwan tantaykukuspa imaynatachus wañuyninta yuyarinankupaq yachachirqa, jinamanta sapa wata wañuyninta yuyarinapaq. Kaytaq ‘Señorpa Cenan’ nisqa sutiyuq riqsikun (1 Corintios 11:20). Cenata ruwasqantawan Jesús discipulosninman kamachirqa: “Kayta ruwaychej noqamanta yuyarikuspa”, nispa (Lucas 22:19). Jesuspa kamachiykunasninmanjina kawsakuyta munaqqa, Jesuspa wañuynin pʼunchayta may jatunpaq qhawan.

Chantá, ¿ima pʼunchaytaq yuyarina kanman? ¿Imatá ruwasunman ñawpaqmanta wakichikunapaq? Kay tapuykunasta allin kanman ukhuncharinanchik.

Sapa wata yuyarinapaq

Kay tiempopi imaschus pasasqanta kawsayninchikpiqa sapa wata yuyarillanchikpuni. Sutʼincharinapaq Estados Unidos suyupi 2001 watapi septiembre 11 pʼunchaypi, iskay jatuchaq edificiosta thuñiykurqanku. Chaypi familiaresninku, amigosninku wañupusqankuta, achkha runas mana qunqankuchu, septiembre 11 pʼunchaypitaq sapa wata yuyarillankupuni.

Ñawpa tiempopipis kikillantataq ruwaq kanku (Ester 9:21, 27). Jehovaqa, israelitasta Egiptomanta kacharichisqas kasqankuta yuyarinankupaq, Pascuata ruwanankuta kamachirqa. Sapa wata chay pʼunchayllatataq yuyarinanku karqa (Éxodo 12:24-27; 13:10).

Jesusqa discipulosninwan, Pascuata ruwasqankutawan, wañuyninta yuyarinankupaq ñawpaq kutirayku cenanta ruwarqa (Lucas 22:7-20). Pascua raymip cuentanmanta, Señorpa Cenan ruwakun, chayraykutaq sapa wata yuyarikunan tiyan. ¿Ima pʼunchaypitaq yuyarikunan tiyan?

Jesuspa wañuyninta yuyarinapaq pʼunchay

Jesuspa wañuynin ima pʼunchaychus kasqanta yachanapaqqa kaykunasmanta yachana tiyan: Ñawpaqta, Judiospa calendarionpiqa juk pʼunchay inti yaykupusqanmanta qʼayantin inti yaykupunankama yupakun, manataq khuskan tutachu qallarin calendarionchikpijina (Levítico 23:32).

 Chantá, judiospa killasninqa musuq killamanta musuq killakama yupakun, sutisninkupis wakjinallataq kanku, adar, nisán nisqajina (Ester 3:7). Pascuataqa wata qallarikuy nisán killapi, 14 pʼunchaypi ruwakuq (Levítico 23:5; Números 28:16). Chay pʼunchayllataq —1545 watasña pasarqa ñawpa Pascua ruwakusqanmanta— 33 watapi, romanosqa Jesusta kurkupi wañuchirqanku. Chayraykutaq cristianosqa chay pʼunchayta may jatunpaq qhawanku.

Calendarionchik mana judiospatajina kasqanrayku, ¿imaynatá yachasunman 14 nisán ima pʼunchaymanchus chayasqanta? Jerusalempiqa 21 marzo pasayta musuq killa rikhurin chaypi 1 nisán qallarin, chaymantataq chunka tawayuq pʼunchaykunata yupana, chay pʼunchaytaq killa juntʼa kanqa, chaytaq 14 nisán sutichakun, ajinatamin yupaq kanku, kikillantataq kunan tiempopipis yupanchik, chayrayku kay wataqa 17 abril killapi Jesucristop wañuyninta yuyarikunqa. *

Jesuspa wañuyninta yuyarikunankupaq, Jehovamanta sutʼinchaqkunaqa wakichichkankuña. Paykunawan khuska yuyariyta munaqkunaqa, waqyarisqa kanku. Maypichus, ima horatachus ruwakunanta yachanaykipaq, Jehovamanta sutʼinchaqkunata tapurikuy. Mana pʼunchaypichu kanqa, manaqa inti yaykupusqantawan, Jesús discipulosninwan ruwasqanmanjina (1 Corintios 11:25). Kay Domingo 17 abril chʼisipi Señorpa Cenanta yuyarikunqa. Jesús ñawpaq kutirayku ruwasqanmanta 1978 watasña pasan. Kay 14 nisán pʼunchayllapitaq Jesusqa wañurqa. ¿Manachu allin kanman kay pʼunchayta yuyarina?

¿Wakichisqachu kachkanki?

¿Imaynatá chay chʼisipaq wakichikuwaq? Jesús ñuqanchikrayku kawsayninta qusqanpi tʼukuriwaq. Kay ¿Imatapunitaq Biblia yachachin? libro, may chhika runasta Jesuspa wañuynin imatachus ninayasqanta sutʼimanta yachakunankupaq yanapan (Mateo 20:28). *

Wakjinamanta sunqunchikta, yuyayninchikta ima, wakichiyta atillasunmantaq, Jesús manaraq kawsayninta Jallpʼapi tukuchachkaspa chay pʼunchaykunapi imatachus ruwasqanta, ñawirina kanman. Chaypaqtaq qhipan paginasta kayjinamanta wakichikun: Lluqʼi ladopi judiospa calendarion, ñuqanchikpa calendarionchikmanjina kachkan, chawpi kaqpitaq imaschus chay pʼunchaykunapi pasasqanmanta willawanchik, paña ladopitaq Bibliamanta pʼitis, chantá El hombre más grande de todos los tiempos nisqa libromanta ñawirinapaq kachkallantaq. *

Jesuspa wañuyninta yuyarinapaq pʼunchay qayllapiña kachkaptin allin kanman sapa pʼunchay Jesusmanta ñawirinayki. Jinamanta suyasqa pʼunchaypaq wakichisqa kanki.

[Sutʼinchaykunasnin]

[22 paginapi sutʼinchaynin]

Jesuspa wañuyninta yuyarikunapaq: domingo 17-abril-2011

 [23, 24 paginaspi tabla, dibujos/fotos]

(Publicacionpi qhawariy texto originalta)

QHIPA KAQ SEMANA

2011: martes 12 abril

▪ Sábado (samarinapaq tʼaqasqa pʼunchay)

□ Juan 11:55–12:1

□ gt 101 párrs. 2-4 *

9 NISÁN (inti yaykuptin qallarin)

Sutʼinchaynin: Judiospa calendarionpiqa juk pʼunchay inti yaykupusqanmanta qʼayantin inti yaykupunankama yupakuq

▪ Lepra unquyniyuq Simonpa wasinpi

▪ María, Jesuspa umanman may valorniyuq perfumeta jichʼaykun

▪ Achkha judíos Jesusta, Lazarota ima rikunankupaq jamunku

□ Mateo 26:6-13

□ Marcos 14:3-9

□ Juan 12:2-11

□ gt 101 párrs. 5-9

2011: miércoles 13 abril

▪ Jesús Jerusalenman yaykun

▪ Templopi yachachin

□ Mateo 21:1-11, 14-17

□ Marcos 11:1-11

□ Lucas 19:29-44

□ Juan 12:12-19

□ gt 102

10 NISÁN (inti yaykuptin qallarin)

▪ Betaniapi puñun

2011: jueves 14 abril

▪ Sutʼiyayta Jerusalenman lluqsin

▪ Ranqhaqkunata templomanta qharqun

▪ Jehová janaqpachamanta parlamun

□ Mateo 21:12, 13, 18, 19

□ Marcos 11:12-19

□ Lucas 19:45-48

□ Juan 12:20-50

□ gt 103, 104

11 NISÁN (inti yaykuptin qallarin)

2011: viernes 15 abril

▪ Jesús rikchʼanachinaswan templopi yachachin

▪ Leymanta yachachiqkunata chʼataykun

▪ Viudap ofrendanmanta parlan

▪ Jerusalén thuñisqa kananmanta willan

▪ Qhipa kutimuyninmanta parlan

□ Mateo 21:19–25:46

□ Marcos 11:20–13:37

□ Lucas 20:1–21:38

□ gt 105–112 párr. 1

12 NISÁN (inti yaykuptin qallarin)

2011: sábado 16 abril

▪ Discipulosninwan Betaniapi diantinta kan

▪ Judas, Jesusta wasanchananpaq wakichin

□ Mateo 26:1-5, 14-16

□ Marcos 14:1, 2, 10, 11

□ Lucas 22:1-6

□ gt 112 párrs. 2-4

 13 NISÁN (inti yaykuptin qallarin)

2011: domingo 17 abril

▪ Pedro, Juan ima Pascuata wakichinku

▪ Jesús, chunka apóstoles ima, inti yaykusqantawan chayanku

□ Mateo 26:17-19

□ Marcos 14:12-16

□ Lucas 22:7-13

□ □ gt 112 párr. 5–113 párr. 1

14 NISÁN (inti yaykuptin qallarin)

▪ Jesús Pascuata ruwan

▪ Apostolespa chakisninta mayllan

▪ Judasta kacharparin

▪ Imaynatachus wañuyninta yuyarinapaq ruwan

□ Mateo 26:20-35

□ Marcos 14:17-31

□ Lucas 22:14-38

□ Juan 13:1–17:26

□ gt 113 párr. 2–116 tukukuyninkama

khuskan chʼisi

2011: lunes 18 abril

▪ Jesusta wasanchakun, Getsemanipitaq presochanku

▪ Apóstoles saqirparispa ayqikapunku

▪ Sanedrín juzgan

▪ Pedro mana riqsiqman tukun

□ Mateo 26:36-75

□ Marcos 14:32-72

□ Lucas 22:39-62

□ Juan 18:1-27

□ gt 117–120 tukukuyninkama

▪ Sanedrinpi watiqmanta tapunku

▪ Pilatoman, Herodesman; watiqmanta Pilatoman pusanku

▪ Wañunanpaq juchachanku, kurkupitaq warkhunku

▪ Samay hora qayllapi wañun

▪ Kurkumanta uraqachinku, pʼampaykunkutaq

□ Mateo 27:1-61

□ Marcos 15:1-47

□ Lucas 22:63–23:56

□ Juan 18:28-40

□ gt 121–127 párr. 7

15 NISÁN (inti yaykuptin qallarin)

▪ Sábado (samarinapaq tʼaqasqa pʼunchay)

2011: martes 19 abril

▪ Pilato kamachin, aya pʼampanata soldados qhawanankupaq

□ Mateo 27:62-66

□ gt 127 párrs. 8, 9

16 NISÁN (inti yaykuptin qallarin)

2011: miércoles 20 abril

▪ Jesús kawsarinpun

▪ Jesús discipulosninman

□ Mateo 28:1-15

□ Marcos 16:1-8

□ Lucas 24:1-49

□ Juan 20:1-25

□ gt 127 párr. 10–129 párr. 10

[Sutʼinchaynin]