Po ua E Nofosauni mo le Aso e Sili Ona Tāua o le Tausaga?

A O TOE o ni nai itula maliu Iesu, sa ia faatulaga se auala faapitoa e faamanatu ai lona maliu. Ua taʻua lenei faamanatuga o “le talisuaga afiafi a le Alii.” (1 Korinito 11:20) Ina ia iloa le tāua o lenā sauniga, na poloaʻia e Iesu: “Ia faia pea lenei mea e fai ma faamanatuga iā te aʻu.” (Luka 22:19) Pe e te naunau e usitaʻi iā Iesu? Pe afai o lea, o le a e manatu la i le faamanatuina o le maliu o Iesu o se aso e sili ona tāua o le tausaga.

Ae o afea tonu lava e ao ona e faamanatu ai lenei sauniga? E faapefea ona faamautinoa o le a e matuā malamalama i le tāua o lenei sauniga? E ao i Kerisiano taʻitasi ona iloilo totoʻa nei fesili.

E Faafia Ona Fai?

E masani ona faatasi i le tausaga ona tatou faamanatu ni mea tāua na tutupu. O se faaaʻoaʻoga, e ui ina manatua e tagata na maliliu o latou aiga, mea mataʻutia na tutupu iā Setema 29, 2009, i Samoa ina ua aafia i le Galulolo, ae pe a oo i le aso tonu lava lenā i tausaga taʻitasi, e tāua tele iā i latou le faamanatuina o lenā aso.

I taimi foʻi o le Tusi Paia, sa faamanatuina i tausaga taʻitasi mea tāua na tutupu. (Eseta 9:21, 27) Na poloaʻia e Ieova tagata Isaraelu e faamanatu i tausaga taʻitasi, le faasaʻolotoina faavavega o i latou mai i le nofo pologa i Aikupito. Ua taʻua i le Tusi Paia lenā faamanatuga o le Paseka, ma sa faatasi i le tausaga ona faamanatu e tagata Isaraelu i le aso tonu na faasaoina ai i latou.—Esoto 12:24-27; 13:10.

E leʻi leva lava ona uma ona faamanatu e Iesu ma ona aposetolo le Paseka, ae ia faatulaga loa le talisuaga faapitoa lea o le a fai ma faaaʻoaʻoga o le faamanatuina o lona maliu. (Luka 22:7-20) Sa faamanatu i tausaga taʻitasi le Paseka. E tatou te iloa la, e tatau foʻi ona faatasi i le tausaga ona faamanatu lenei sauniga fou, lea na sui ai le Paseka. Ae o le ā le aso e faamanatu ai?

O Afea e Fai Ai?

Ina ia tali lenā fesili, e lua ni mea e ao ona tatou malamalama i ai. Muamua, i taimi o le Tusi Paia, na amata ona tau se aso fou mai i le afiafipō i le goto o le lā, ae uma i le aso e sosoo ai i le goto o le lā. O lea la, sa amata tau se aso mai i le afiafipō seʻia oo i le isi afiafipō.—Levitiko 23:32.

 Lona lua, e lē o faaaogā i le Tusi Paia le kalena lea e tatou te faaaogāina i aso nei. Nai lo o le faaaogā o igoa o masina e pei o Mati ma Aperila, o loo taʻua i le Tusi Paia Atara ma Nisani. (Eseta 3:7) Sa tau e tagata Iutaia a latou masina, mai i le masina faatoʻā vaaia i le isi masina faatoʻā vaaia. Sa latou faamanatu le Paseka i le aso 14 o Nisani, le masina muamua o la latou kalena. (Levitiko 23:5; Numera 28:16) O Nisani 14, o le aso foʻi lenā na tutuʻi ai e fitafita Roma lo tatou Alii o Iesu Keriso, i luga o le laau. Na maliu o ia ina ua mavae le 1,545 tausaga talu ona faia le uluaʻi talisuaga o le Paseka. O Nisani 14 o se aso faapitoa!

Ae o le ā le aso e paʻū i ai Nisani 14 i o tatou aso? E faigofie le tali. E amata Nisani 1 pe a iloa atu le masina faatoʻā vaaia i le taimi e goto ai le lā i Ierusalema, e lata i le aso e tutusa ai le umi o le ao ma le pō, (le amataga o le tau e totogo ai mea i le itu i Mātū o le lalolagi). Pe a amata ona faitau aso e 14 mai i lenā taimi, ona tau ai lea iā Nisani 14. E masani lava o le aso lea e atoa ai le masina. Pe a fua la i lenei auala, e amata Nisani 14 i lenei tausaga i le goto o le lā i le Aso Sa, Aperila 17, 2011. *

O lea ua nofosauni ai Molimau a Ieova e faapotopoto i lenei tausaga, faatasi ma ē e fia faamanatuina le maliu o Iesu. E latou te valaaulia ma le faaaloalo oe e aufaatasi ma i latou. Ia faafesootaʻi Molimau a Ieova o loo i lou vaipanoa, ina ia iloa ai le taimi ma le nofoaga e faia ai lenei sauniga. E latou te lē faamanatuina lenei sauniga i le taeao po o le aoauli, ae i le afiafipō pe a goto le lā. Aiseā? Auā i le Tusi Paia, o lenei sauniga o se “talisuaga afiafi.” (1 Korinito 11:25) O le afiafipō o Aperila 17, 2011, i le Aso Sa, o le afiafi lea e faamanatu ai le sauniga faapitoa lea na amata e Iesu i le 1,978 tausaga ua mavae. O le amataga foʻi o Nisani 14, o le aso lenā na maliu ai Iesu. O le aso lelei lava lenā e faamanatu ai lona maliu.

Auala e Nofosauni Ai

O le ā e te faia ina ia sauni ai mo lenei sauniga e faatasi ona fai i le tausaga? O le manatunatu loloto lea i mea ua faia e Iesu mo i tatou. Ua fesoasoani le tusi O ā Aʻoaʻoga Moni a le Tusi Paia? * i le faitau miliona o tagata, ina ia atili ai ona latou talisapaia le tāua o le maliu o Iesu.—Mataio 20:28.

E tāua foʻi ona faitau i mea na tutupu i aso mulimuli o le soifuaga o Iesu i le lalolagi, ina ia saunia ai o tatou loto mo lenei sauniga faapitoa. O le a fesoasoani iā te oe se siata o loo iai i itulau o mulimuli mai. O le vaega muamua, e te iloa ai aso e tusa ma le kalena i aso nei, ma le kalena na faaaogā i taimi o le Tusi Paia. O le vaega lona lua o loo taʻua ai ni nai faamatalaga e uiga i mea na tutupu, a o le vaega lona tolu o loo taʻua ai tusi o Evagelia o loo faamauina ai nei mea, ma mataupu o le tusi Le Tagata Silisili o Ē Uma na Soifua Mai * lea e faamatalaina ai. Aiseā e te lē faitau ai i nisi o tala o le Tusi Paia, i mea na tutupu i aso taʻitasi a o lumanaʻi le Talisuaga Afiafi a le Alii? O le a fesoasoani lenā e te nofosauni ai mo le aso e sili ona tāua o le tausaga.

[Faamatalaga pito i lalo]

[Faamatalaga faaopoopo i le itulau 22]

Faamanatu le maliu o Iesu Aso Sa, Aperila 17, 2011

 [Siata/​Ata i le itulau 23, 24]

(Tagaʻi i le lomiga mo le ata atoa)

LE VAIASO MULIMULI

2011 Aso Lua Aperila 12

▪ Sapati

□ Ioane 11:55–12:1

□ gt 101, pala. 2-4 *

NISANI 9 amata i le goto o le lā

I taimi o le Tusi Paia, na amata se aso fou i le afiafipō i le goto o le lā, ae uma i le aso e sosoo ai i le goto o le lā

▪ Taumafa faatasi ma Simona le lepela

▪ Uu e Maria i le nato

▪ Ō mai tagata Iutaia e asiasi iā Iesu ma Lasalo

□ Mataio 26:6-13

□ Mareko 14:3-9

□ Ioane 12:2-11

□ gt 101, pala. 5-9

2011 Aso Lulu Aperila 13

▪ Viiviia a o ulu atu i Ierusalema

▪ Aʻoaʻo i le malumalu

□ Mataio 21:1-11, 14-17

□ Mareko 11:1-11

□ Luka 19:29-44

□ Ioane 12:12-19

□ gt 102

NISANI 10 amata i le goto o le lā

▪ Nofo i le pō i Petania

2011 Aso Tofi Aperila 14

▪ Malaga i le taeaopō i Ierusalema

▪ Faamamā le malumalu

▪ Fetalai mai Ieova mai i le lagi

□ Mataio 21:12, 13, 18, 19

□ Mareko 11:12-19

□ Luka 19:45-48

□ Ioane 12:20-50

□ gt 103, 104

NISANI 11 amata i le goto o le lā

2011 Aso Faraile Aperila 15

▪ Aʻoaʻo i le malumalu i talafaatusa

▪ Taʻusalaina le ʻau Faresaio

▪ Silafia le foaʻi a le fafine ua oti lana tane

▪ Valoia le faaumatiaga Ioane o Ierusalema

▪ Valoia le faailoga o lona faatasi mai

□ Mataio 21:19–25:46

□ Mareko 11:20–13:37

□ Luka 20:1–21:38

□ gt 105-112, pala. 1

NISANI 12 amata i le goto o le lā

2011 Aso Toonaʻi Aperila 16

▪ Se aso paganoa ma ona soo i Petania

▪ Fuafua Iuta e faalata o ia

□ Mataio 26:1-5, 14-16

□ Mareko 14:1, 2, 10, 11

□ Luka 22:1-6

□ gt 112, pala. 2-4

 NISANI 13 amata i le goto o le lā

2011 Aso Sa Aperila 17

▪ Sauni e Peteru ma Ioane le Paseka

▪ Mulimuli ane taunuu Iesu ma isi aposetolo e toʻasefulu i le afiafi Ioane

□ Mataio 26:17-19

□ Mareko 14:12-16

□ Luka 22:7-13

□ gt 112, pala. 5- 113,pala. 1

NISANI 14 amata i le goto o le lā

▪ Faamanatu le Paseka

▪ Mulumulu vae o le ʻauaposetolo

▪ Fetalai atu e alu ese Iuta

▪ Faatulaga le Faamanatuina o lona maliu

□ Mataio 26:20-35

□ Mareko 14:17-31

□ Luka 22:14-38

□ Ioane 13:1–17:26

□ gt 113, par. 2-le faaiʻuga o le 116

vaeluapō

2011 Aso Gafua Aperila 18

▪ Faalataina ma puʻea i le faatoʻaga i Ketesemane

▪ Sosola le ʻauaposetolo

▪ Faamasino e le ʻaufaamasino

▪ Faafitia e Peteru Iesu

□ Mataio 26:36-75

□ Mareko 14:32-72

□ Luka 22:39-62

□ Ioane 18:1-27

□ gt 117–le faaiʻuga o le 120

▪ Toe tulaʻi i luma o le ʻaufaamasino

▪ Avatu iā Pilato, sosoo ai Herota, toe foʻi atu iā Pilato

▪ Faasala i le oti ma tutuʻi i luga o le laau

▪ Maliu i le tusa o le 3 i le aoauli

▪ Aveese lona tino

□ Mataio 27:1-61

□ Mareko 15:1-47

□ Luka 22:63–23:56

□ Ioane 18:28-19:42

□ gt 121–127, pala. 7 ma tanu

NISANI 15 amata i le goto o le lā

▪ Sapati

2011 Aso Lua Aperila 19

▪ Ioe Pilato ia leoleoina le tuugamau o Iesu

□ Mataio 27:62-66

□ gt 127, pala. 8-9

NISANI 16 amata i le goto o le lā

□ Mareko 16:1

2011 Aso Lulu Aperila 20

▪ Toe faatūina

▪ Faaali atu i le ʻausoo

□ Mataio 28:1-15

□ Mareko 16:2-8

□ Luka 24:1-49

□ Ioane 20:1-25

□ gt 127, pala. 10–129, pala. 10

[Faamatalaga pito i lalo]