Xana U Ri Lunghekerile Siku Ra Nkoka Swinene eLembeni?

LOKO ka ha sale tiawara ti nga ri tingani leswaku a fa, Yesu u simeke ndlela yo hlawuleka yo tlangela rifu rakwe. Ku tlangela loku ku tiveke tanihi “xilalelo xa Hosi.” (1 Vakorinto 11:20) Leswaku a kombisa nkoka wa xiendlakalo lexi, Yesu u lerise a ku: “Endlani leswi leswaku mi ndzi tsundzuka.” (Luka 22:19, The Bible in Basic English) Xana u tiyimiserile ku yingisa Yesu? Loko swi ri tano, u ta ri teka ri ri ra nkoka siku leri Yesu a feke ha rona.

Kambe, xana xi fanele xi tlangeriwa rini xiendlakalo lexi? U nga tiyiseka njhani leswaku u xi teka xi ri xa nkoka? Leswi i swivutiso leswi Mukreste ha un’we a faneleke a swi kambisisa hi vukheta.

Xana Xi Fanele Xi Tlangeriwa Kangani Hi Lembe?

Hakanyingi lembe ni lembe hi tsundzuka swiendlakalo swa nkoka. Hi xikombiso, hambileswi swiendlakalo leswi veke kona hi September 11, 2001 swi tshamaka swi ri emiehleketweni ya vanhu lava tshamaka eDorobeni ra New York lava lahlekeriweke hi varhandziwa va vona loko ku hlaseriwa muako wa World Trade Center, loko siku rero ri fika lembe rin’wana ni rin’wana ri va tsundzuxa leswi endlekeke.

Hilaha ku fanaka, eminkarhini ya Bibele swiendlakalo swa nkoka a swi tlangeriwa lembe ni lembe. (Estere 9:21, 27) Yehovha u lerise Vaisrayele leswaku lembe ni lembe va tlangela ku ntshunxiwa ka vona hi singita evuhlongeni aEgipta. Bibele yi vula leswaku nkhuvo wolowo a wu vitaniwa Paseka naswona Vaisrayele a va va na wona kan’we hi lembe hi siku leri va kutsuriweke ha rona.—Eksoda 12:24-27.

Yesu a a ha ku heta ku tlangela Paseka ni vaapostola vakwe loko a vulavula hi swakudya swo hlawuleka leswi a swi ta tirhisiwa loko ku tsundzukiwa rifu rakwe. (Luka 22:7-20) Paseka a yi tlangeriwa lembe ni lembe. Hikwalaho, hi nga gimeta hi ku vula leswaku nkhuvo lowu, lowu siveke Paseka wu fanele wu va kan’we hi lembe. Kambe hi siku rihi?

Ri Fanele Ri Tsundzukiwa Rini Siku Leri?

Leswaku hi hlamula xivutiso lexi, hi fanele hi twisisa swilo swimbirhi. Xo sungula, eminkarhini ya Bibele siku lerintshwa a ri sungula nimadyambu loko dyambu ri pela kutani ri hela hi siku leri landzelaka nimadyambu. Kutani siku a ri sungula nimadyambu ku ya fika nimadyambu.—Levhitika 23:32.

Xa vumbirhi, Bibele a yi tirhisi yona khalendara leyi hi yi tirhisaka namuntlha. Ematshan’weni yo tirhisa tin’hweti leti vuriwaka March na April, Bibele yi tirhisa tin’hweti leti vuriwaka Adhara na  Nisani. (Estere 3:7) Vayuda a va hlayela tin’hweti ta vona ku suka eku thwaseni ka n’weti ku ya eku thwaseni ka n’weti. A va tlangela Paseka hi siku ra vu-14 ra n’hweti yo sungula ya khalendara ya vona, ku nga Nisani. (Levhitika 23:5; Tinhlayo 28:16) Siku rero ra Nisani 14 i siku leri Varhoma va beleleke Hosi ya hina Yesu Kreste. U fe endzhaku ka malembe ya 1 545 Paseka yo sungula yi tlangeriwile. Kutani leswi swi endle leswaku siku ra Nisani 14 ri va ra nkoka!

Kambe hi rihi siku leri fanaka ni ra Nisani 14 eka khalendara ya hina namuntlha? Tinhlayo ti hi pfuna leswaku hi kuma siku leri faneleke. Nisani 1 yi sungula loko ku thwasa ka n’weti ku ri ekusuhi ni ximun’wana lexi eka xona ku nga ni masiku mambirhi lawa vusiku ni nhlikanhi swi ringanaka [spring equinox] (ku nga ku sungula ka ximun’wana eXiphen’wini xa le N’walungwini wa Ekhweyita), naswona n’weti wu sungula ku humelela loko dyambu ri pela eYerusalema. Loko hi hlayela masiku ya 14 ku sukela eka xiendlakalo xexo, hi kuma siku ra Nisani 14. Hi siku leri, n’weti wu va wu hume hinkwawo. Tinhlayo leti ta le Bibeleni ti kombisa leswaku lembe leri, Nisani 14 yi sungula loko dyambu ri pela hi Sonto, April 17, 2011. *

Lembe leri Timbhoni ta Yehovha ti tilunghiselela ku hlengeletana ni hinkwavo lava tsakelaka ku tsundzuka rifu ra Yesu. Kutani ta ku rhamba leswaku u va kona. Hi kombela u tihlanganisa ni Timbhoni ta Yehovha ta le ndhawini ya ka n’wina leswaku ti ku byela nkarhi ni ndhawu leyi ti nga ta hlangana eka yona. Xiendlakalo lexi a ti nge xi tlangeli nimixo kumbe ninhlikanhi, kambe ti ta xi tlangela endzhaku ka ku pela ka dyambu. Ha yini? Hikuva Bibele yi vula leswaku i “xilalelo.” (1 Vakorinto 11:25) Madyambu ya Sonto, April 17, 2011 i siku leri Yesu a sunguleke ndlela yo hlawuleka yo tsundzuka rifu rakwe emalembeni ya 1 978 lama hundzeke. Hi hala tlhelo, i siku ra Nisani 14 leri Yesu a feke ha rona. Hakunene a ku na siku rin’wana leri nga tirhisiwaka ku tsundzuka rifu rakwe.

Ndlela Yo Tilunghiselela

I yini leswi u nga swi endlaka sweswi leswaku u tilunghiselela xiendlakalo lexi, lexi endliwaka kan’we hi lembe? Ndlela yin’wana i ku anakanyisisa hileswi Yesu a hi endleleke swona. Buku leyi nge Xana Bibele Yi Dyondzisa Yini Hakunene? * yi pfune vanhu va timiliyoni leswaku va ya va wu tlangela swinene nkoka wa rifu ra Yesu.—Matewu 20:28.

Ndlela yin’wana yo lunghiselela timbilu ta hina eka xiendlakalo lexi xo hlawuleka i ku hlaya hi swiendlakalo leswi vulavulaka hi vutomi bya Yesu byo hetelela bya laha misaveni. Eka matluka lama landzelaka u ta kuma chati leyi nga ta ku pfuna emhakeni leyi. Eka kholomu yo sungula, u ta vona masiku lama fambisanaka ni khalendara ya hina ni lawa a ma tirhisiwa eminkarhini ya ku tsariwa ka Bibele. Kholomu ya vumbirhi yi swi hlamusela hi ku komisa swiendlakalo leswi veke kona emahlweni ka rifu ra Yesu. Kasi kholomu ya vunharhu yi kombisa laha hi nga hlayaka kona hi swiendlakalo leswi etibukwini ta Tievhangeli ni le ka buku leyi nge Nghwazi Leyi Tshameke Yi Hanya. * Ha yini u nga tinyiki nkarhi wo hlaya tindzimana tin’wana ta Matsalwa leti vulavulaka hi swiendlakalo leswi veke kona loko siku ra Xilalelo xa Hosi ri nga si fika? Swi ta ku pfuna leswaku u lunghekela siku leri ra nkoka swinene lembe leri.

[Tinhlamuselo ta le hansi]

[Marito lama tshahiweke exihlokweni lama nga eka tluka 22]

Rifu ra Yesu ri ta tsundzukiwa hi Sonto, April 17, 2011

 Chati/Swifaniso leswi nga eka matluka 23, 24]

(Leswaku u vona rungula leri hleriweke hi ku helela, vona nkandziyiso wa kona)

VHIKI RO HETELELA

2011 Ravumbirhi, April 12 ▪ Savata Matewu

2012 ․․․․․ Marka

2013 ․․․․․ Luka

□ Yohane 11:55–12:1

□ gt 101, tindz. 2-4 *

2012

2013

NISANI 9 (yi sungula loko dyambu ri pela)

Eminkarhini ya Bibele ▪ Nkhuvo endlwini ya □ Matewu 26:6-13

siku lerintshwa a ri Simoni lowa nhlokonho

sungula nimadyambu loko ▪ Mariya u titota □ Marka 14:3-9

dyambu ri pela mafurha ya narda

kutani ri hela hi siku leri landzelaka nimadyambu ▪ Vayuda va endzela Luka

Yesu na Lazaro □ Yohane 12:2-11

□ gt 101, tindz. 5-9

2011 Ravunharhu, April 13 ▪ Ku yimbiwa □ Matewu 21:1-11, 14-17

2012 ․․․․․ tinanga eYerusalema

2013 ․․․․․ ▪ A dyondzisa etempeleni □ Marka 11:1-11

□ Luka 19:29-44

□ Yohane 12:12-19

□ gt 102

NISANI 10 (yi sungula loko dyambu ri pela)

▪ A heta vusiku

eBetaniya

2011 Ravumune, April 14 ▪ A ya eYerusalema □ Matewu 21:12, 13,

2012 ․․․․․ ro sungula 18, 19

2013 ․․․․․ ▪ A basisa tempele □ Marka 11:12-19

▪ Yehovha a vulavula □ Luka 19:45-48

a ri etilweni □ Yohane 12:20-50

□ gt 103, 104

NISANI 11 (yi sungula loko dyambu ri pela)

2011 Ravuntlhanu, April 15 ▪ A dyondzisa □ Matewu 21:19–25:46

2012 ․․․․․ etempeleni hi ku

2013 ․․․․․ tirhisa swifaniso

▪ A sola □ Marka 11:20–13:37

Vafarisi

▪ A vona munyikelo □ Luka 20:1–21:38

wa noni

▪ A profeta hi ta Yohane

ku lovisiwa ka Yerusalema

▪ A nyikela swikombiso □ gt 105 ku ya eka 112, ndz. 1

swa nkarhi lowu taka

NISANI 12 (yi sungula loko dyambu ri pela)

2011 Mugqivela, April 16 ▪ Siku leri vadyondzisiwa □ Matewu 26:1-5, 14-16

2012 ․․․․․ vakwe va veke ni

2013 ․․․․․ gome eBetaniya

▪ Yudasi a hlela □ Marka 14:1, 2, 10, 11

ku xenga Yesu

□ Luka 22:1-6

Yohane

□ gt 112, tindz. 2-4

 NISANI 13 (yi sungula loko dyambu ri pela)

2011 Sonto, April 17 ▪ Petro na Yohane □ Matewu 26:17-19

2012 ․․․․․ va ye eku

2013 ․․․․․ lunghiseleleni ka Paseka

▪ Endzhaku ka nkarhinyana, □ Marka 14:12-16

Yesu ni vaapostola □ Luka 22:7-13

avan’wana va khume Yohane

va va landzerile □ gt 112, ndz. 5 ku ya eka 113,

ndz. 1

NISANI 14 (yi sungula loko dyambu ri pela)

▪ A tlangela □ Matewu 26:20-35

Paseka

▪ A hlambisa vaapostola □ Marka 14:17-31

vakwe milenge

▪ A hlongola Yudasi □ Luka 22:14-38

▪ A simeka Xitsundzuxo □ Yohane 13:1–17:26

xa rifu rakwe □ gt 113, ndz. 2 ku ya emakumu ka 116

exikarhi ka vusiku ▪ A xengiwa kutani □ Matewu 26:36-75

2011 Musumbhunuku, April 18 a khomiwa entangeni

2012 ․․․․․ wa Getsemani

2013 ․․․․․ ▪ Vaapostola va baleka □ Marka 14:32-72

▪ A tengisiwa hi □ Luka 22:39-62

Sanedri

▪ Petro a landzula □ Yohane 18:1-27

Yesu □ gt 117 ku ya emakumu ka 120

▪ A tlhela a yima □ Matewu 27:1-61

emahlweni ka Sanedri

▪ A yisiwa eka Pilato, □ Marka 15:1-47

eka Heroda, a tlhela

a yisiwa eka Pilato

▪ A gweveriwa □ Luka 22:63–23:56

rifu kutani a beleriwa

▪ A fa kwalomu ka □ Yohane 18:28-40

awara ya nharhu

nindzhenga

▪ Ntsumbu wakwe wu □ gt 121 ku ya eka 127, ndz. 7

susiwa kutani wu ya lahliwa

NISANI 15 (yi sungula loko dyambu ri pela)

▪ Savata

2011 Ravumbirhi, April 19 ▪ Pilato a pfumela □ Matewu 27:62-66

2012 ․․․․․ leswaku ku va ni Marka

2013 ․․․․․ varindzi esirheni ra Yesu Luka

Yohane

□ gt 127, tindz. 8-9

NISANI 16 (yi sungula loko dyambu ri pela)

2011 Ravunharhu, April 20 ▪ A pfuxiwa □ Matewu 28:1-15

2012 ․․․․․ ▪ A humelela eka □ Marka 16:1-8

2013 ․․․․․ vadyondzisiwa vakwe □ Luka 24:1-49

□ Yohane 20:1-25

□ gt 127, ndz. 10 ku ya eka 129, ndz. 10

[Nhlamuselo ya le hansi]