Laytta Giddon Keehi Dumma Gidida Gallassau Giigettidetii?

YESUUSI hayqqanaappe guuttaa kasetidi, ba hayquwaa hassayanau dumma ogiyan bonchiyo baalaa giigissiis. He baalay guyyeppe “Godaa kahuwaa” geetettiis. (1 Qor. 11:20) Hegee keehippe koshshiyoogaa qonccissanau Yesuusi, “Hagan tana hassayite” yaagidi azaziis. (Luq. 22:19) Intte Yesuusau azazettanau koyeetii? Intte koyiyaaba gidikko, Yesuusa hayquwaa hassayiyo baalaa laytta giddon keehi dumma gallassadan xeelleeta.

SHin intte hegaa ay gallassi bonchana koshshii? Intte he gita baalay woygiyoogaakko akeekanau loyttidi giigettidaakkonne waatidi shaakkidi erana danddayeetii? Hageeti ubba Kiristtaaneti akeekan qoppana koshshiyo oyshata.

Aapputoo?

Nuuni darotoo, keehi koshshiyaabaara gayttidabaa layttan layttan bonchoos. Leemisuwau, Masqqala 11, 2001n: Alamiyaa Zalˈˈiyau Waanna Sohuwan gakkida azzanttiyaabay siiqiyoogeeti banttappe hayquwan shaahettido, Amarkkan Niyoorkke Kataman deˈiyaageeti ubbatoo hassayiyooba; qassi layttan layttan he gallassaa eti dumma ogiyan xeelloosona.

Beni wodekka hegaadan xoqqu oottidi xeelliyo hanotati layttan layttan bonchettoosona. (Ast. 9:21, 27) Yihooway Israaˈeeleti maalaalissiya ogiyan Gibxxe aylletettaappe kiyidoogaa layttan layttan bonchanaadan azaziis. Geeshsha Maxaafan he baalay Paasikaa Baalaa geetettiis; qassi Israaˈeeleti Xoossay eta ashshido gallassan layttan layttan issitoo he baalaa bonchoosona.—Kes. 12:24-27; 13:10.

Yesuusi ba hayquwaa hassayanau leemiso gidanaadan dumma kahuwaa giigissido wode, ba kiittidoogeetuura Paasikaa Baalaa bonchiyoogaa biron wurssi simmees. (Luq. 22:7-20) Paasikaa Baalay layttan layttan bonchettees. Hegaa gishshau, Paasikaa Baalaa sohuwan essido ooratta baalaykka layttan issitoo bonchettana koshshees giidi kuuyana danddayoos. SHin ay gallassi bonchettana koshshii?

Ay Gallassi?

Nuuni he oyshaa zaaranau naaˈˈubaa akeekana koshshees. Koyruwan, beni wode ooratta gallassay away wulliyoode doommidi, wonttetta galla away wulliyoode wurees. Yaatiyo gishshau, omarssaappe doommidi kaalliya omarssi gakkanaassi deˈiya wodee issi gallassa.—Wog. 23:32.

Naaˈˈanttuwan, Geeshsha Maxaafan deˈiya  wodiyaa qooday ha wodiyan nuuni goˈettiyoogaara issi mala gidenna. Laappuniyaanne Hosppuniyaa giyoogaa mala agina sunttata gidennan, Adaarenne Niisaana giyoogeetu mala sunttati Geeshsha Maxaafan deˈoosona. (Ast. 3:7) Ayhudati aginaa qoodiyoy xeeruwaappe xeeruwaa gakkanaashiina. Eti bantta qoodan koyro agina gidida Niisaana 14tta gallassan, Paasikaa Baalaa bonchoosona. (Wog. 23:5; Qoo. 28:16) Roomati he gallassan, Niisaana 14n nu Godaa Yesuus Kiristtoosa kaqqidosona. I hayqqidoy koyro Paasikaa Baalay bonchettoosappe 1,545 layttay aadhi simmiina. Niisaana 14y ayba dumma gallassee!

SHin nu wodiyaa qoodan Niisaana 14y ay gallassan peˈii? Metootennan he gallassaa qoodidi gakkanau maaddiyaabay dees. Niisaana aginay doommiyoy, Yerusalaamen laappuniyaa aginay xeeriyoogee away wullin beettiyo wodiyaana. He wodiyaappe 14 gallassa qoodiyaaba gidikko, Niisaana 14 gidees. Darotoo aginay he gallassan goobanees. Geeshsha Maxaafan qonccida wodiyaa qoodaa goˈettiyoogan, ha laytti Niisaana 14y Woggaa gallassi, Hosppune 17, 2011n away wulliyoode doommiyoogaa akeekoos. *

Hegaa gishshau, Yihoowa Markkati Yesuusa hayquwaa hassayanau koyiya ubbatuura ha laytti issippe shiiqanau giigettiiddi deˈoosona. Banttanaara issippe shiiqanaadan bonchuwan inttena shoobboosona. He baalay bonchettiyo saatiyaanne sohuwaa eranau intte heeran deˈiya Yihoowa Markkatuura hayyanintta gayttite. Eti he baalaa bonchiyoy maallado woy gallassi gidennan, omarssi away wulli simmiina. Aybissi giikko, Geeshsha Maxaafay yootiyoogaadan, hegee ‘kaho’ gidiyo gishshataassa. (1 Qor. 11:25) Hosppune 17, 2011n Woggaa galla omarssi bonchiyo baalay Yesuusi 1,978 layttappe kase doommido ha dumma baalaa. He omarssay Yesuusi hayqqido gallassay, giishin Niisaana 14y doommiyo wode. A hayquwaa hassayanau hegaappe loˈˈo gallassi aybi dii?

Ayba Ogiyan Giigettanee?

Layttan issitoo bonchiyo ha baalau giigettanau ay oottana danddayeetii? Issi ogee Yesuusi nuussi oottidoban wotti denttidi qoppiyoogaa. Tumuppe Geeshsha Maxaafay Tamaarissiyoy Aybee? * giya maxaafay, miilooniyan qoodettiya asay Yesuusa hayqoy banttana goˈˈido ogiyaa loytti nashshanaadan maaddiis.—Maa. 20:28.

Ha dumma gallassau nu wozanaa giigissiyo hara ogee Yesuusi hayqqiyo wode heeran a deˈuwan hanettidabaa nabbabiyoogaa. Kaalliya sinttatun sanxxarazhee deˈees. Yesuusi hayqqanaappe kase polettidabaynne hegaa qonccissiya xiqisee ushacha bagaara deˈees. Saˈan Deˈida Asa Ubbaappe Aadhiya Gita Asa * giya maxaafan polettidabaa qonccissiya shemppoti he sanxxarazhiyan deˈoosona.

He hanotati polettido gallassay ha laytti ay gallassi peˈiyaakko haddirssa baggara qoncciis. Godaa Kahoy matattido wode galla galla polettidabaa yootiya xiqiseta wodiyaa immidi ayssi nabbabekketii? Hegee intte layttaa giddon keehi dumma gidida gallassau giigettanaadan maaddees.

[Tohossa qofata]

[Sinttaa 30n deʼiyaagaa]

Yesuusa Hayquwaa Hassayite Woggaa Gallassi, Hosppune 17,2011

 [Sinttaa 31n deʼiya misiliyaa]

(Kumetta qofaa demmanau maxeetiyaa xeella)

WURSSETTA SAAMINTTAA

2011 Masq. Hosppune 12 ▪ Sambbataa Maatiyoosa

2012 ․․․․․ Marqqoosa

2013 ․․․․․ Luqaasa

□ Yohaannisa 11:55–12:1

□ gt101, mentto 2-4 *

NIISAANA 9 (away wulliyoode doommees)

Beni wode ooratta ▪ Inchirichaa harggiya □ Maatiyoosa 26:6-13

gallassay away Simoona son shoobettiis

wulliyoode doommidi, ▪ Mayraama □ Marqqoosa 14:3-9

wonttetta galla away shittuwaa tiyaasu

wulliyo wode wurees ▪ Ayhudati Yesuusakkonne Luqaasa

Alˈˈazarakko □ Yohaannisa 12:2-11

yiidosona □ gt 101, mentto 5-9

2011 Oor. Hosppune 13 ▪ Bonchuwan □ Maatiyoosa 21:1-11, 14-17

2012 ․․․․․ Yerusalaame geliis

2013 ․․․․․ ▪ Beeta Maqidasiyan tamaarissiis □ Marqqoosa 11:1-11

□ Luqaasa 19:29-44

□ Yohaannisa 12:12-19

□ gt 102

NIISAANA 10 (away wulliyoode doommees)

▪ Biitaaniyan aqiis

2011 Ham. Hosppune 14 ▪ Yerusalaame □ Maatiyoosa 21:12, 13,

2012 ․․․․․ koyro biis 18, 19

2013 ․․․․․ ▪ Beeta maqidasiyaa geeshshiis □ Marqqoosa 11:12-19

▪ Yihooway saluwaappe □ Luqaasa 19:45-48

a haasayissiis □ Yohaannisa 12:20-50

□ gt 103, 104

NIISAANA 11 (away wulliyoode doommees)

2011 Arb. Hosppune 15 ▪ Beeta maqidasiyan □ Maa. 21:19–25:46

2012 ․․․․․ leemisuwan

2013 ․․․․․ tamaarissiis

▪ Parisaawetussi pirdday □ Mar. 11:20–13:37

bessiyoogaa yootiis

▪ Amˈˈe maccaasiyaa □ Luq. 20:1–21:38

immidobaa akeekiis

▪ Yerusalaame Yohaannisa

kunddanaagaa yootiisl

▪ I qoncciyo wode polettana □ gt 105ppe 112, mentto. 1

malaataa yootiis

NIISAANA 12 (away wulliyoode doommees)

2011 Qeer. Hosppune 16 ▪ Biitaaniyan □ Maatiyoosa 26:1-5, 14-16

2012 ․․․․․ woppu giidi

2013 ․․․․․ peˈiis

▪ Yihuday a aattidi □ Mar. 14:1, 2, 10, 11

immanau maqettiis

□ Luqaasa 22:1-6

Yohaannisa

□ gt 112, mentto. 2-4

 NIISAANA 13 (away wulliyoode doommees)

2011 Wog. Hosppune 17 ▪ PHeexiroosinne □ Maatiyoosa 26:17-19

2012 ․․․․․ Yohaannisi Paasikau

2013 ․․․․․ qumaa giigissidosona

▪ Yesuusinne □ Marqqoosa 14:12-16

kiitettidaageetuppe □ Luqaasa 22:7-13

tammati omarssi Yohaannisa

yaa biidosona □ gt 112, mentto. 5ppe 113,

mentto. 1

NIISAANA 14 (away wulliyoode doommees)

▪ Paasikaa □ Maatiyoosa 26:20-35

Baalaa bonchiis

▪ Kiitettidaageetu □ Marqqoosa 14:17-31

tohuwaa meecciis

▪ Yihudaa kessi yeddiis □ Luqaasa 22:14-38

▪ Ba hayquwaa □ Yohaannisa 13:1–17:26

Hassayiyo Baalaa essiis □ gt 113, mentto 2ppe

116 wurssettaa

bilahe ▪ Geetesemaanen □ Maatiyoosa 26:36-75

2011 Say. Hosppune 18 Yihuday aattidi immin

2012 ․․․․․ a oyqqidosona

2013 ․․․․․ ▪ Kiitettidaageeti baqatidosona □ Marqqoosa 14:32-72

▪ Sanihediriine yaaˈay □ Luqaasa 22:39-62

qoridi a oychiis

▪ PHeexiroosi □ Yohaannisa 18:1-27

Yesuusa kaddiis □ gt 117ppe

120 wurssettaa gakkanau

▪ Zaarettidi Sanihediriine □ Maatiyoosa 27:1-61

yaaˈaa sinttan eqqiis

▪ PHilaaxoosakko, □ Marqqoosa 15:1-47

Heeroodisakko,

PHilaaxoosakko efiidosona

▪ Hayqqanaadan □ Luqaasa 22:63–23:56

pirddettiis; qassi kaqettiis

▪ Gallassi □ Yohaannisa 18:28-40

uddufun saate

heeran hayqqiis

▪ Ahaa wottidi □ gt 121 to 127, mentto. 7

moogidosona

NIISAANA 15 (away wulliyoode doommees)

▪ Sambbataa

2011 Masq. Hosppune 19 ▪ Yesuusi moogettido □ Maatiyoosa 27:62-66

2012 ․․․․․ sohoy naagettanaadan Marqqoosa

2013 ․․․․․ PHilaaxoosi paqqadiis Luqaasa

Yohaannisa

□ gt 127, mentto 8-9

NIISAANA 16 (away wulliyoode doommees)

2011 Oru. Hosppune 20 ▪ Hayquwaappe denddiis □ Maatiyoosa 28:1-15

2012 ․․․․․ ▪ Erissiyo ashkkaratuyyo □ Marqqoosa 16:1-8

2013 ․․․․․ qoncciis □ Luqaasa 24:1-49

□ Yohaannisa 20:1-25

□ gt 127, mentto 10ppe

129, mentto 10

[Tohossa qofata]