JIISUSI KRISTUSI * ukiumi 33-mi uper­naak­kut Jerusalemimut tikium­mat sooq taama uiver­toqar­tigaa? Inup­pas­suit il­loqarfim­mi tamatumaniit­tut Jiisusi taas­sumalu suliai im­mik­korluin­naq it­tut tusarsimavaat. Al­lanut taan­na oqalut­tuariuar­paat. (Johan­nesi 12:17-19) Inup­pas­suil­li ilisiman­ngilaat angut silarsuarmut tamarmut sun­niuteqar­tus­saq ukiunilu hundredelin­ni, aap naler­put tikivil­lugu, pingaaruteqar­tus­saq akun­nermin­niit­toq!

Jiisusip inuiaat oqalut­tuarisaaneran­ni as­sut sun­niuteqarfigisaasa ilaat aajuku:

• Qaam­matisiutit silarsuarmi sumiif­fip­pas­suar­ni ator­neqar­tut ukiumik Jiisusimut inun­ngorfigisorineqar­tumik tun­ngaveqar­put.

• Inuit 2 mil­liardit mis­saat — silarsuarmi inuit pingasorar­terutaasa mis­saat — kristumiuunerar­put.

• Islam­misior­tut, mil­liardinit amerlanerusuusut, isumaqar­put Jiisusi pruf­fiitiusoq “Aaperaamit, Noamit Mosesimil­lu” an­nerusoq.

• Jiisusip isumatusaar­tumik oqaasiisa ilar­pas­sui ul­luin­nar­ni as­sigiin­ngitsutigut ator­neqar­talersimap­put. Ilaat aajuku:

  “Angernersi imaassaaq: Aap, naaggaarnersilu: Naagga.” — MAT­THÆUSI 5:37.

  ‘Ulussavit illua maniuk.’ — MAT­THÆUSI 5:39.

  “Naalakkanut marlunnut kiffartorsinnaasoqanngilaq.” — MAT­THÆUSI 6:24.

  “Kasuttoritsi, mappiunneqassaasi taava.” — MAT­THÆUSI 7:7.

  “Inunnut qanorluunniit iliorfigeqqugussi ilississaaq taamatut iliorfigisigit.” — MAT­THÆUSI 7:12.

Jiisusip sun­niuteqarsimanera erseq­qip­poq. Taan­nali pil­lugu isum­mat as­sigiin­ngeqaat. Taamaat­tumik im­maqa ima eq­qarsar­putit: ‘Jiisusi Kristusi kinar­piaagami?’ Biibilimiin­naq oqalut­tuarineqar­poq Jiisusi sumin­ngaan­neer­nersoq, suna ulap­putigineraa aam­ma sooq toqunersoq. Taak­kua akis­sutaan­nik ilumoor­tunik ilisiman­nin­nerit inuunin­nut — maan­nak­kut siunis­samilu — sun­niuteqangaarsin­naavoq.