AL­LAS­SIMAF­FIM­MI Jiisusip oqaasiinit erser­poq inuunermini sumik pingaar­ner­paatitsisimanersoq. Sooruna taama oqar­toq? Jiisusi ajoqersugaalu ul­laap tungaa tamaat Samariap nunataagut qat­tuner­tuuk­kut ingerlaarsimap­put. (Johan­nesi 4:6) Ajoqersuk­kat Jiisusi kaalersimasoralugu nerisas­sanik neqeroorfigaat. (Johan­nesi 4:31-33) Pisimasumiuna tamatumani Jiisusip oqaatigigaa inuunermini suna anguniagarinerlugu. Jiisusimut Guutip peq­qusaanik naam­mas­sin­nin­neq nerinermit pingaar­neruvoq. Jiisusi oqaatsimigut iliuutsimigul­lu Guutip im­minut tun­ngatil­lugu piumasaatut ilior­tar­poq. Susarami?

Jiisusip inuunermini pingaar­ner­paatitai Biibilimi ima al­laatigineqar­put: “Jiisusip Galilæa tamaat angalaarfigaa . . . ajoqersuisarluni, Naalagaaf­fim­mik iivangkiiliu oqaluus­sis­sutigisarlugu.” (Mat­thæusi 4:23) Jiisusi Guutip naalagaaf­fia pil­lugu oqaluus­siin­nan­ngilaq, imaluun­niit paasititsiniaagin­nan­ngilaq. Aam­ma inun­nik ilin­niar­titsisar­poq — ilitsersuisar­poq nas­suiaas­sisarlunilu tun­ngavilersuutil­lu pitsaasut atorlugit qularun­naarsitsisarluni. Guutil­li naalagaaf­fia Jiisusip tusarlius­saani pingaar­ner­paavoq.

Nunarsuarmi kif­far­tor­nermini tusar­naar­tuni ilin­niar­tit­tar­pai Guutip naalagaaf­fiata suuneranik sunil­lu naam­mas­sisaqarumaar­neranik. Guutip naalagaaf­fia pil­lugu paasis­sutis­sat uku Biibilimilu al­las­simaf­fiit in­nersuus­sutigineqar­tut Jiisusip taman­na pil­lugu oqaasiinik ilal­lit maluginiariak­kit:

• Guutip naalagaaf­fia naalagaaf­fiuvoq qilam­miit­toq, Jiisusilu taan­naavoq Jehovap tas­sani kun­ngin­ngor­titaa. — MAT­THÆUSI 4:17; JOHAN­NESI 18:36.

• Guutip naalagaaf­fia Guutip aq­qanik il­ler­narsisitsis­saaq piumasaatalu qilam­misut nunamis­saaq pinis­saa isumagis­sal­lugu. — MAT­THÆUSI 6:9, 10.

• Jiisusip pinerlut­toq ima oqarfigaa: “Paratiisimeeqatigiumaar­parma.” Guutip naalagaaf­fiata aqutsinerani nunarsuaq tamarmi paratiisin­ngor­tin­neqas­saaq. — LUKASI 23:42, 43, NV.

• Guutip naalagaaf­fia qanit­tuk­kut tikiutis­saaq Guutil­lu piumasaa nunarsuarmi naam­mas­sis­sal­lugu. * — MAT­THÆUSI 24:3, 7-12.

Jiisusi ‘Ajoqersuisutut’ ilisimaneqar­neruvoq. (Johan­nesi 13:13) Ukiunili pingasuni af­farmilu kif­far­tor­nermini tupin­nar­tuliar­pas­suaqar­poq. Tupin­nar­tulior­tar­neranut siuner­taasut min­ner­paamik marluup­put. Siul­lermik, tupin­nar­tulior­tar­nera Guutimit aal­lar­titaaneranut up­per­narsaataavoq. (Mat­thæusi 11:2-6) Aap­pas­saanik, qilanaar­tuutaavoq siunis­sami Guutip naalagaaf­fiani kun­ngiul­luni suli an­nerusumik iliuuseriumaagaanut. Tupin­nar­tuliaasa ilaat sam­meriar­tigik.

• Mal­lit anorersuil­lu qatsor­tip­pai. — MARKUSI 4:39-41.

• Nap­parsimasut, ilaatigut tap­piitsut, tusilar­tut nukil­laarsimasul­lu, ajorun­naarsip­pai. — LUKASI 7:21, 22.

• Inup­pas­suar­nik tupin­nar­tulior­nik­kut nerisitsivoq. — MAT­THÆUSI 14:17-21; 15:34-38.

• Min­ner­paamik pingasoriarluni toqusunit makititsivoq. — LUKASI 7:11-15; 8:41-55; JOHAN­NESI 11:38-44.

 Takorlooriaruk kun­ngip pis­saaneqangaar­tup taas­suma naalak­kersuinerani nunarsuarmi inuuneq qanoq is­sanersoq!

Jehova pil­lugu al­lanik ilin­niar­titsinis­samut taas­suma nam­mineq er­neranit, Jiisusitut Kristusitut ilisimaneqalersumit, piuk­kun­nar­nerusoqan­ngilaq. Jiisusip ‘pin­ngor­titani tamani er­niusut siul­lersaat­tut’ Jehova qilam­meeqatigisimavaa anersaanit al­lanit tamanit sivisunerusumik. (Kolos­semiut 1:15) Eq­qarsaatigeriaruk Ataatami piumasaa najoq­qutas­siaalu pil­lugit ilin­niar­nis­samut aam­ma eq­qarsar­taasianik periaasiinil­lu pigilius­sinis­samut qanoq periarfis­saqarluar­tigisimasoq.

Jiisusi pis­sutis­saqarluar­poq ima oqas­sal­luni: “[Ataatap] kisimi nalun­ngilaa Er­neq kinaasoq. Ataataq kinaasoq Er­nerup Er­nerul­lu taas­sumin­nga saq­qum­miif­figiumasaata kisimik nalun­ngilaat.” (Lukasi 10:22) Jiisusip inut­tut nunarsuarmiik­kal­larami kajumil­luni — aap, pileril­luni — Ataatami qanoq it­tuunera al­lanut oqalut­tuarisar­paa. Jiisusi oqaaserisaminut as­seqan­ngitsumik tun­ngavis­saqarluar­tarsimavoq — anersaat silarsuaan­niin­nermini Guutil­lu qutsin­nerus­saar­tup eq­qaaniin­nermini paasisimasani atorluarsin­naasimavai. — Johan­nesi 8:28.

Jiisusip Ataatami qanoq it­tuunera ersersin­niarlugu iliuusia transformerip sulineranut as­sersuun­neqarsin­naavoq. Transformeri in­naal­lagis­samik sak­kor­tuumik sak­kukil­lisaasar­poq nalingin­naasumik atuisunit ator­neqarsin­naan­ngor­til­lugu. Taamatut­taaq Jiisusip nunarsuarmiik­kal­larami qilam­miitil­luni Ataatani pil­lugu ilik­karsimasani ingerlateq­qip­pai inun­nut paasiuminar­tun­ngorlugit atoriaan­nan­ngorlugil­lu.

Pingaar­tumik marlutsigut Jiisusi Ataatani pil­lugu ilumoor­tumik ersersitsivoq.

• Jiisusi ilin­niar­titsinermigut Jehovap aq­qa, siuner­tai aq­qutaalu pil­lugit ilumoor­tumik ‘ilisimalersitsivoq’. — JOHAN­NESI 3:16; 17:6, 26.

• Jiisusi iliuutsimigut Jehovap pis­susiinik nuan­nersor­pas­suar­nik ersersitsivoq. Jiisusi Ataatami kinaas­susianik ima ersersitsil­luar­tigaaq ima oqarsin­naal­lunilusooq: ‘Ataataga qanoq it­tuusoq paaserusuk­kus­siuk qiviaan­nas­savas­singa.’ — JOHAN­NESI 5:19; 14:9.

Aap, Jiisusip inooriaaserisimasaa nersor­tariaqar­par­put. Aam­ma taas­suma sooq toqusimaneranik misis­suiner­put paasisavul­lu naaper­torlugit inuuner­put iluaqutigis­saqaavut.