Bushe Muleibukisha?

Bushe mwali-ipakishe ukubelenga bamagazini ba Ulupungu lwa kwa Kalinda abafumine nomba line? Moneni nga kuti mwayasuka amepusho yakonkapo:

• “Fisuma” nshi ifileisa ukufuma mu nko shonse? (Hag. 2:7)

Ifi ifisuma, bantu abesa mu kupepa Yehova pa mulandu wa kumutemwa nangu ca kutila tabapwililika. (Amapi. 27:11) Aba bantu e “fisuma” ifiletela Lesa ubukata kabili alatasha pa fyo bamubombela no mweo onse na pa kucincila kwabo.—1/1, amabula 20-23.

• Cinshi calengele Daniele ukuba “uwatemwikwa nga nshi,” kuli Yehova? (Dan. 10:11, 19)

Daniele alibikile sana amano ku kubelenga Amalembo. (Dan. 9:2) Alepepa Sana. (Dan. 2:17, 18) Alefwaya sana ukucindika ishina lya kwa Lesa. (Dan. 2:20, 28; 9:19)—1/1, amabula 21-23.

• Bushe Abena Kristu Balabomfya Ishina lya kwa Lesa nge Cishimba ca Kubacingilila?

Abantu bamo bamona ifintu fimo nge fishimba fya kubacingilila, lelo abantu ba kwa Lesa tabamona ishina lyakwe nge cishimba ca kubacingilila. Balicetekela Yehova kabili balafwaya ukucita ukufwaya kwakwe. Ne ci cilenga baleuba mwi shina lyakwe. (Sefa. 3:12, 13)—1/15, amabula 5-6.

• Bushe abafyashi kuti ba-afwa shani abana babo ukuba ne mibele isuma?

Abafyashi balingile ukusambilisha bwino abana imibele isuma. Balingile ukubasambilisha fyonse pa lyashi lya bwamba. Kabili balingile ukwafwa abana ukwishiba ububi bwaba mu kukanaumfwila amafunde ya kwa Lesa.—4/1, amabula 19-20.

• Mulandu nshi Yehova akaanine Imfumu Shauli?

Shauli alingile ukulolela kasesema wa kwa Lesa ukwisapeela ilambo, lelo tacitile co. Alisuswa no kupeela ilambo umwine. Na pa numa, taumfwilile icipope bamupeele ica kuti onaule abalwani bonse.—2/15, amabula 22-23.

• Cinshi cingalanga ukuti twalipata ifyabipa?

Icingalanga ifyo kukananwesha ubwalwa, ukutaluka ku fya mipashi, no kumfwila ukusoka kwa kwa Yesu pa lwa bulalelale. Ku ca kumwenako, tatwakulatamba ifye shiku no kulafitontonkanyapo. (Mat. 5:27, 28) E lyo kabili tatwakula-ampana pamo na batamfiwa.—2/15, amabula 29-32.

• Fishinte nshi ifya mu Baibolo ifingatwafwa ukwishiba ifyo Yehova amona ifyangalo fya kushitikapo indalama?

Lesa amona ukuti ukusumina mwi shuko, kupepa utulubi. (Esa. 65:11) Yehova alisoka bakapepa bakwe ukukanaba no lunkumbwa. (Ukufu. 20:17; Rom. 7:7) Ababomfi ba kwa Lesa balingile ukubomba mu bufumacumi pa kuti bakwate indalama. (Efes. 4:28; 2 Tes. 3:10, 12) 3/1, amabula 12-14.

• Bushe Yeremia ali shani ngo muti “uwalimbwa pa menshi, uwalimba imishila”? (Yer. 17:7, 8)

Talekele ukutwala ifisabo, kabili talekele bakapumya ukumunenuna. Tabalile asha Lesa, Intulo ya menshi, kabili alekonka ifyo amwebele.—3/15, amabula 14.

• Finshi twingasambilila pali Yehova ku mashiwi Yobo alandile pali Yobo 14:13-15?

Yehova alatemwa sana abamucetekela kabili abafwaya ukuti alebafwa ukuba abantu abo atemwa. (Esa. 64:8)—3/1, ibula 22.

• Cinshi Amalembo yalandile ukuti kasesema Samwele ‘acitile ubulungami’? (Heb. 11:32, 33)

Samwele alengele abantu batendeke ukulacita ifintu ifyo Lesa alemona ukuti fisuma kabili fyalilungama. Alitwalilile ukubombela Lesa pantu alelolela pali Yehova, alebomba umulimo apeelwe mu cishinka te mulandu na mafya alekwata.—1/1, amabula 24-27.