Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ hihia tọn ya? Pọ́n eyin a sọgan na gblọndo na kanbiọ he bọdego helẹ:

• Be Klistiani nugbo lẹ nọ yí oyín Jiwheyẹwhe tọn zan taidi obó hihọ́-basinamẹ tọn de wẹ ya?

Mẹdelẹ nọ pọ́n onú kavi ohia de taidi obó hihọ́-basinamẹ tọn de he tindo huhlọn he hugan jọwamọ tọn nado basi-hihọ́na yé, ṣigba omẹ Jiwheyẹwhe tọn lẹ ma nọ pọ́n yinkọ etọn taidi obó hihọ́-basinamẹ tọn de gba. Yé nọ tindo yise to Jehovah mẹ, nọ dovivẹnu nado wà ojlo etọn bo nọ gbọnmọ dali dín fibẹtado to oyín etọn mẹ. (Zẹf. 3:12, 13)—15/1, weda 5-6.

• Naegbọn Jehovah gbẹ́ Ahọlu Sauli dai?

Sauli dona nọtepọn yẹwhegán Jiwheyẹwhe tọn nado wá basi avọ́sinsan de, ṣigba ahọlu lọ vẹtoli bo basi avọ́sinsan lọ na ede. To nukọn mẹ, e masọ setonu na gbedide lọ nado sukúndona mẹhe yin kẹntọ yetọn lẹ.—15/2, weda 22-23.

• Nawẹ mí sọgan dohia dọ mí gbẹwanna sẹ́nhẹngba gbọn?

Mí ma dona nọ ṣì ahàn sinsinyẹn zan, mí dona dapana afinyọnnuwiwa, bo setonuna avase Jesu tọn gando fẹnnuwiwa go. Di apajlẹ, mí na dapana yẹdide fẹnnuwiwa tọn pinpọn po linlẹn ovọ́ he e sọgan hẹn mí nado wleawuna lẹ po. (Mat. 5:27, 28) Mọdopolọ, mí ma na dogbẹ́ hẹ mẹhe yin didesẹ sọn agun mẹ lẹ.—15/2, weda 29-32.

• Nawẹ Jelemia tin di atin he yè “do to osin lẹ dali de, podọ ehe dlẹn adọ̀ etọn lẹ jẹgbonu” gbọn? (Jel. 17:7, 8)

E ma doalọte sọn sinsẹ́n didetọn mẹ; mọjanwẹ e ma dike gbede na mẹṣankotọ lẹ ni yinuwado e ji. Kakatimọ, e tẹdo Asisa osin ogbẹ̀ tọn go bo hẹn nuhe Jiwheyẹwhe dọna ẹn lẹpo do ayiha mẹ.—15/3, weda 14.