Kọ Whọ Kareghẹhọ?

Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:

• Kọ uvi Ileleikristi a rẹ rehọ odẹ Ọghẹnẹ wọhọ ẹbo hayo ekpọfia?

Ahwo jọ a rẹ rehọ eware jọ hayo eka jọ wọhọ ẹbo hayo ekpọfia nọ e rẹ thọ ae, rekọ idibo Ọghẹnẹ a rehọ odẹ riẹ ere he. A fi eva họ Jihova jẹ be daoma ru oreva riẹ, yọ a be rehọ ere ru odẹ Jihova họ oria adhẹzọ rai. (Zef. 3:12, 13)—1/15, ẹwẹ-obe avọ 5-6.

• Fikieme Jihova ọ rọ siọ Sọl ovie na?

Sọl ọ hae hẹrẹ ọruẹaro Ọghẹnẹ re o dheidhe jọ, rekọ ovie na ọ tẹ ghẹmeeyo, ọye ọvo o te dheidhe na. Oke ofa, o ru epanọ a ta kẹe he inọ o kpe ewegrẹ rai no.—2/15, ẹwẹ-obe avọ 22-23.

• Ẹvẹ ma sai ro dhesẹ nọ ma mukpahe emuemu?

Ma rẹ da udi ogaga bu hrọ họ, ma rẹ whaha uruemu imizi, ma ve je ru lele unuovẹvẹ nọ Jesu ọ kẹ kpahe ọfariẹ-ogbe. Wọhọ oriruo, ma rẹ whaha ifoto ẹbẹba iriwo gbe ekpehre isiuru nọ e rẹ wha ze. (Mat. 5:27, 28) Ofariẹ, ma rẹ nyusu kugbe ahwo nọ a sino ukoko ho.—2/15, ẹwẹ-obe avọ 29-32.

• Oghẹrẹ vẹ Jerimaya ọ rọ jọ wọhọ “ure nọ a kọ họ akotọ ame, nọ u fi awọ họ ame”? (Jeri. 17:7, 8)

O je ru iruo nọ Ọghẹnẹ ọ kẹ riẹ ẹsikpobi; ọ kuvẹ hẹ re isẹkoko i ru ei siọ iruo na ba. Ukpoye, ọ talamu Ọnọ ọ rẹ kẹ ame uzuazọ na, o te je ru onọ Jihova ọ ta kẹe.—3/15, ẹwẹ-obe avọ 14.