O ci Ivaluka?

Ove hẽ wa sola oku tanga ovipama Viutala Wondavululi via sandekiwa volosãi via pita? Nda wa vi sola, tambulula apulilo a kuãimo:

• Nye ci lomboloka “ovina via velapo” vi tunda kolofeka viosi? (Hagai 2:8)

Ovina viaco vi lomboloka omanu vana okuti, ndaño ka va lipuile va fendela Yehova omo liocisola. (Olosap. 27:11) Omanu vaco ovo, “ovina via velapo,” vi eca ulamba ku Suku, kuenda eye o sanjukila elitumbiko liavo li lingiwa lutima wosi, haivo va lekisa ombili kupange u kola.—Kupupu-Evambi, kemẽla 17.

• Nye ca lingisa Daniele oku kala “olume wa soliwa calua” la Yehova? (Dan. 10:11, 19)

Daniele wa kala ukuambili yoku lilongisa Ovisonehua. (Dan. 9:2) Eye wa kala ulume umue ukuakulikutilila. (Dan. 2:17, 18) Eye wa sakalalele calua loku sivaya onduko ya Yehova. (Dan. 2:20, 28; 9:19)—Kupupu-Evambi, kemẽla 17-18.

• Anga hẽ Akristão vocili va tenda onduko ya Suku ndociteka ceteyuilo?

Omanu vamue va tenda ocikuata cimue, ale ondimbukiso yimue ndociteka ci va teyuila locikomo, pole, omanu va Suku ka va tendi onduko yaye ndociteka ceteyuilo. Ovo va kolela Yehova kuenda va likolisilako oku linga ocipango caye, kuenje va sanda ociteyuilo konduko yaye. (Sof. 3:12, 13)—15/1, kemẽla 5-6.

• Olonjali vi pondola oku kuatisa ndati omãla vavo oku kuata ovituwa viwa?

Olonjali vi sukila oku situlula ciwa ovituwa viavo komãla. Ovo va sukila oku longisa ocili cosi catiamẽla kondaka yoku lipekela. Va pondolavo oku va kuatisa oku kũlĩha ovitangi vi yilila koku lueya olonumbi via Yehova viatiamẽla kovituwa viwa.—Kupupu-Evambi, kemẽla 12-14.

• Momo lie Yehova a yandulukila Soma Saulu?

Soma Saulu wa kala oku talamẽla lesanda uprofeto wa Suku oco a ece ocilumba, pole, wa lekisa esino poku eca eye muẽle ocilumba caco. Noke ka lekisilevo epokolo kocihandeleko coku kundula ovanyali.—15/2, kemẽla 22-23.

• Tu pondola oku lekisa ndati okuti tua suvuka esino?

Tu cilinga poku yuvula oku nyua calua evi vi koluisa, lovituwa viumbanda, kuenda poku pokola kelungulo lia Yesu liatiamẽla koku yuvula evĩho. Tu sukila oku yuvula oku tala evĩho liukahonga kuenda ovisimĩlo vĩvi vi yililako. (Mat. 5:27, 28) Handi vali, tu ka yuvulavo oku kuata ukamba lomanu va tundisiwa vekongelo.—15/2, kemẽla 29-32

• Olonumbi vipi Viembimbiliya vi tu kuatisa oku limbuka ocipango ca Yehova catiamẽla koku nganyala olombongo losande? (Va Efe. 5:17)

Kovaso a Suku, oku kolela kosande ca lisoka loku fendela oviteka. (Isa. 65:11) Yehova wa lungula afendeli vaye oco va lilave kocipululu. (Etu. 20:17; Va Rom. 7:7) Afendeli va Suku va nganyala olombongo viavo poku talavaya lesunguluko. (Va Efe. 4:28; 2 Va Tes. 3:10, 12)—Kupupu-Evambi, kemẽla 25-26.

• Yeremiya wa kala ndati ‘nduti wa kũlĩwa konele yovava okuti u yandisa olombombo viavo kolui’? (Yer. 17:7, 8)

Yeremiya lalimue eteke a liwekelepo oku ima apako; kuenda ka ecelele oku yapuisiwa lomanu vakuakupembula. Pole, wa kakatelele Kono yovava omuenyo poku pokola lutima wosi kovina Suku o sapuila.—15/3, kemẽla 14.

• Olondaka via Yovi vi sangiwa kelivulu lia Yovi 14:13-15, vi tu longisa nye catiamẽla ku Yehova?

Yehova wa kapako calua omanu vana va lieca ovo muẽle peka liaye, loku ecelela oku pongoluiwa laye okuti va kala omanu va sunguluka kovaso aye. (Isa. 64:8)—Kupupu-Evambi, kemẽla 15.

• Uprofeto Samuele wa ‘lingainga ndati esunga’? (Va Hev. 11:32, 33)

Samuele wa kuatisa koku nena ovina viwa haivio via sunguluka kovaso a Suku. Eye wa amamako oku cilinga momo wa talamẽla lepandi ku Yehova kuenda wa amamako oku linga upange waye ndaño lovitangi.—Kupupu-Evambi, kemẽla 20.