Kärɛc Loi Röt Ëmën, Ayeku Ŋɔ̈ɔ̈th Nɔn Bïï Keek Rot Waar
Kärɛc Loi Röt Ëmën, Ayeku Ŋɔ̈ɔ̈th Nɔn Bïï Keek Rot Waar
“Të cï thök de piny thiɔ̈k, ke akööl rac bï kɔc dhal abïk bɛ̈n.”—2 TIMOTHEO 3:1.
Nadɛ̈ nɔŋ kärɛɛc ca ke tïŋ awu ca ke piŋ kë loi rot tëdun rëër yïn thïn? Cït man,
● Tuany wën ë kɔc juëc nɔ̈k ë kaam thiin ciekic.
● Cɔŋdïït ë kɔc juëc nɔ̈k.
● Ayiëkyiëëkdïït ë kɔc juëc nɔ̈k bïk thou ku rac bɛ̈ɛ̈i ke kɔc juëc.
Të le yïn tueŋ ke yï kuen awereek bɔ̈ tueŋ, ka ba jä ŋic nɔn nɔŋ en käriliic ë kɔc juëc yök ë pïïric. Aba tïŋ aya nɔn ë cïï Baibol jam nɔn bïï käpiɛth röt looi ë dhaman ye cɔɔl “kööl ë thök ë nïn.” a
Wɛ̈t ë gɛ̈t awereŋ kënë, acie wɛ̈t ku bï lɛ̈k yïn nɔn cïï pinynɔm thiäŋ ë kärɛc loi röt yetök. Ku kärɛc kä, aa ca ke dhiɛl tïŋ keke loi röt. Ka yen, awereŋ kënë acï guiir bï yï gäm ŋɔ̈th nɔn bïï käkë ke yiic waar. Aye kënë nyuɔɔth, käŋ kadhetem cïï Baibol ke lueel yeku ke tïŋ keke tiiŋ röt tëden yeköölë, aa ye nyuɔɔth nɔn tɔ̈u ɣok ë “dhaman ë thök ë nïn ë pinynɔm” ku dhaman kënë abï guɔ thök. Awereŋ kënë abï jam aya kä kɔ̈k wën ye kɔc ke dac lueel, ku jɔl ya kën ye nyuɔɔth nɔn bïï käpiɛɛth röt looi ë dhaman bɛ̈n tueŋ.
[Footnote]
a Ku ba ŋic ye wɛ̈tŋö ye Nhialic ë kärɛc kä puɔ̈l bïk röt looi, tïŋ buŋ ye lueel “Why Does God Allow Evil and Suffering?” awerek thiëër ku dhetem [16] ku thiëër ku dhorou [17].