Mga Problema nga Nagadul-ong sa Paglaum
Mga Problema nga Nagadul-ong sa Paglaum
“Sa katapusan nga mga adlaw magaabot ang makahalanguyos nga mga tion nga mabudlay atubangon.”—2 TIMOTEO 3:1.
NAKABATI ka na bala ukon nakakita sining makapasubo nga mga hitabo?
● Makamamatay nga balatian nga nagpapas sang madamo nga tawo.
● Tiggulutom nga nag-utas sang ginatos ka kabuhi.
● Linog nga nagpatay sang linibo kag nagguba sang madamo nga balay.
Sa masunod nga mga pahina, mabasa mo ang pila ka report parte sa sini nga mga hitabo. Mabasa mo man nga gintagna ini sang Biblia nga mahanabo sa tion nga ginatawag “katapusan nga mga adlaw.” *
Pero, indi katuyuan sini nga mga artikulo nga kumbinsihon ka nga nagakabuhi kita sa magamo nga kalibutan, kay mahimo nakita mo na ini mismo. Sa baylo, katuyuan sini nga hatagan ka sing paglaum. Ipakita sini nga ang katumanan sang anom ka tagna nagakahulugan nga ang “katapusan nga mga adlaw” malapit na lang matapos. Binagbinagon man sini ang pila ka pagpati nga wala nagaugyon sa sini nga mga tagna, kag buligan ka nga mahangpan nga may mas maayo pa nga palaabuton.
[Nota]
^ par. 7 Para mahibaluan mo kon ngaa ginatugutan sang Dios ini nga mga kahimtangan, basaha ang artikulo nga “Ngaa Ginatugutan sang Dios ang Kalautan kag Pag-antos?” sa pahina 16 kag 17 sini nga magasin.
