Speransa Apesar di Problema
“Den e último dianan tempunan trabahoso lo bini.”—2 TIMOTEO 3:1.
BO A yega di tende di, òf presensiá, un di e siguiente susesonan tristu akí?
● Malesa fatal ta kaba ku bida di hopi hende.
● Hamber severo ta kousa morto di sientos di hende.
● Temblor ta mata míles di hende i ta laga hopi sin un lugá di biba.
E siguiente páginanan ta duna bo algun dato preokupante enkuanto susesonan manera esakinan. Lo bo haña sa tambe ku Beibel a profetisá ku e susesonan ei lo tuma lugá durante e periodo ku ta ser yamá “e último dianan.” *
Sinembargo, e propósito di e artíkulonan akí no ta pa konvensé bo ku nos ta bibando den un mundu yen di problema. Probablemente bo mes ta mira esei kaba. Mas bien, e meta di e artíkulonan akí ta pa duna bo speransa. Nan lo mustra bo ku kumplimentu di e seis profesianan bíbliko akí ta duna prueba ku “e último dianan” pronto lo yega na nan fin. Ademas, e seri di artíkulo akí lo trata algun opheshon komun ku hende tin kontra e evidensia akí i lo duna bo bon motibu pa kere ku lo tin un mihó tempu den futuro.
[Nota]
^ par. 7 Si bo ke sa pakiko Dios ta permití e kosnan malu akí sosodé, wak e artíkulo “Pakiko Dios Ta Permití Maldat i Sufrimentu?” den E Toren di Vigilansia di 1 di mei 2011, página 8 i 9.