Manamanata Taki Atura ki te Manakonakoanga

“Ka tupu te kino maata i taua tuatau openga ra, kia kite mai koe.”​—2 TIMOTEO 3:1.

KUA akarongo ana me kore kua kite ana ainei koe i tetai o teia au tupuanga mii te ka aru mai?

● Maata te mate nei no te au maki kino.

● Anere ua atu e mate nei no te onge.

● Tauatini ua atu e mate nei no te ngaruerue enua e e maata ua atu kare e kainga.

I roto i te au kapi ka aru mai, ka akara akaou koe i tetai au tumu kino tikai no te au tupuanga mei teia rai. Ka kite katoa koe e te totou maira te Pipiria i taua au tu ra no te tuatau e kapikiia ra e ko te “tuatau openga.”

Te akakoroanga o teia au atikara, kare no te akapapu anga kia koe e te noo nei tatou ki roto i tetai ao manamanata. Penei kua kite mata ana koe i teia au manamanata. No reira, kua tataia te reira kia rauka ia koe tetai manakonakoanga. Te akaari maira te reira i te tupuanga o teia au totou e ono, e kare e roa atu ana ka ope te “tuatau openga.” Ka uriuri katoa teia au atikara i tetai au manamanata tei matauia no teia tupuanga, e ka oronga mai te au tumu meitaki kia irinaki tatou e e apinga meitaki atu tetai i mua ia tatou.