Akpale so afa so mbeni beku ayeke dä

“Na alango ti nda ni, angoi ti akpale so ayeke ngangu na zo ti kanga bê na yâ ni ayeke duti dä.”​—2 TIMOTHÉE 3:1.

MO MÄ wala mo bâ awe ambeni ye ti sioni so ayeke na gbe ni ge?

● Mbeni sioni kobela afâ gbâ ti azo.

● Mbeni kota nzara afâ azo mingi.

● Mbeni sese so ayengi afâ azo saki mingi nga akungbi ada mingi.

Mo yeke bâ ande na yâ ti alembeti so ayeke ga na peko ambeni ye so ayeke pusu mo ti gbu li mingi na ndo ti aye so ayeke si na yâ ti dunia. Mo yeke bâ nga so Bible afa kozoni awe atene so mara ti aye tongaso ayeke si na ngoi so a iri ni “alango ti nda ni”. *

Ye oko, nda ti a-article so ayeke pëpe ti fa na mo so e yeke biani na yâ ti mbeni dunia so akpale ahon ndo ni. Peut-être mo bâ na lê ti mo akpale ni so. Me, a sigigi na a-article so ti mû na mo beku. A-article so ayeke fa na mo so gango tâ tënë ti aprophétie omene so afa so “alango ti nda ni” aga nduru ti hunzi awe. Ambeni zo atene so akpale ti dunia so ayeke hunzi ande pëpe. A-article so ayeke sara tënë na ndo ti ambeni tënë so mingi ti azo ni ayeke tene ka nga ayeke fa aye so amû lege na e ti mä na bê biani so mbeni ye ti nzoni ayeke ku e.

[Kete tënë na gbe ni]