¿Oj maʼ bʼobʼ ajyukujtik smajlajel ama ay wokolik?

«Ja bʼa tsaʼanikxta kʼakʼu oj jak tyempoʼik jel wokol sok mi pasiluk oj kuchkujtik» (2 TIMOTEO 3:1).

¿AY MAʼ awilunej ma awabʼunej jujuntik ja bʼa desgrasyaʼik ti nochani?

● Jun chamel bʼa jel malo wa xchʼaya jitsan sakʼanil.

● Ja tsatsal waʼin wa smila jitsan kristyano.

● Jun terremoto wa smila jitsan mil kristyano sok jitsan wa xchʼayawe ja snajeʼi.

Ja bʼa jas ti nochani oja wil jastik bʼa jel xiwela sbʼaj bʼa ojtikni slaj ja bʼa jas wa staʼa tiʼali. Oja wil ke ja Biblia yalunejxakan ke ja desgrasyaʼik it oj ekʼuk ja bʼa tyempoʼik wa sbʼiʼilan «tsaʼanikxta kʼakʼu».

Ja artikuloʼik it mi wan slejel modo bʼa oj ya kʼuʼuk ayotik sakʼan bʼa jun luʼumkʼinal bʼutʼel wokol, ama jachni ay, pe jani bʼa oj yawi jun smajlajel. Oj skoltaya bʼa oja wil ja jastal wan kʼotel smeranil wake ja bʼa jas alubʼalxakan oj ekʼuk wa sjeʼa ke ojxta chʼakuk ja «tsaʼanikxta kʼakʼu». Chomajkil, oj jpaklaytik ja jas wa xyalawe jujuntik sok jasa rasonik kiʼojtik bʼa skʼuʼajel ojni eljul tyempoʼik bʼa mas lek.