Ombun Duwom Erkelde Wal Ka Kui Esmen
Ombun Duwom Erkelde Wal Ka Kui Esmen
“Kunum porninda bar kunum kes wei mine wo alamb ombun ngonda.”—2 TIMOTI 3:1, NWT.
NIM ombun embe mal ende mine wom yubol tonjip pin—mo dungola—ende kanmo?
● Kes kerma ende wo alamb puli togom.
● Komb kono kerma senge alamb puli gonjip.
● Komb kopo kerma to alamb tausen puli togom, ala puli gulgar tokes mokum.
Tawol Gar ele tuwalto kanjel, ombun embe mal mine wom yubol tonom. Ala Baibel yu propet ne “kunum porninda” bar wal embe mine wonda panim, pra omukro kanjel eri. a
Tawol Gar e erkelde kenem yipe kunum kes seim bar meimen ne pile kisal goramen ne naenjip. Ombun mine wonom nenem kanen. Tawol Gar e erkelde nim wal ka mi bulto mine wonda kui endel. Ala yu propet 6 poro wei mongom tonom bar tadom, “kunum pordom” bar ombun duwom paim porninda mand enem. Ombun embe mine wonom bar alamb bunuman nalmal paim dom, ala wal kawei mibulto mine wonda pilgi ne kui enamen wal dom eri.
[Footnote]
a Nalende Got kankelde ombun kes embe mal mine wonom kanal ne pindal, Tawol Gar ele yu pengem “Nalende Got Kankelde Ombun Duwom na Mambnem Kes Mine Wonom?” a ne pes 16 na 17 a paim bar pu kanjel.