¿Baʼaxoʼob eʼesik yaan esperanza?

«Tu tsʼook kʼiinoʼobeʼ yaan u yilaʼal yaayaj kʼiinoʼob yéetel istikyaj ken u máansil u kuxtal máak» (2 TIMOTEO 3:1).

MAʼ XAANEʼ tsʼoʼok a wantal tuʼux tsʼoʼok u yúuchul le nukuch loobiloʼobaʼ:

● Junpʼéel kʼaakʼas kʼojaʼanileʼ ku kíimsik yaʼab máak.

● Le wiʼijiloʼ ku kíimsik yaʼab máak.

● Tuʼux ku tíitkuba le luʼumoʼ u milesil máakoʼob ku kíimloʼob yéetel yaʼabeʼ ku pʼáatal minaʼan u yotochoʼob.

Tiʼ le uláakʼ xookoʼoboʼ yaan k-tʼaan tiʼ uláakʼ baʼaxoʼob chíikaʼanoʼob tiʼ le baʼaxoʼob tsʼoʼok k-aʼalikoʼ. Yaan a tsʼáaik cuentaeʼ le Bibliaoʼ u yaʼalmiliʼ yaan u yúuchul le baʼaloʼobaʼ, tsʼoʼoleʼ le kun eʼesik xan kuxaʼanoʼon ‹tu tsʼook kʼiinoʼob›.

Chéen baʼaleʼ le xookoʼobaʼ maʼ beetaʼanoʼob utiaʼal ka a wil táan u sen úuchul baʼaloʼob kʼaastakiʼ, baʼaxeʼ utiaʼal ka yanaktech esperanza. Yaan a tsʼáaik cuentaeʼ táan u béeytal seis profecíaʼob, leloʼ ku yeʼesikeʼ le u ‹tsʼook kʼiinoʼoboʼ› jach taʼaytak u tsʼoʼokoloʼob. Yaan k-ilik baʼax ku yaʼalik jujuntúul máakoʼob maʼ tu creerkoʼob wa kuxaʼanoʼon tu tsʼook kʼiinoʼob yéetel yaan k-ilik baʼaxten jeʼel u páajtal k-creertik yaan u maʼalobtal tuláakal baʼal.