Sabanyno sacró ló dzú ni sietra

«Ló dzú ni ma guidubylagaʼ sieed dzú nigolú nagan par guicaló buñ» (2 TIMOTEO 3:1).

¿MA BIBIʼLO tipnés desgrasy ni goyoʼ o ma gonlo láani la?

● Toib galguitz ni calatgoluʼ ma bigaityni xidalguixo buñ.

● Galrralán ragaityni xidalguixo buñ.

● Xidal buñ raity né xidalguixo buñ ranitló lidx xtol xo rodann.

Nigoreʼ guisetlado cós nadzuiby ni góc. Looy sadudylo cuent que ni ma goniʼ la Biblia que guirá desgrasy ni cayac reʼ nacni portín ma rabésno ló «dzú ni ma guidubylagaʼ».

Artículos reʼ diti cayopyni mod par gonylo crer que ma rabésno ló dzú ni nigolú nagan, portín ma nanno que scú nacni, xalagary ngú radudyni esperanza looy. Sacnéni looy que órni cayac cumplir xhoop profecías ni sieed ló la Biblia raslooyni que mápa mer guilox «dzú ni ma guidubylagaʼ». Láaca sasuidyno xigony tipnés buñ diti rony crer né xi razón napno par gonyno crer que mápa mer ló dzú ni sietra sabanyno sacróyen.