Panjahaion 1. Gempa Bumi

“Masa ma lalou [gempa] na maparah.”​—LUKAS 21:11.

● Sanggah dong gempa i Haiti, si Winnie na marumur 16 bulan hapit i toruh ni rumah na marumbak. Hape tartangar sahalak reporter TV ma soarani. Jadi ipakaluar ma ia hunjai. Tapi matei do namatorasni halani gempa ai.

AHA NA MASA? Sanggah masa gempa na parah i Haiti bani bulan Januari 2010, dong lobih 300.000 halak na matei. Dong homa 1,3 juta halak na lang dong be rumahni. Age pe sonai, sedo gempa i Haiti ai na siparahan na ongga masa. Humbani bulan April 2009 ronsi April 2010, siotikanni dong 18 gempa na parah na masa i sab dunia on.

AHA NA IHATAHON BUEI HALAK? Sasintongni, humbani na hinan domma bahat gempa na masa. Tapi halani domma maju teknologi sonari on, gabe ibotoh hita ma bahat gempa na masa.

TONGON DO NA IHATAHON SIDEA AI? Paruhurhon ma na ihatahon Bibel. Bani panorang parpudi sedo bahatni gempa na ipatugah bani Bibel. Tapi ihatahon do masa ma ‘lalou na maparah mar sasanagori’ anjaha tangkas do ididah hita parahan do gempa na masa sonari on.​—Markus 13:8; Lukas 21:11.

SONAHA PANDAPOTMU? Ai tongon do parah gempa na masa sonari on domu bani panjahaion ni Bibel ai?

Lang pitah gempa na patuduhkon anggo hita manggoluh bani panorang parpudi. Dong ope panjahaion na legan na domma saud. Pardiateihon hita ma panjahaion na paduahon.

[Kutipan]

“Anggo hanami [peneliti gempa] isobut hanami do ai gempa na maparah. Tapi anggo buei halak mangkatahon gempa na majangin do ai.”​—KEN HUDNUT, SURVEI GEOLOGIS AS.

[Picture Credit Line]

© William Daniels/​Panos Pictures