Oesini 1. Chechchechin Fönü

“Epwe wor watten chechen fanü.”​—LUK 21:11.

● Emön nengngin itan Winnie, eü esopw ierin, ra weitawu seni fän taan imwan we mwirin ewe chchechin fönü lon Haiti. Emön chon repotei pworaus woon TV a erä pwe ra küna ren an rongorong ngüngüün ena kükkün nengngin. Nge i chök a manau, inan me seman ra mälo.

MET EKKEEI PWORAUS RA PWÄRATÄ? Lap seni 300,000 aramas lon Haiti ra mälo ren ewe watteen chchech a fis lon January 2010, me 1.3 million aramas ra osupwangen imwer. Ena ükükün watteen chchech ese chök fis lon Haiti. Orun 18 watte chchechin fönü a pwal fis woon unusen fönüfan lefilen April 2009 me April 2010.

ALON EKKEWE RESE LUKU. Sap minne a lapolo ekkewe chchechin fönü mi fiffis. Nge pokiten chök tipatchemen computer ikenäi, sia tufichin silei iteiten chchech a fis iei lap seni loom.

MEI PWUNG ALOR? Ekieki ei pworaus: Ewe Paipel ese menlapei lapoloon chechchechin fönü atun ekkewe ränin lesopwoloon. Iwe nge, a erä pwe “watten chechen fanü” epwe tori “ekis meinisin,” iir minen ämäirü lon uruwoon ach keei fansoun.​—Mark 13:8; Luk 21:11.

MET MEEFIOM? A fen fiffis watteen chechchechin fönü usun met Paipel a oesini?

Fisitään chechchechin fönü chök, eli esap naf le ännetatä pwe sia nonnom lon ränin le sopwoloon. Nge, esap chök ina ewe oesini a pwöppwönütä iei. Nengeni ei oruuan.

[Ekis Pwóróus lón pekin taropwe 4]

“Äm sou tipatchemen science aua eita ngeniir watteen chechchechin fönü. Nge aramas ra erä iir mi eniueniu.”​—KEN HUDNUT, U.S. GEOLOGICAL SURVEY.

[Credit Line lon pekin taropwe 4]

© William Daniels/Panos Pictures