1. Lihnin

“Ṭih a nungmi lihnin . . . a tlung lai.”—LUKA 21:11.

● Thla 16 lawng a simi Winnie cu Haiti ram i tlakrawh chungin khamh a rak si. Lihnin kong he aa tlaiin thawngpang thanh awkah TV thlahtu pawl an rat lioah mah ngakchianu aihram thawng kha an theihmi a si. Mah ngakchianu cu a luat ko nain a nu le a pa cu an rak thi cang.

Mah Nih Zeidah A Langhter? 2010, January thla ah Haiti ah 7.0 tha a ngeimi li aa hninh ruangah minung 300,000 leng an rak thi. Mah lengah minung nuai 1.3 leng cu inn le lo ngei loin an rak um. Cu bantuk a tha a fakmi lihnin cu Haiti ram lawngah aa hninhmi a si lo. Vawleicung pumpi ah 2009, April in 2010, April chungah cu bantuk a fakmi lihnin cu a tlawm bikah voi 18 aa hnin.

Mi Tam Deuh Nih Zeitindah An Lehrulh? Lihnin cu voi tam deuh kan tong tinak a si lo. Tuchan sehlei fimthiamnak ruangah a hlan nakin lihnin kong tam deuh in kan theih caah a si.

Mi Tam Deuh Lehrulh Ning Cu Zumh Khawh A Si Maw? Mah kong hi ruathmanh: Ni hmanung bik caan ah li voi zeizat dah aa hninh lai timi kong he aa tlaiin Baibal nih a hleiin cun a chim lo. Asinain ‘a fakmi nihnin’ kha “a kenkip ah” a um lai tiin cun a chim. Minung tuanbia ah a biapimi a simi a tu caan chungah lihnin cu aa thleidangmi hmelchunhnak pakhat a si.​—Marka 13:8; Luka 21:11.

Nangtah Zeitindah Na Ruah? Baibal ah a chimchung bantukin atu ah li aa hninhmi kha na hmu maw?

Ni hmanung bik ni ah kan nung ti langhter awkah lihnin pakhat lawng in cun a za men lai lo. Asinain lihnin kong he aa tlaiin mah chimchungbia lawng hi a tlinmi a si lo. A tling cangmi a dang chimchungbia pakhat kha zoh ṭhan hna hmanh u sih.

[Cahmai 4nak i a tawinak in langhternak]

“Kanmah [geophysicists] nih science lei hmuhning in cun a fakmi lihnin tiah kan auh ko nain mi sawhsawh pawl nih cun a ṭha lo tukmi thil a si tiah an ti ko lai.”—KEN HUDNUT, U.S. GEOLOGICAL LEI HLATHLAINAK

[Picture Credit Line on page 4]

© William Daniels/​Panos Pictures