Parofisai 1. Uneune

“Ena yaco na uneune kaukaua.”—LUKE 21:11.

● O Winnie e yabaki dua veimama, a vueti mai na irusarusa ni vale a vakacacani ena uneune mai Haiti. Era rogoca na nona osi e dua na ilala dauvolaitukutuku mai na dua na kabani ni tivi era kaburaka tiko na itukutuku ni uneune. A bula o Winnie, ia rau mate na nona itubutubu.

KA E YACO DINA. A kurei Haiti ena Janueri 2010 e dua na uneune e 7.0 na kena kaukaua ra qai mate kina e sivia na 300,000 na lewenivanua. E 1.3 tale na milioni e vakacacani na nodra itikotiko ena gauna vata ga oya. E uneune kaukaua dina oya, ia na uneune mai Haiti e sega ni kena duadua ga e yaco. Ena Epereli 2009 ina Epereli 2010, a yaco kina e rauta ni 18 tale na uneune kaukaua e veiyasa i vuravura.

KA ERA TUKUNA E LEVU. E sega ni levu tiko ga na uneune; e levu na misini vovou ena gauna qo eda sa kila kina na veika a sega ni kilai tu e liu me baleta na uneune.

E DINA OYA? Vakasamataka mada na ka dina qo: E sega ni tukuna na iVolatabu na iwiliwili ni uneune ena yaco ena iotioti ni veisiga. Ia e tukuna ga ni na yaco “na uneune kaukaua . . . ena levu na vanua,” qori e dua na ka e kilai me baleta na gauna vakairogorogo qo ena itukutuku ni kawatamata.—Marika 13:8; Luke 21:11.

NA CAVA MADA O NANUMA? Sa yaco dina tiko na uneune kaukaua me vaka e parofisaitaki ena iVolatabu?

Na uneune e rairai sega ni ivakadinadina duadua ga nida bula tu qo ena iotioti ni veisiga. Ia qori e dua ga na parofisai e sa vakayacori tiko. Raica mada na kena ikarua.

[Tikina bibi ena tabana e 4]

“Keimami vakatoka na daunivatu [geophysicist] me uneune kaukaua. O ira na kena vo era kaya ni vakadomobula.”—KEN HUDNUT, U.S. GEOLOGICAL SURVEY.

[iTaba ni Credit Line ena tabana e 4]

© William Daniels/Panos Pictures