1. Чир тітіреені

«Анда-мында чир уғаа тың тітірир» (ЛУКА 21:11, НТ).

● Телерепортерлар Гаитидегі чир тітіреені ағылған ӱрегдеңер чоохтапчатханда, кемнің-де ӧстепчеткенін ис салғаннар. Пір час чарым частығ хызыҷах, Винни, ӧстеен полтыр. Ол пала тіріг халған, аның іҷе-пабазы — чох.

ФАКТТАР НИМЕ КӦЗІТЧЕЛЕР? 2010 чылда кӱрген айында Гаитиде 7 баллығ чир тітіреені полғанда, 300 000 азыра кізі хырыл парған. 1 миллион 300 муңҷа кізі чурт чох халған. Ӱреге ағылған чир тітіреені пір ле полбаан. 2009 чылдағы хосхар айынаң 2010 чылдағы хосхар айына читіре иң асхынах 18 уғаа тың чир тітіреені полған.

ТОҒЫР ЧООХ. Чир тітіреені мының алнындағызынаң удаа полбинча, наа технологиялар ӱчӱн піс олардаңар удаа исчебіс.

АНЗЫ АНДАҒ БА? Хайығ салыңар, Библияда халғанҷы кӱннерде чир тітіреені нинҷе кӧп поларынаңар чоохталбинча. «Анда-мында чир уғаа тың тітірир» тіп чоохталча. Олар тӱгенҷі кӱннерні таныхтапчалар (Марк 13:8; Лука 21:11, НТ).

ХАЙДИ САҒЫНЧАЗАР? Библияда ухаанҷылалған хоостыра пӱӱн чир уғаа тың тітірепче бе?

Чир тітіреенінең пір ле ухаанҷылас толча, че пасха даа нимелер тӱгенҷі кӱннерде чуртапчатханыбысты киречілепчелер. Мының соондағы статьяны кӧріңер.

[Вставка]

«Піс [геофизиктер] оларны уғаа тың чир тітіреені тіп адапчабыс. Пасхалары, тізең, оларны уғаа хорғыстығ тіп адапчалар» (КЕН ХАДНАТ, ГЕОЛОГИЧЕСКАЯ СЛУЖБА США).

[Хоостаңар искіріглер]

© William Daniels/​Panos Pictures