Wemoherep hap 1. Tyry e kahato

— Mesūwat mytȳp tyry tyry e kahato e Iesui. — IRUKA 21:11

● Tyry tyry e hap tuwemoherep ywania Haiti ete hawyi iraniaꞌīn tāt wentup piꞌã hin Winnie e hap het rakat toꞌyat iaporokꞌe rakat ywytꞌokpy piat. Jornal wuat ipotpap takaria teꞌerenentup Winnie tuwak hap kape miꞌi pote mītꞌīn ipowȳro. Miꞌi ȳt ikuꞌuroꞌi maꞌato ity hawyi iꞌȳwot iꞌatukuꞌuro raꞌyn.

KAT ASOM WEMOHEREP HARIA PUO PYI WATEHAꞌAT KUAP. Janeiro ano 2010 pe tyry tyry iwato kahato rakat tuwemoherep tama Haiti ete. Miꞌi turān sese mītꞌīn iꞌatukuꞌuro iꞌewȳte typyꞌi kahato taꞌatupug̃ha yne taꞌatuekareꞌen koꞌi iũteꞌen. Miꞌitā̃ tyry tyry e hap tuwemoherep Haiti pe iwato kahato. Mesūwat yi oktān abril 2009 pyi abril 2010 kape 18 tyry e hap iwato rakaria tuwemoherep.

KAN IRANIAꞌĪN TEꞌERUWANENTUP. — Tyry tyry e hap tuwemoherep kahatoꞌi maꞌato TV hawyi internet kaipyi korā̃ watikuap poꞌog̃ iraniaꞌīn tyry e hap koꞌi etiat saꞌawyꞌi wuat kai iꞌatuꞌe mītꞌīn.

IꞌATUWANENTUP HAP PȲWO ASOM. Tupana Ehay ȳt henoiꞌi karānia tyry e hap koꞌi tuwemoherep mesūwat yi oktān hap. Maꞌato Iesui henoi kat koꞌi kat koꞌi etiat tuwemoherep ikahuro hap eꞌāt eꞌyj̃an mete hap. Miꞌi toꞌe — Mesūwat mytȳp tyry tyry e kahato e. — Maku 13:8; Iruka 21:11.

AIKOTĀ̃ ETIPUENTI. Korā̃ tuwemoherep asom tyry tyry e hap koꞌi aikotā̃ Tupana Ehay henoi hap ewy sio ȳt.

Iraniaꞌīn teꞌeruwanentup hawe — Tyry tyry e hap koꞌi ȳt toimoherepꞌi ikahuro hap eꞌyj̃an mete watoig̃neꞌen iꞌatuꞌe. Tyry tyry e hap koꞌi tuwemoherep taꞌyn pykai wen maꞌato Tupana Ehay henoi poꞌog̃ aikotā̃ aikotā̃ hamuat koꞌi etiat tuwemoherep ikahuro hap eꞌāt eꞌyj̃an mete. Toꞌiro watuwemūꞌe wentupꞌi etiat.

[Miwan ko’i]

— Urutoria tyryꞌe hap etiat wemūꞌe haria uruhuꞌat tyryꞌe hap koꞌi iwatoꞌīn rakaria urutoꞌe. Maꞌato iraniaꞌīn taꞌatuhuꞌat tyryꞌe hap koꞌi aikotā̃ taꞌatuhoꞌopot kahato hap iꞌatuꞌe. — KEN HUDNUT CENTRO DE PESQUISA GEOLÓGICA DOS ESTADOS UNIDOS PIAT.

[Iaꞌag̃kap etiat]

© William Daniels/Panos Pictures